23-Oct-2025

ବଲାଙ୍ଗୀର(ପ୍ରେରଣା ଖବର):  ବଲାଙ୍ଗୀର ଜିଲ୍ଲା ପୋଲିସର ସାଇବରସେଲ ପକ୍ଷରୁ ଆଜି ବିଭିନ୍ନ ସ୍କୁଲକଲେଜର ଛାତ୍ରଛାତ୍ରୀ ଙ୍କୁ ନେଇ ଏକ ସାଇବରଅପରାଧ ସଚେତନତା ହିଁ ସୁରକ୍ଷା କର୍ମଶାଳା ଅନୁଷ୍ଠିତ ହୋଇଯାଇଛି । ସାଇବର ଅପରାଧିମାନେ କିଭଳି ଲିଙ୍କ ପଠାଇ ବ୍ୟାଙ୍କ ଆକାଉଣ୍ଟ ତଥା ମୋବାଇଲ ଆକାଉଣ୍ଟକୁ ହ୍ୟାକ କରି ଟଙ୍କା ଲୁଟିଥାନ୍ତି ସେ ବିଷୟରେ ଛାତ୍ରଛାତ୍ରୀଙ୍କୁ ସଚେତନ କରାଯାଇଥିଲା । ଭୀମଭୋଇ ମେଡିକାଲକଲେଜର ସଭାକକ୍ଷରେ ଆୟୋଜିତ ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବରେ ଜିଲ୍ଲାପାଳ ଗୌରବ ଶୀବାଜୀ ଇସଲୱାର ଓ ସମ୍ମାନୀତ ଅତିଥି ଭାବରେ ଏସପି ଅଭିଲାଷ ଜୀ ଯୋଗଦେଇଥିଲେ । କ୍ରାଇମ ଡିଏସପି କମଳଲୋଚନ ପଣ୍ଡାଙ୍କ ସଂଯୋଜନାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ସାଇବର ସେଲର ଇନ୍ସପେକ୍ଟର ଭାରତୀ ନାଏକ ସାଇବର ଅପରାଧର ବିଭିନ୍ନ ଦିଗଉପରେ ଆଲୋଚନା କରିଥିଲେ । ବିଭିନ୍ନ ସମୟରେ ଅଜଣା ମୋବାଇଲନମ୍ବର କଲ ତଥା ଲିଙ୍କଗୁଡିକରୁ ସତର୍କ ରହିବାକୁ ସେ ପରାମର୍ଶ ଦେଇଥିଲେ । ଜନସଚେତନତା ହିଁ ସାଇବର ଅପରାଧରୁ ସୁରକ୍ଷା ଦେଇପାରିବ ବୋଲି ଜିଲ୍ଲାପାଳ ଶ୍ରୀ ଇସଲୱାର

କହିଥିଲେ । ଠିକ ସେହିପରି ଏସପି ତାଙ୍କ ବକ୍ତବ୍ୟରେ ବିଭିନ୍ନ ପ୍ରକାର ସାଇବର ଅପରାଧ ବିଷୟରେ କହିବା ସହିତ ମୁଖ୍ୟତଃ ଅଧିକ ଆୟକରୁଥିବା ବ୍ୟାଙ୍କରେ ଟଙ୍କା ରଖୁଥିବା ଗ୍ରୁପକୁ କିଭଳି ସାଇବର ଠକଗୁଡିକ ଟାର୍ଗେଟ କରିଥାନ୍ତି ସେ ବିଷୟରେ କହିଥିଲେ । ଅନ୍ୟମାନଙ୍କ ମଧ୍ୟରେ ସଦର ଅତିରିକ୍ତ ଏସପି ହିମାଂଶୁ ବେହେରା,ଅତିରିକ୍ତ ଏସପି ଗୁଣନିଧି ମଲ୍ଲିକ, ସଦରଏସଡିପିଓ ସରୋଜକୁମାର ଉପାଧ୍ୟାୟ,ଆଶିଷ୍ଟାଣ୍ଟ କମାଣ୍ଡାଣ୍ଟ ଶରତ ସୁନା,ଇନ୍ସପେକ୍ଟର ତାରାବତୀ ପଧାନ, ଇନ୍ସପେକ୍ଟର ଅନିତା ପଧାନ,ଟାଉନଥାନା ଆଇଆଇସି ଅବନୀ ସାହୁ ପ୍ରମୁଖଙ୍କ ସମେତ ଅନ୍ୟାନ୍ୟ ଅଧିକାରୀ ଉପସ୍ଥିତ ରହି ସହଯୋଗ କରିଥିଲେ । ଏହି ଅବସରରେ ଜିଲ୍ଲାପାଳ ଓ ଏସପି ଏକ ସାଇବର ସଚେତନତାରଥକୁ ସବୁଜ ପତାକା ଦେଖାଇ ଶୁଭାରମ୍ଭ କରିଥିଲେ ।