24-Jul-2025

ଆଗାମୀପିଢୀ ପାଇଁ ପରିବେଶକୁ ସ୍ୱଚ୍ଛ ଓ ସୁନ୍ଦର କରାଯାଉ-ବିଧାୟକ କଳିକେଶ

ବଲାଙ୍ଗୀର: ବଲାଙ୍ଗୀର ଜିଲ୍ଲା ଦେଓଗାଁ ବ୍ଲକଅନ୍ତର୍ଗତ ଦେଷଣ୍ଢ ନିକଟସ୍ଥ ଚାନ୍ଦଲିପାହାଡ ପର୍ଯ୍ୟଟନସ୍ଥଳୀରେ ଆଜି ଏକ ବୃକ୍ଷରୋପଣ ଓ ପରିବେଶ ସଚେତନା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟଅତିଥି ଭାବରେ ବଲାଙ୍ଗୀର ବିଧାୟକ କଳିକେଶ ନାରାୟଣ ସିଂଦେଓ ଯୋଗଦେଇ ଆଗାମୀପିଢୀ ପାଇଁ ଆମର ପରିବେଶକୁ ସ୍ୱଚ୍ଛ ଓ ସୁନ୍ଦର କରାଯାଉ ବୋଲି ମତ ଦେଇଛନ୍ତି । ବିଧାୟକ କହିଛନ୍ତି ଯେ,ଏକ ସୁନ୍ଦର ପୃଥିବୀକୁ ଆମର ପୂର୍ବପିଢୀଠାରୁ ଆମେ ଉତ୍ତରାଧିକାରୀ ସୂତ୍ରରେ ପାଇଛୁ । ତାକୁ ଆଗାମୀପିଢୀକୁ ହସ୍ତାନ୍ତର କଲାବେଳେ ଏହାକୁ ଆହୁରି ସ୍ୱଚ୍ଛ ଓ ସୁନ୍ଦର କରାଯାଉ। ଆଜି ସାରା ବିଶ୍ୱରେ ଗ୍ଲୋବାଲୱାର୍ମିଂକୁ ନେଇ ସମସ୍ତେ ଚିନ୍ତିତ। ଆମ ଅଞ୍ଚଳରେ ଜଙ୍ଗଲକ୍ଷୟ ହୋଇଚାଲିଛି । ଏଥିପାଇଁ ବଲାଙ୍ଗୀର ଜିଲ୍ଲାରେ ତାପମାତ୍ରା ବଢୁଛି। ଆମେ ସମସ୍ତେ ସଚେତନ ନହେଲେ ଏହା ଆଗକୁ ବିପଦ କରିବ। ତେଣୁ ସମସ୍ତେ ନିଜେ ନିଜେ ସଚେତନ ହୋଇ ବ୍ୟାପକ ବନୀକରଣ କରିବାକ ବିଧାୟକ ପରାମର୍ଶ ଦେଇଥିଲେ। ଏହି କାର୍ଯ୍ୟକ୍ରମରେ ଦେଓଗାଁ ବ୍ଲକର ପୂର୍ବତନ ବ୍ଲକ ଅଧ୍ୟକ୍ଷ ଲକ୍ଷ୍ମଣ କୁମାର ମେହେର,ବର୍ତ୍ତମାନର ଅଧ୍ୟକ୍ଷ ଦୟାନିଧି ଖମାରୀ, ବିଡିସିସି ବ୍ୟାଙ୍କର ପୂର୍ବ ଅଧ୍ୟକ୍ଷ ସୁଶିଳ ଚାନ୍ଦ, ବନ୍ଧପଡା ସରପଞ୍ଚ ଗୋପାଳ ମିଶ୍ର, ଦେଷଣ୍ଢ ସରପଞ୍ଚ ଯଶୋଦା ମେହେର ପୂର୍ବତନ ସରପଞ୍ଚ ସ୍ୱୟମ୍ବର ମେହେର,ଜିଲ୍ଲାପରିଷଦ ସଭ୍ୟା ସୁମତି ସେଠ, ମମତା କୁମୁରା,ବିଜେଡି ବ୍ଲକଯୁବବିଜେଡି ସଭାପତି ଶୈଳେନ୍ଦ୍ର ସାହୁ, ସାମ୍ବାଦିକ ପୂର୍ଣ୍ଣଚନ୍ଦ୍ର ପଣ୍ଡା, ଅଞ୍ଜନ ପଧାନ, କିଶୋର ସାହୁ, କୃଷ୍ଣଚନ୍ଦ୍ର ପାଣିଗ୍ରାହୀ, ରାମଚନ୍ଦ୍ର ଶତପଥି, ଶେଷଦେବ ମେର୍ଲି, ଚାନ୍ଦଲି ମହୋତ୍ସବ କମିଟିର ଘାସିରାମ ରଣା,ରଘୁନାଥ ଷଢଙ୍ଗୀ,ରାଧେଶ୍ୟାମ ମେହେର, ପ୍ରଦ୍ୟୁମ୍ନ ଷଢଙ୍ଗୀ,ଦୀନବନ୍ଧୁ ମେହେର,ରଘୁନାଥ ରଣା,ଅଶୋକ ସାଏ,ଇନ୍ଦ୍ରଜିତ ରାଉତ ପ୍ରମୁଖଙ୍କ ସହିତ ଶତାଧିକ ସଂଖ୍ୟାରେ ଗ୍ରାମବାସୀ ଉପସ୍ଥିତ ରହିଥିଲେ। ସାମ୍ବାଦିକ ଅଞ୍ଜନ ପଧାନ ଜଳବାୟୁ ପରିବର୍ତ୍ତନର ପ୍ରଭାବ ଉପରେ ବକ୍ତବ୍ୟ ରଖିଥିବା ବେଳେ ପୂର୍ଣ୍ଣଚନ୍ଦ୍ର ପଣ୍ଡା ଚାନ୍ଦଲିପାହାଡର ଚାରିକଡେ ବ୍ୟାପକ ମାତ୍ରାରେ ମହୁଲଗଛ ରୋପଣ,ସାହାଡା,ବାହାଡା,ହରିଡା ଓ ଅଁଅଳା ଚାରା ରୋପଣ ପାଇଁ ସ୍ଥାନୀୟଲୋକଙ୍କୁ କହିଥିଲେ । ସଚେତନତା ସଭାପରେ ବନବିଭାଗ ପକ୍ଷରୁ ଆୟୋଜିତ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l

ପାଟଣାଗଡ ରେଞ୍ଜର ଆନନ୍ଦଚନ୍ଦ୍ର ବିଶିଙ୍କ ତତ୍ୱାବଧାନରେ ହୋଇଥିବା ଏହି ବୃକ୍ଷରୋପଣ କାର୍ଯ୍ୟକ୍ରମରେ ବିଧାୟକ କଳିକେଶ ନାରାୟଣ ସିଂଦେଓ,ବନବିଭାଗର ଏସିଏଫ ମନୋଜ ବେହେରା, ବଲାଙ୍ଗୀର ରେଞ୍ଜର ନବୀନ କୁମାର ପଣ୍ଡା, ଚାନ୍ଦଲି ମହୋତ୍ସବ କମିଟିର ଅଧ୍ୟକ୍ଷ ଲକ୍ଷ୍ମଣ କୁମାର ମେହେର, ବ୍ଲକ ଅଧ୍ୟକ୍ଷ ଦୟାନିଧି ଖମାରୀ ପ୍ରମୁଖଙ୍କ ସହିତ ବହୁସଂଖ୍ୟାରେ ଅଞ୍ଚଳବାସୀ ସାମିଲ ହୋଇଥିଲେ ।