24-Aug-2025

ବଲାଙ୍ଗିର- ଆଜି ସ୍ଥାନୀୟ ନୃସିଂହ ମନ୍ଦିର ଠାରେ ପଶ୍ଚିମ ଓଡିଶା ପୂରାଣ ଗାୟକ ମହାସଂଘର ଏକ ସ୍ୱତନ୍ତ୍ର ବୈଠକ ସଭାପତି ପଣ୍ଡିତ ସୁରେନ୍ଦ୍ର ତ୍ରିପାଠୀ ଙ୍କ ଅଧ୍ୟ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ଏହି ବୈଠକରେ ବଲାଙ୍ଗିର, ସୋନପୁର, ବୌଦ୍ଧ, ବରଗଡ, ନୁଆପଡା, କଳାହାଣ୍ଡି ଆଦି ଜିଲ୍ଲାରୁ ଶତାଧିକ ସଭ୍ୟସଭ୍ୟା ଯୋଗଦାନ କରିଥିଲେ । ପଣ୍ଡିତ ବୈଦ୍ୟନାଥ ମିଶ୍ର ଙ୍କ ଆହ୍ୱାନ କ୍ରମେ ସମସ୍ତେ ଓଁକାର ଧ୍ୱନି ଦେଇ ସଭା ଆରମ୍ଭ ହୋଇଥିଲା । ଏହି ସଭାରେ ବିଶ୍ୱ ଶାନ୍ତି ପାଇଁ ଏକ ମାନସ ମହାଯଜ୍ଞ ବଲାଙ୍ଗିର ଠାରେ ଆୟୋଜନ କରିବା ପାଇଁ ପ୍ରସ୍ତାବ ଗୃହୀତ ହୋଇଥିଲା । ୧୦୮ ପଣ୍ଡିତ ରାମାୟଣ ଗାନ କରିବେ ଏବଂ ପଞ୍ଚକୁଣ୍ଡିୟ ହୋମ ଯଜ୍ଞ କରା ହେବ ବୋଲି ସଂପାଦକ ସୁରେନ୍ଦ୍ର କୁମାର ପାଣି ସଭାରେ ଜଣାଇଥିଲେ । ସର୍ବ ସମ୍ମତିକ୍ରମେ ସମାଜସେବୀ ଶ୍ରୀକର ମିଶ୍ରଙ୍କୁ ପଶ୍ଚିମ ଓଡିଶା ପୂରାଣ ଗାୟକ ମହାସଂଘର ଅଧ୍ୟକ୍ଷ ଭାବରେ ଓ ଜ୍ୟୋତିରଂଜନ ନାୟକ(ବୁବୁନ)ଙ୍କୁ ସହ-ଅଧ୍ୟକ୍ଷ ଭାବରେ ଚୟନ କରାଯାଇଥିଲା । ଉଭୟ ଶ୍ରୀ ମିଶ୍ର ଓ ଶ୍ରୀ ନାୟକ ତାଙ୍କ ବକ୍ତବ୍ୟ ରେ ସମସ୍ତେ ଏକଜୁଟ ହୋଇ ମାନସ ମହାଯଜ୍ଞ କୁ ସଫଳ କରିବା ପାଇଁ ନିବେଦନ କରିଥିଲେ । ମହାସଂଘର ନିମନ୍ତ୍ରଣ କ୍ରମେ ପଶ୍ଚିମ ଓଡିଶା ବୈଦିକ କର୍ମକାଣ୍ଡି ମଙ୍ଗଳ ଟ୍ରଷ୍ଟର ରାଜ୍ୟ ମହାସଚିବ ପଣ୍ଡିତ କିଶୋର କୁମାର ମିଶ୍ର, ଜିଲ୍ଲା ସଭାପତି ପଣ୍ଡିତ ସନ୍ତୋଷ ଶତପଥି, ଜିଲ୍ଲା ଉପ-ସଭାପତି ପଣ୍ଡିତ ଗୋକୁଳାନନ୍ଦ ମିଶ୍ର ତଥା ସଂପାଦକ ପଣ୍ଡିତ ଶିବ ପ୍ରସାଦ ମିଶ୍ର ଏହି ସଭା ରେ ଯୋଗଦାନ କରି ମାନସ ମହାଯଜ୍ଞ କୁ ସବୁ ପ୍ରକାର ସହଯୋଗ କରିବା ପାଇଁ ଜଣାଇଥିଲେ । ମହାସଂଘର ସଭ୍ୟା ସବିତା ପଣ୍ଡା, ସୁବାସିନୀ ମିଶ୍ର ଆଦିଙ୍କୁ ଶକ୍ତି ବାହିନୀ ଦାୟିତ୍ୱ ନେବାପାଇଁ ଅନୁରୋଧ କରାଯାଇଥିଲା । ଶେଷରେ ସଂକିର୍ତ୍ତନ ଗୁରୁ ତଥା ମହାସଂଘର କୋଷାଧ୍ୟକ୍ଷ କିଶୋର କୁମାର ମିଶ୍ର ଧନ୍ୟବାଦ ଦେଇଥିଲେ । ଅନ୍ୟ ମାନଙ୍କ ମଧ୍ୟରେ ନରସିଂହ ତ୍ରପାଠୀ, ଲିଳାମୟ ମିଶ୍ର, ସରୋଜ ବେଦବାକ ଓ ନବ କୁମାର ମିଶ୍ର ଆଦି ଆଲୋଚନା ରେ ଅଂଶ ଗ୍ରହଣ କରିଥିଲେ ।