24-Aug-2025

ବଲାଙ୍ଗୀର(ପ୍ରେରଣା ଖବର)- ବଲାଙ୍ଗୀରର ଅଗ୍ରଣୀ ଶିକ୍ଷାନୁଷ୍ଠାନ ଆପ୍ରାଇଜ଼ କଲେଜରେ ସ୍ୱାଗତ ସମ୍ବର୍ଦ୍ଧନା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଏହି କାର୍ଯ୍ୟକ୍ରମରେ ମୁଖ୍ୟ ଅଥିତି ଭାବରେ ଆପ୍ରାଇଜ କଲେଜ ବରଗଡ଼ର ସୂଚନା ଓ ଲୋକ ସମ୍ପର୍କ ଅଧିକାରୀ ଡ଼ଃ ମୁକୁନ୍ଦ ଦାଶ ଯୋଗଦେଇ ଛାତ୍ର ଛାତ୍ରୀ ମାନଙ୍କର ଉଜ୍ୱଳ ଭବିଷ୍ୟତ କାମନା କରିଥିଲେ । ଥିଲେ କାର୍ଯ୍ୟକ୍ରମରେ ଯୋଗଦାନ କରିଥିବା ଆପ୍ରାଇଜ଼ କଲେଜ ବରଗଡର ପ୍ରଶାସନିକ  ଅଧିକାରୀ ମାନସ ରଞ୍ଜନ ସାହୁ  ଛାତ୍ରୀ ମାନଙ୍କୁ କଠିନ ପରିଶ୍ରମ କଲେ ସଫଳତା ମିଳେ ବୋଲି ମତ ପ୍ରକାଶ କରିଥିଲେ l ଏହି ଅବସରରେ  ଆପ୍ରଇଜ ଗ୍ରୁପ, ବଲାଙ୍ଗୀରର ଅଧ୍ୟକ୍ଷ ଇଂ.ତ୍ରିବିକ୍ରମ ବେହେରା ଛାତ୍ରଛାତ୍ରୀ ମାନଂକୁ ମନଧ୍ୟାନ ଦେଇ ପାଠ ପଢିଲେ ନିଶ୍ଚିତ ଭାବରେ ଭଲ ମାର୍କ ସହିତ ଭଲ ଡିଭିଜନ ରଖିବେ ଓ ଛାତ୍ରଛାତ୍ରୀ ମାନଙ୍କ ଦକ୍ଷତା ବିକାଶ ପାଇଁ  ଆପ୍ରାଇଜ଼ କଲେଜରେ ଉନ୍ନତମାନର ଶିକ୍ଷା ପ୍ରଦାନ କରାଯାଉଛି ବୋଲି ମତବ୍ୟକ୍ତ କରି ଥିଲେ । କାର୍ଯ୍ୟକ୍ରମରେ ମୁଖ୍ୟବକ୍ତା ଭାବେ ବରିଷ୍ଠ ଆଇନଜୀବୀ ସୁବାଷ କୁମାର ନନ୍ଦ  ଯୋଗଦେଇ ଛାତ୍ରଛାତ୍ରୀ ମାନଙ୍କୁ ଉତ୍ତମ ଉପଦେଶ ଦେଇ ଥିଲେ ।

କାର୍ଯ୍ୟକ୍ରମକୁ ଇଂରାଜୀ ଅଧ୍ୟାପକ ରାଧେଶ୍ୟାମ ସୁନା  ପରିଚାଳନା କରିଥିଲେ । ଆପ୍ରାଇଜ କଲେଜର ଅଧ୍ୟକ୍ଷ ପ୍ରକାଶ ପଧାନ ଛାତ୍ରଛାତ୍ରୀ ମାନଙ୍କୁ ଉତ୍ତମ ଉପଦେଶ ଦେଇଥିଲେ, ଅନ୍ୟ ମାନଙ୍କ ମଧ୍ୟରେ ସୁଦାମ ନାଗ, ଅଲିଶା ପଧାନ, ଚିତ୍ତରଞ୍ଜନ ପାତ୍ର ସହଯୋଗ କରିଥିଲେ l ଶେଷରେ ଛାତ୍ରଛାତ୍ରୀ ମାନେ  ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ  l