11-Sep-2025

ଅତାବିରା(ଆକାଶ ମିଶ୍ର): ଆଜି ଅତାବିରା ବ୍ଲକ ଅନ୍ତର୍ଗତ ଅତାବିରା ଉଚ୍ଚବିଦ୍ୟାଳୟ ଠାରେ ଏ ବି ଇ ଓ କାର୍ତ୍ତିକ ବାଗଙ୍କ ଅଧ୍ୟକ୍ଷତା ରେ ବ୍ଲକର ପ୍ରଧାନଶିକ୍ଷକ, ଶିକ୍ଷୟତ୍ରୀ, ସ୍କାଉଟ ମାଷ୍ଟର  ଗାଇଡ କେପଟେନ୍ ଓ ଖେଳ ଶିକ୍ଷକ ଶିକ୍ଷୟିତ୍ରୀ ମାନଙ୍କୁ ନେଇ ବ୍ଲକସ୍ତରୀୟ ସାଧାରଣ ବୈଠକ ଅନୁଷ୍ଠିତ ହୋଇ ଯାଇଛି । ଏହି ବୈଠକରେ ନୋଡାଲ ବିଦ୍ୟାଳୟ ପ୍ରଧାନ ଶିକ୍ଷୟିତ୍ରୀ ସୁରେନ୍ଦ୍ର ବେହେରା , ସ୍ଥାନୀୟ ବିଦ୍ୟାଳୟ ର ପ୍ରଧାନ ଶିକ୍ଷକ ମନୋଜ ହରପାଲ , ଲାଦରପାଲି ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷକ ହିମାଂଶୁ ସାହୁ , ବ୍ଲକ କ୍ରୀଡା ସମ୍ପାଦକ ସୁଦୀପ୍ତ ସାହୁ ମଞ୍ଚାସିନ ଥିଲେ । ପୂର୍ବତନ ଶାରୀରିକ ଶିକ୍ଷା ଅଧିକାରୀ ତଥା ଖେଳ ଶିକ୍ଷକ ତ୍ରିଲୋକ୍ୟ ନାୟକ ଅତିଥି ପରିଚୟ ପ୍ରଦାନ କରିଥିଲେ ।ମଞ୍ଚାଷିନ ଅତିଥି ମାନଙ୍କ ଦ୍ଵାରା ମାଁ ସରସ୍ଵତୀ ଓ ମାଁ ସମଲେଶ୍ଵରୀ ଙ୍କ ଫୋଟୋ ଚିତ୍ରରେ ଦୀପ ପ୍ରଜ୍ବଳନ ପୂର୍ବକ ପୂଜାର୍ଚ୍ଚନା ପରେ ସଭାକାର୍ଯ୍ୟ ଆରମ୍ଭ ହୋଇଥିଲା ।କ୍ରୀଡା ସମ୍ପାଦକ ଶ୍ରୀଯୁକ୍ତ ସାହୁ ବାର୍ଷିକ ବିବରଣୀ ପ୍ରଦାନ କରିବା ସହ ବର୍ଷ ବିଭିନ୍ନ ସମୟରେ ହେବାକୁ ଥିବା ବ୍ଲକସ୍ତରୀୟ , ଜିଲ୍ଲାସ୍ତରୀୟ ଖେଳ କୁଦ, ସ୍କାଉଟ୍/ ଗାଇଡ ଓ ଜୁନିୟର ରେଡକ୍ରସ ର କାର୍ଯ୍ୟକ୍ରମ ଉପରେ ଅବଗତ କରାଇଥିଲେ ।ଏହି କାର୍ଯ୍ୟକ୍ରମ କିପରି ଭାବରେ ଶୃଙ୍ଖଳିତ ଓ ସଫଳତାର ସହ ସମ୍ପନ୍ନ ହେବା , ସେ ନେଇ ଉପସ୍ଥିତ ସମସ୍ତେ ମତାମତ ଦେବା ଆହ୍ଵାନ ଜଣାଇଥିଲେ । ଏଥିରେ ଅତାବିରା ବ୍ଲକ ରେ ବିଦ୍ୟାଳୟ ସଂଖ୍ୟା ଅଧିକ ଥିବାରୁ ଏହାକୁ ପୂର୍ବରୁ ତିନିଟି ସବ ଜୋନ ପରିବର୍ତ୍ତେ ଚାରିଟି ସବଜୋନ କରାଗଲେ ଛାତ୍ର ଛାତ୍ରୀ ମାନଙ୍କ ଯିବା ଆସିବାରେ ସୁବିଧା ହେବ ବୋଲି ପ୍ରସ୍ତାବ ଆଗତ ଓ ସର୍ବ ସମ୍ମତି କ୍ରମେ ଗୃହୀତ ହୋଇଥିଲା । ସମସ୍ତ ବ୍ଲକ୍ ତଥା ଜିଲ୍ଲା ସ୍ତରୀୟ କାର୍ଯ୍ୟକ୍ରମ/ ପ୍ରତିଯୋଗିତା ରେ ବ୍ଲକ ର କିପରି ନାମ ରହିବ , ପିଲାମାନେ କିପରି ଉତ୍ତମ ପ୍ରଦର୍ଶନ କରିପାରିବେ ସେ ଦିଗରେ ବିଶେଷ ଯତ୍ନବାନ ହେବାପାଇଁ ମଞ୍ଚାସିନ ସମସ୍ତେ ଉଦବୋଧନ ଦେଇଥିଲେ । ଏଥିରେ ବ୍ଲକ ର ସମସ୍ତ ପ୍ରଧାନ ଶିକ୍ଷକ , ଶିକ୍ଷୟିତ୍ରୀ , ଖେଳଶିକ୍ଷକ, ଶିକ୍ଷୟିତ୍ରୀ, ସ୍କାଉଟ ମାଷ୍ଟର, ଗାଇଡ କେପଟେନ୍ ଉପସ୍ଥିତ ଥିଲେ ।ଶେଷରେ ଲକ୍ଷ୍ମୀ ମହାପାତ୍ର ଧନ୍ୟବାଦ୍ ଅର୍ପଣ କରିଥିଲେ ।