20-Aug-2025

ବଲାଙ୍ଗୀର (ପ୍ରେରଣା ଖବର): ବୁଧବାର ଦିନ ବଲାଙ୍ଗିରର ଅଗ୍ରଣୀ ଶିକ୍ଷାନୁଷ୍ଠାନ ନାଇସ ବାଣିଜ୍ୟ ଓ ବିଜ୍ଞାନ କଲେଜରେ ଜିଲ୍ଲା ୟୁଥ୍ ରେଡକ୍ରସ ତରଫରୁ ବିଶ୍ଵ ଏଡସ୍ ଦିବସ ମହା ସମାରୋହରେ ପାଳିତ ହୋଇଯାଇଛି। ଏହି କାର୍ଯକ୍ରମରେ ଡ଼ା ଦୈତାରୀ ପୂଝାରୀ(ଜିଲ୍ଲା ସଂଯୋଜକ ୟୁଥ୍ ରେଡକ୍ରସ, ବଲାଙ୍ଗିର) ମୁଖ୍ୟଅତିଥି ଭାବେ ଯୋଗ ଦେଇଥିଲେ। ସଭା ଆରମ୍ଭରେ ବିଦ୍ୟାଳୟର ଅଧ୍ୟକ୍ଷ କହ୍ନେଇ ଚରଣ ସାହୁ  ଉଦବୋଧନ ଦେଇ ରେଡକ୍ରସର ମହତ୍ତ୍ୱ ଓ ଉଦ୍ଦେଶ୍ୟ ବିଷୟରେ ଆଲୋକପାତ କରିଥିଲେ। ମୁଖ୍ୟ ଅତିଥି ଡ଼ା ପୂଝାରୀ ଏଡ୍ସ ର କାରଣ ନିରାକରଣ ଓ ସାବଧାନତା ତଥା ସମାଜରେ ଏଥି ପାଇଁ ଚାଲୁଥିବା କୁପ୍ରଥା ଗୁଡ଼ିକ ବିଷୟରେ ଆଲୋକପାତ କରିଥିଲେ।  ଏହି କାର୍ଯକ୍ରମ ପାଇଁ ପୂର୍ବରୁ କୁଇଜ୍,ବକ୍ତୃତା ଏବଂ ପୋଷ୍ଟର ପେଣ୍ଟିଂ ଆଦି ପ୍ରତିଯୋଗିତା ଅନୁଷ୍ଠିତ ହୋଇଥିଲା ଯାହାର କୃତୀ ପ୍ରତିଯୋଗୀ ମାନଙ୍କୁ ପୁରସ୍କୃତ କରାଯାଇଥିଲା ।ଏହି ସମ୍ପୂର୍ଣ୍ଣ କାର୍ଯକ୍ରମ ତ  ଶେଷଦେବ ସହୁକ (ସଂଯୋଜକ,YRC,CNC)ଙ୍କ ପ୍ରତ୍ୟକ୍ଷ ତତ୍ତ୍ୱାବଧାନ ରେ ପରିଚାଳିତ ହୋଇଥିଲା। ଶେଷରେ ଶ୍ରୀମାନ ଶେଷଦେବ ସାହୁ ଉପସ୍ଥିତ ଅତିଥିଙ୍କୁ  ଓ ସମସ୍ତ ଛାତ୍ରଛାତ୍ରୀ ମାନଙ୍କୁ ଧନ୍ୟବାଦ୍ ଅର୍ପଣ କରିଥିଲେ। ଏହି କାର୍ଯକ୍ରମରେ ମହାବିଦ୍ୟାଳୟର ଯୁଗ୍ମ ପରିଚାଳକ ଆଶୁତୋଷ ପୁରୋହିତ ଏବଂ  ପ୍ରଦୀପ ସାହୁଙ୍କ ସମେତ ସମସ୍ତ ଛାତ୍ରଛାତ୍ରୀ, ଅଧ୍ୟାପକ  ଓ ଅଧ୍ୟାପିକା ଉପସ୍ଥିତ ରହି କାର୍ଯ୍ୟକ୍ରମକୁ ସାଫଲ୍ୟ ମଣ୍ଡିତ କରିଥିଲେ।