08-Oct-2025

ଧର୍ମଗଡ଼ (ଜ୍ୟୋତିରଞ୍ଜନ ବେମାଲ। )
କଳାହାଣ୍ଡି ଜିଲ୍ଲା କୋକସରା ବ୍ଲକ ଫୋକସ ପ୍ଲସ ସାମ୍ବାଦିକ ସାମ୍ବାଦିକ ମାଧବ ଠାକୁର (୩୮)ଙ୍କ ନବରଙ୍ଗପୁର ଖ୍ରୀଷ୍ଟିଆନ  ମେଡିକାଲ ରେ ବିୟୋଗ ହୋଇଛି।ସେ କିଡନୀ ରୋଗ ରେ ଆକ୍ରାନ୍ତ ହୋଇ ଦୀର୍ଘ ଦିନ ହେବ  ବିଶାଖାପାଟଣା ଏକ ଘରୋଇ ଡାକ୍ତରଖାନାରେ ଚିକିତ୍ସିତ  ହେଉ ଥିଲେ। କିଛିଦିନ ତଳେ ନିଜ ଘର କୁ ପ୍ରତ୍ୟାବର୍ତ୍ତନ କରିଥିବା ବେଳେ ପୁଣି ତାଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ହେବାରୁ ନବରଙ୍ଗପୁର ଡାକ୍ତରଖାନାରେ ଭର୍ତ୍ତି କରାଯାଇଥିଲା।ଚିକିତ୍ସିତ ଅବସ୍ଥାରେ ହିଁ ତାଙ୍କର ମୃତ୍ୟୁ ହୋଇଥିଲା ।ସେ ଜଣେ ନିଃସ୍ୱାର୍ଥପର ନିରପେକ୍ଷ ସାମ୍ବାଦିକ ଓ ସମାଜସେବୀ ଭାବେ ବେଶ ପରିଚୟ ସୃଷ୍ଟି କରିପାରିଥିଲେ।ସେ ଫୋକସ୍ ପ୍ଲସ   ୱେବଚେନାଲ ର କୋକସରା ବ୍ଲକ ପ୍ରତିନିଧି ଭାବେ ଦୀର୍ଘ ଦିନ ହେବ କାର୍ଯ୍ୟକରି ଆସୁଥିଲେ।ସାମ୍ବାଦିକତା ସହ ଦଣ୍ଡପାଟ ଅଞ୍ଚଳ ର ବିଭିନ୍ନ ସଂଗଠନ ରେ ସାମିଲ ହୋଇ ଦୁର୍ନୀତି ବିରୋଧରେ ସ୍ବର ଉଠାଉ ଥିଲେ।ବିଶେଷ ଭାବେ ଡମ୍ବ ସମାଜର ବିକାଶ ପାଇଁ ଅହରହ ଚେଷ୍ଟିତ ରହୁଥିଲେ।ତାଙ୍କ ବିୟୋଗରେ ଗ୍ରାମ ତଥା  ଅଞ୍ଚଳରେ ଶୋକାକୁଳ ପରିବେଶ  ସୃଷ୍ଟି ହୋଇଛି।ମଙ୍ଗଳବାର ଦିନ ନିଜ ମାଟି ଧର୍ମଗଡ଼ ବ୍ଲକ୍ ପଦ୍ମପୁର  ମଶାଣୀ ରେ ଶେଷ କୃତସଂପନ୍ନ ହୋଇ ଯାଇଛି।ବଡ଼ ପୁଅ ଉଦିତ ଠାକୁର ମୁଖାଗ୍ନି  ଦେବାବେଳେ ନିଜ ବନ୍ଧୁ ପରିଜନ ସହ ବହୁ ମନ୍ୟଗୁନ୍ୟ  ବ୍ୟକ୍ତି ଉପସ୍ଥିତ ରହିଥିଲେ । ତାଙ୍କ ମୃତ୍ୟୁ ରେ ବିଭିନ୍ନ ମହଲରୁ  ଗଭୀର ଶୋକ ବ୍ୟକ୍ତ କରାଯାଇଥିବା ବେଳେ ବରିଷ୍ଠ ଆଇନ ଯିବି ଦିଗାମ୍ବର ଦୂରିଆ,ଦଣ୍ଡପାଟ ସାମ୍ବାଦିକ ସଂଘ ର ଦିଲୀପ ଦୁରିଆ ,ଚିତ୍ତରଞ୍ଜନ ନାଏକ,କମେଶ ରଞ୍ଜନ ନାଗ,ଖଗପତି ନାଏକ,ପ୍ରଦୀପ ସେଠିଆ,ଶୋଭିତ ଗାନ୍ଧୀ , ରାଜେଶ ନାଏକ ଏଵଂ କ୍ଷେତ୍ରମୋହନ ନାଗ ପ୍ରମୁଖ ଉପସ୍ଥିତ ରହି ଶ୍ରଦ୍ଧାଞ୍ଜଳି ଜଣାଇବା ସହ ସୋକସନ୍ତପ ପରିବାର କୁ ସମବେଦନା ଜଣାଇଥିଲେ ।