19-Jul-2025

ବୌଦ୍ଧ(ପ୍ରେରଣା ଖବର): ବୌଦ୍ଧ ଜିଲ୍ଲା ସଦର ବ୍ଲକ ମୃଷୁଣ୍ଢୀ ପଂଚାୟତ ଶ୍ରୀଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷା କେନ୍ଦ୍ର ଟୁଟୁସିଙ୍ଗା (ଗମ୍ଭାରିପଦର) ମୀରାଶ୍ରୀ ବିହାର ଠାରେ ଜିଲ୍ଲାସ୍ତରୀୟ ଶ୍ରୀ ଅରବିନ୍ଦ ପାଠଚକ୍ର କର୍ମୀ ସମ୍ବିଳନୀ ଅନୁଷ୍ଠିତ ହୋଇଯାଇଛି l ସର୍ବପ୍ରଥମେ ଶ୍ରୀମା ଶ୍ରୀଅରବିନ୍ଦଙ୍କ ଠାରେ ପ୍ରଦୀପପ୍ରୋଜ୍ଵଳନ, ଧ୍ୟାନ ଓ ମାତୃବନ୍ଦନା ପୁର୍ବକ କାର୍ଯ୍ୟକ୍ରମ ଆରମ୍ଭ ହୋଇଥିଲା l ତତପରେ ଦୁର୍ଗାସ୍ତୋତ୍ର ସବିତା ହୋତା,ମା ପୁସ୍ତକ ପଠନ ବିଷ୍ଣୁପ୍ରିୟା ସେନାପତି, ଧ୍ୟାନ ଓ ପ୍ରାର୍ଥନା ଆଶlମଣୀ ସାହୁ, ସ୍ୱାଗତ ସଂଗୀତ କରୁଣାକର ଘଣ୍ଟୁଆଳ ଓ ଅତିଥି ସ୍ୱାଗତ ରାଜକୁମାରୀ ବେହେରା କରିଥିଲେ  l ମୁଖ୍ୟ ଅତିଥି ଭାବେ ରାଜ୍ୟ ମୁଖ୍ୟ ସଂଗଠକ ପ୍ରସଦା ତ୍ରିପାଠୀ  ଓ ସଂଗତି ମଣ୍ଡଳ ଜୋନାଳ ସଂଯୋଜକ ପ୍ରଫୁଲ୍ଲ କୁମାର ପଣ୍ଡା ଯୋଗଦେଇ ଜିଲ୍ଲା ସ୍ତରୀୟ ପୂର୍ଣ୍ଣାଙ୍ଗ ସଂଗଠନ ନିମନ୍ତେ ବିସ୍ତୃତ ଆଲୋଚନା କରି ଥିଲେ l ପଂଚାୟତ ସ୍ତରୀୟ ବିଭିନ୍ନ ବିଭାଗ ଆଲୋଚନାରେ ଦିଲ୍ଲୀପ କୁମାର କର୍ଣ୍ଣ, କବିରାଜ ସାହୁ, ବିଦ୍ୟାଧର ମହାକୁଡ଼, ତ୍ରିଲୋଚନ ଭୋକ୍ତା,ପ୍ରଦୀପ କୁମାର ସାହୁ,ବ୍ଲକ ସଂଗଠକ ଭାବେ ଗୌରୀ ପ୍ରସାଦ ସାହୁ, ପ୍ରତ୍ୟୁଷ କୁମାର ସାହୁ ଓ ମୁରଲୀଧର ସାହୁ ଓ ଜିଲ୍ଲା ସଂଗଠକ ଭାବେ ରାମ ପ୍ରସାଦ କର୍ଣ୍ଣ ବିବରଣୀ ପାଠ କରିଥିଲେ l ଦଶ କର୍ମଧାରା ଉପରେ ପତିତ କୁମାର ବେହେରା, ଯାଜ୍ଞସେନୀ ମହାରଣା ଓ ମକରଧ୍ଵଜ   ଭୋଇନା ଆଲୋଚନାରେ ଭାଗ ନେଇଥିଲେ l ଆଧ୍ୟାତ୍ମିକ ଆଲୋଚନାରେ କପିଳାସ ପ୍ରସାଦ ଦାଶ ଭାଗ ନେଇଥିବା

ବେଳେ ସାଙ୍ଗଠକିନ ଆଲୋଚନା ଉପରେ ପ୍ରସାଦ ତ୍ରିପାଠୀ ପୁଙ୍ଖାନୁପୁଙ୍ଖ ଆଲୋକପାତ କରିଥିଲେ l ଏହି ଅବସରରେ ଉଦଯାପନୀ ମାତୃ ସଂଗୀତ ରସରାଜ ନାୟକ ଓ କପିଳେନ୍ଦ୍ର ମିଶ୍ର ଗାୟନ କରିଥିଲେ l ଶେଷରେ ବୌଦ୍ଧ ଜିଲ୍ଲା ସଂଯୋଜକ ବୀରେନ୍ଦ୍ର ଭୂଷଣ ମେଣ୍ଡିଲି କୃତଜ୍ଞତା ଅର୍ପଣ କରିଥିଲେ l ଏଥିରେ ଜିଲ୍ଲାର ୧୧ଗୋଟି ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷା କେନ୍ଦ୍ରର ପରିଚାଳନା କମିଟି, ଅବିଭାବକ, ଶିକ୍ଷକ, ଶିକ୍ଷୟତ୍ରୀ ଓ ଶ୍ରୀମା ଶ୍ରୀ ଅରବିନ୍ଦଙ୍କ ମାତୃ ସନ୍ତାନ ଯୋଗ ଦେଇଥିଲେ l