15-Jul-2025

ସଇଁତଲା(ପ୍ରେରଣା ଖବର): ସଇଁତଲା ବ୍ଲକ ଝିଙ୍ଗିଡୁଙ୍ଗୁରୀ ଗ୍ରାମ ପଂଚାୟତରେ ଗତ ୪ବର୍ଷରେ ୪ କୋଟିରୁ ଉର୍ଦ୍ଧ ଟଙ୍କାର ଘୋଟାଲା ହୋଇଥିବା ଜଣାଯାଏ ।

   ସୂଚନା ଅନୁସାରେ, ଷ୍ଟେଜୱାର୍କରେ ୭୨ଲକ୍ଷ, ନାଳା କାମର ୨୪ ଲକ୍ଷ, ଟେଙ୍ଗ କାମରେ ୧କୋଟି ୨୦ଲକ୍ଷ, ମୋ ପୋଖରୀ ଯୋଜନାରେ ୪୮ ଲକ୍ଷ, ଜମି ଉନ୍ନତିକରଣରେ ୫୦ଲକ୍ଷ, ସୋକପିଟ ନିର୍ମାଣରେ ୧୮ଲକ୍ଷ, ଚେକ ଡ୍ୟାମ ତଥା ମନରେଗା ଯୋଜନାରେ ୨୦ଲକ୍ଷ, ରାସ୍ତା ନିର୍ମାଣରେ ୧୦ଲକ୍ଷ ଟଙ୍କାର କା ଦେଖାଯାଇଥିବା ବେଳେ ସେ ମଧ୍ୟରୁ କେତେଗୋଟି କାମ ନ ହୋଇ ସମସ୍ତ ଟଙ୍କା ହଡ଼ପ କରାଯାଇଥିବା ଜଣାଯାଏ । ଗତ ୪ ବର୍ଷରେ ପ୍ରାୟ ୩ କୋଟି ୫୨ ଲକ୍ଷ ଟଙ୍କାର ଉନ୍ନତିମୂଳକ କାମ ପଂଚାୟତ ଅନ୍ତଗତ ପଟାମରାରେ କରାଯାଇଥିବା ଜଣାଯାଏ । ଅନ୍ୟପକ୍ଷରେ ଏ ବିଷୟରେ ଗତ ୭.୭.୨୦୨୫ ରିଖରେ ସଇଁତଲା ରାଜୀବଗାନ୍ଧୀ ସେବାକେନ୍ଦ୍ର ପରିସରରେ ଜିଲ୍ଲାପାଳ ଓ ଆରକ୍ଷୀ ଅଧିକ୍ଷକଙ୍କ ଦ୍ବାରା ହୋଇଥିବା ଯୁଗ୍ମ ଜଣଶୁଣାଣୀ ଶିବିରରେ ଗ୍ରାମବାସୀ ଏ ବିଷୟରେ ଅଭିଯୋଗ କରିଥିବା ବେଳେ ଅଦ୍ୟାବଧ ପ୍ରଶାସନ କୌଣସି ପଦକ୍ଷେପ ନେଇ ନ ଥିବାରୁ ସାଧାରଣରେ ଅସନ୍ତୋଷ ପ୍ରକାଶ ପାଇଛି ।