18-Aug-2025

ଆଗଲପୁର, (ବିନୋଦ ଦୀପ) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ବାବୁଫାସଡ ଗ୍ରାମ ପଞ୍ଚାୟତ କାର୍ଯ୍ୟାଳୟ ପରିସର ସଭା ଗୃହରେ ପଞ୍ଚାୟତ ସ୍ତରୀୟ ଜନ ଶୁଣାଣି ଶିବିର ଅନୁଷ୍ଠିତ ହୋଇଯାଇଛି l ଉକ୍ତ ଶିବିରରେ ଗୋଷ୍ଠୀ ଉନ୍ନୟନ ଅଧିକାରୀ ମହାପାତ୍ର କୁଲଦୀପ ମହାନ୍ତି, ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ ରୁଦ୍ରପ୍ରସାଦ ସୁନା ଆଗଲପୁର ଗୋଷ୍ଠୀ ସ୍ବାସ୍ଥ୍ୟ ଅଧିକାରୀ, ଡ. ଧୀରେନ୍ଦ୍ର ମେହେର ମଞ୍ଚାସିନ ଅତିଥି ଭାବେ ଯୋଗ ଦେଇଥିଲେ l ତା ସହିତ ସରପଞ୍ଚ ଶ୍ରୀମତୀ ଜୟନ୍ତୀ ସେଠ ଙ୍କ ଅଧ୍ୟକ୍ଷତାରେ ଆଜିର ଜନ ଶୁଣାଣୀ ଶିବିର ପରିଚାଳିତ ହୋଇଥିଲା l ଶିବିର ରେ ସର୍ବମୋଟ 41 ଟି ଅଭିଯୋଗ ର ଶୁଣାଣୀ ହୋଇଥିବା ବେଳେ ଗାଈ ଓ ଛେଲି ଗୁହାଳ ନିର୍ମାଣ ସକାଶେ 13 ଟି ଅଭିଯୋଗ ହୋଇଥିଲା l 23 ଟି ଅନ୍ୟାନ୍ୟ ଅଭିଯୋଗ ପଞ୍ଜିକରଣ ହୋଇଥିଲା l ମୁଖ୍ୟତଃ ମାଟି ଉନ୍ନତି , ଆବାସ ଗୃହ, ଭତ୍ତା , ଛେଳି , ମେଣ୍ଢା, ଗାଈ ଗୁହାଳ ନିର୍ମାଣ ପାଇଁ ତଥା ବିଭିନ୍ନ ସମସ୍ୟା ଉପରେ ଅଭିଯୋଗ ଆସିଥିଲା l ଏଥିରେ ଗ୍ରାମ ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ ଜ୍ଞାନରଂଜନ ଦାସ ଙ୍କ ତତ୍ତ୍ଵାବଧାନରେ ର ଶିବିର ପରିଚାଳିତ ହୋଇଥିଲା l

ଏହି ଶିବିର ରେ ବ୍ଲକ ର ଗ୍ରାମ ପଞ୍ଚାୟତ ଅଧିକାରୀ ସୌଭାଗ୍ୟ ପଧାନ , ଯୋଗାଣ ଅଧିକାରୀ , ବି ଆର୍ ସି ଅଂଶୁମାନ ଦେବ ବାବୁ ,ଆଲୋକ ମିଶ୍ର , ଧୂବଲ୍ କିଶୋର ମଲ୍ଲିକ ,ଅମିତ୍ ପଟେଲ ସୁନିଲ ସାହୁ  ପ୍ରମୁଖ ବିଭିନ୍ନ ବିଭାଗ ର କର୍ମଚାରୀ ଉପସ୍ଥିତ ରହି ସହଯୋଗ କରି ଥିଲେ l ଏହି ପରି ପଞ୍ଚାୟତ ର ଏ ଡି ଇ ଓ, ୱାର୍ଡ ସଭ୍ୟ, ନାଏବ ସରପଞ୍ଚ ପ୍ରମୁଖ ଉପସ୍ଥିତ ଥିଲେ l ଆଜିର ଜନ ଶୁଣାଣୀ ଶିବିର ଟି ଶାନ୍ତିପୂର୍ଣ୍ଣ ଭାବରେ ଦେଖିବାକୁ ମିଳିଥିଲା l  ପଞ୍ଚାୟତ ସ୍ତରରେ ଏ ପ୍ରକାର ଅଭିଯୋଗ ଶୁଣାଣି କାର୍ଯକ୍ରମ ହେଉଥିବାରୁ ଲୋକମାନେ ନିଜ ନିଜ ସମସ୍ୟା ସମ୍ପର୍କରେ ଅଭିଯୋଗ କରି ସୁଫଳ ପାଉଥିବାରୁ ପ୍ରକୃତରେ ସରକାରଙ୍କ ଏହା ଏକ ସୁନ୍ଦର ପଦକ୍ଷେପ l