19-Jun-2025

ବିନିକା(ହିଂମାଶୁ ଶେଖର ପଟେଲ) ଓଡ଼ିଶା ସରକାରଙ୍କ ଡିଜାଷ୍ଟର ମେନେଜମେଣ୍ଟ ବିଭାଗ ତରଫରୁ ବିନିକା ଏନଏସି ଓ ସ୍ପୋର୍ଟସ କ୍ଲବର ମିଳିତ ଆନୁକୁଲ୍ୟରେ ସ୍ଥାନୀୟ ସିଦ୍ଧାର୍ଥ କଲେଜ ପରିସରରେ ଥିବା ବନ୍ୟା ଆଶ୍ରୟ ସ୍ଥଳୀ ଠାରେ ବନ୍ୟା,ବାତ୍ୟା ଓ ଦୁର୍ବିପାକ ମୁକାବିଲା ନେଇ ବୁଧବାର ଏକ ଅଭ୍ୟାସ ଶିବିର ଅନୁଷ୍ଠିତ ହୋଇଯାଇଛି ।ବିନିକା ଏନଏସି କାର୍ଯ୍ୟନିର୍ବାହୀ ଅଧିକାରୀ ମାନସ ରଞ୍ଜନ ଭୋଇଙ୍କ ଅଧ୍ୟକ୍ଷତାରେ ଓ ବିନିକା ସ୍ପୋର୍ଟସ କ୍ଲବ ସଭାପତି ସୋମନାଥ ମିଶ୍ରଙ୍କ ସଂଯୋଜନାରେ ଅନୁଷ୍ଠିତ ଏହି ଶିବିରରେ ରାଜ୍ୟ ଡିଜାଷ୍ଟର ମେନେଜମେଣ୍ଟ ସୁପରଭାଇଜର ମେୟୂର୍ୟସ ପଣ୍ଡା,ଡିପିଓ ବିଶ୍ଵନାଥ ନାୟକ,ଆସିଷ୍ଟାଣ୍ଟ କଲେକ୍ଟର ସତ୍ୟବ୍ରତ ସାହୁ,ମେଡିକାଲ ଅଫିସର ଡା ମନୋଜ ପଣ୍ଡା,ତହସିଲଦାର ରେଶ୍ମା ଭୋଇ, ଏସଡ଼ିଓ ଏ କେ ମୂର୍ତ୍ତି,ଅଧ୍ୟକ୍ଷ ସୁବାସ ଭୋଇ,ଅଧ୍ୟାପିକା ବୈଜୟନ୍ତୀ ସାହୁ,ପ୍ରମୁଖ ଯୋଗଦେଇ ପ୍ରାକୃତିକ ବିପର୍ଯ୍ୟୟ ବନ୍ୟା,ବାତ୍ୟା ହେଉ କି ଯେକୌଣସି ଦୁର୍ବିପାକ ହେଉ ତାର ସମ୍ଭୂଖିନ ପୂର୍ବରୁ ଆମ୍ଭେ କିପରି ନିଜକୁ ସୁରକ୍ଷିତ ରଖିବା ଏବଂ ଅନ୍ୟକୁ ରକ୍ଷା କରିପାରିବା ସେ ଉପରେ ବକ୍ତବ୍ୟ ପ୍ରଦାନ କରିଥିଲେ । ପରେ ସ୍ଵେଚ୍ଛାସେବୀ ମାନେ ଗ୍ରହଣ କରିଥିବା ସୁରକ୍ଷା କୋଶଳ ଦେଖାଇଥିଲେ। ସେହିପରି ଅଗ୍ନିଶମ ବିଭାଗ କର୍ମଚାରୀ ତେଜରାଜ ସାହୁ, ରବି ନାରାୟଣ ଦାସ,ମିଥୁନ ଅମାତଙ୍କ ତରଫରୁ ପ୍ରାକୃତିକ ବିପର୍ଯ୍ୟୟ ସମୟରେ ନିଜକୁ ସୁରକ୍ଷିତ ରଖିବା ସହ ଅନ୍ୟ ମାନଙ୍କୁ କିପରି ବିପଦରୁ ରକ୍ଷା କରାଯାଇ ପାରିବ ସେ ଦିଗରେ ଆବଶ୍ୟକ ସରଞ୍ଜାମ ବ୍ୟବହାର ସ୍ୱରୂପ ଡେମୋ ପ୍ରଦର୍ଶନ କରାଯାଇଥିଲା। ଏହି ଶିବିରରେ ବିଭିନ୍ନ ବିଭାଗର କର୍ମଚାରୀ, ସ୍ଵେଚ୍ଛାସେବୀ,ସାଧାରଣ ଲୋକ,ଅଙ୍ଗନୱାଡ଼ି,ଆଶା କର୍ମୀ ଉପସ୍ଥିତ ଥିଲେ ।