15-Oct-2025

ବୋଡେ଼ନ (ଚିନ୍ତାମଣି ନେତାମ)ଲୋକଙ୍କ ସୁବିଧା ଓ ସୁଶାସନ ବ୍ୟବସ୍ଥା ପାଇଁ ପଞ୍ଚାୟତ ତିଆରି କରାଗଲା ସମସ୍ତଙ୍କୁ ଜଣା ଅଛି କିନ୍ତୁ ବୁଦାଳିଆ ରାସ୍ତା ଗୁଡ଼ିକ ପଞ୍ଚାୟତକୁ ଅନ୍ୟ ଆଖିରେ ଦେଖୁଛି,ଇଙ୍ଗିତ କରୁଛି ଢିଲା ଶାସନ ବ୍ୟବସ୍ଥାକୁ । ନୂଆପଡ଼ା ଜିଲ୍ଲା ବୋଡେ଼ନ ବ୍ଲକ  ଧରଣୀମାଲ  ଠାରୁ ବାବେବିର  ପଞ୍ଚାୟତରେ ରାସ୍ତାର ଏହି ଅବସ୍ଥା ଦେଖିବାକୁ ମିଳୁଛି ।ବୁଦାମାନ ଭରିରହିଥିବା କାରଣରୁ ବିଭିନ୍ନ ବୁଲାଣିଆ ରାସ୍ତା ପାଖରେ ସାମ୍ନା ପଟରୁ ଆସୁଥିବା ଗାଡ଼ି ଗୁଡ଼ିକ ଦେଖା ଯାଉନାହିଁ ।ଆଜି କାଲି ସହର ହେଉ ଅବା ଗ୍ରାମାଞ୍ଚଳ ସବୁଠି ଗାଡ଼ି ମଟର ଚଳଚଞ୍ଚଳ ସାଙ୍ଗକୁ ଲୋକଙ୍କ ଭିଡ଼ ।ସମସ୍ତଙ୍କ ପାଇଁ ଏହି ଭଳି ଦେଖାଯାଉନଥିବା ରାସ୍ତା ଭାରି ବିପଦ, ମୁଖ୍ୟତଃ ଛୋଟ ଛୋଟ ସ୍କୁଲ ପିଲା ଓ ବଧିରଙ୍କ ପାଇଁ ଆହୁରି ବିପଦ ପୂର୍ଣ୍ଣ ।ଉଦାହରଣ ସ୍ୱରୂପ ଗୋଟିଏ ପଟରୁ ଭାରି ଯାନ ଆସୁଛି ପୁଣି ହର୍ଣ୍ଣ ମଧ୍ୟ ଦେଉଛି କିନ୍ତୁ ଅନ୍ୟ ପଟରୁ ଜଣେ ବଧିର ଲୋକ ଆସୁଛି ତେବେ ଏହି ଲୋକକୁ ହର୍ଣ୍ଣ ଶୁଭିବ କି ? ବର୍ତ୍ତମାନ ରାସ୍ତାମାନ ଏହି ପ୍ରକାର ଛୋଟ ବଡ ବୁଦା ଦ୍ଵାରା ଢାଙ୍କି ହୋଇ ରହିଛି ଯଦ୍ୱାରା କି ଦୁର୍ଘଟଣା ଘଟିବାର ସମ୍ଭାବନା ଅଛି ଏବଂ ହେଉଛି ।ଏହି ବୁଦା ଗୁଡ଼ିକୁ ବର୍ତ୍ତମାନ କାଟିବା କଥା କିନ୍ତୁ ଦୁଃଖ ଲାଗେ ଯେତେବେଳେ ବୁଦା ଗୁଡ଼ିକ ଶୁଖିଯାଏ ସେହି ସମୟରେ ଲକ୍ଷ ଲକ୍ଷ ଟଙ୍କା ସରକାରୀ କୋଷରୁ ଖର୍ଚ୍ଚ କରି ବୁଦା କଟାଯାଏ ।ଆବଶ୍ୟକ ସମୟରେ ଟଙ୍କାର ବିନିଯୋଗ କଲେ ଲୋକଙ୍କ ଭଲ ସୁବିଧା ପାଇଁ ଅର୍ଥ ଅନର୍ଥ ହେବାରୁ ବଞ୍ଚି ଯାଆନ୍ତା । ଜିଲ୍ଲା ପ୍ରଶାସନ ଓ ପଞ୍ଚାୟତ ଏଥି ପ୍ରତି ଦୃଷ୍ଟି ଦେବାକୁ ସାଧାରଣରେ ଦାବି ହେଉଛି ।