17-Jun-2025

ବଲାଙ୍ଗିର(ବିନୋଦ ଦୀପ): ଆଜି ଓଡ଼ିଶାର ମାନ୍ୟବର ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଦିନକିଆ ବଲାଙ୍ଗୀର ଗସ୍ତରେ ଆସି ବଲାଙ୍ଗୀର ର ପଥରଚେପା ଠାରେ ଆୟୋଜିତ କୃଷକ ଶକ୍ତି ସମାବେଶକୁ ସମ୍ବୋଧିତ କରିଥିଲେ । ମୁଖ୍ୟମନ୍ତ୍ରୀ ଶ୍ରୀ ମାଝୀ ନିଜ ବକ୍ତବ୍ୟରେ ଜିଲ୍ଲାର ବିକାଶ ନ ହେଲେ ରାଜ୍ୟର ବିକାଶ ହୋଇପାରିବ ନାହିଁ । ବଲାଙ୍ଗୀରର ବିକାଶକୁ ଆଗକୁ ନେବା ପାଇଁ ଏ ଜିଲ୍ଲାକୁ ଦୁଇଟି ଗୁରୁତ୍ୱପୂର୍ଣ୍ଣ ପଦବୀ ଜଣେ ଉପମୁଖ୍ୟମନ୍ତ୍ରୀ ଓ ଜଣେ ସ୍ୱାସ୍ଥ୍ୟ ମନ୍ତ୍ରୀ ଭାବରେ କାମ କରିବା ପାଇଁ ଦାୟିତ୍ୱ ଦିଆଯାଇଛି । ରାଜ୍ୟରେ ଡବଲ ଇଂଜିନ ସରକାର ଚାଲିଥିବା ବେଳେ ବଲାଙ୍ଗୀର ଜିଲ୍ଲା ଟ୍ରିପଲ୍ ଇଂଜିନ

ସରକାର ଚାଲିଛ, ତେଣୁ ବଲାଙ୍ଗୀରରେ ବିକାଶ ମଧ୍ୟ ତିନି ଗୁଣ ହେବ ବୋଲି କହିଥିଲେ ମୁଖ୍ୟମନ୍ତ୍ରୀ ଶ୍ରୀ ମାଝୀ । ରାଜ୍ୟରେ ଡବଲ ଇଂଜିନ ସରକାର କୃଷି ଓ କୃଷକ ସଶକ୍ତିକରଣକୁ ସବୁବେଳେ ପ୍ରାଥମିକତା ଦେଇ ଆସିଛି । ବର୍ଷ ଏକ ଉପଲବ୍ଧି ଅନେକ ହିସାବରେ ଗୋଟିଏ ବର୍ଷ ଭିତରେ ରାଜ୍ୟ ସରକାର ଯାହା କହିଥିଲେ ତାହା କରି ଦେଖାଇଛନ୍ତି ବୋଲି ମୁଖ୍ୟମନ୍ତ୍ରୀ ଶ୍ରୀ ମାଝୀ କହିଛନ୍ତି । ସମୃଦ୍ଧ କୃଷକ ଯୋଜନା ମାଧ୍ୟମରେ ଚାଷୀଙ୍କୁ କ୍ୱିଂଟାଲ ପ୍ରତି ୮ଠଠଟଙ୍କା । ଇନ୍‌ପୁଟ୍ ସବ୍‌ସିଡି ଦିଆଯାଉଛି । ଏ ଜିଲ୍ଲାର ଫଳମୂଳ ଓ ପନିପରିବା ବିଦେଶୀଙ୍କ ରପ୍ତାନୀ ହେଉଛି । ସମାଜର ୪ଟି ବର୍ଗ ଗରିବ, ଚାଷୀ, ମହିଳା ଓ ଯୁବ ବର୍ଗଙ୍କୁ ସମାଜର ମୁଖ୍ୟ ସ୍ରୋତରେ ସାମିଲ କରିବା ପାଇଁ ଆମେ ନିରନ୍ତର କାମ କରୁଛୁ । ପୂର୍ବର ବିଜେଡି ସରକାର ୨୪ ବର୍ଷ ଶାସନ ର ହିସାବନିକାଶ କରନ୍ତୁ ଆମ ସରକାରର ଗୋଟିଏ ବର୍ଷ ଶାସନର ଆମେ ହିସାବନିକାଶ ଦେଉଛି ବୋଲି ଶ୍ରୀ ମାଝୀ କହିଛନ୍ତି । ବଲାଙ୍ଗୀରକୁ କୃଷି କ୍ଷେତ୍ରରେ ଏକ ଅଗ୍ରଣୀ ଜିଲ୍ଲା ଭାବରେ ଗଢ଼ିବା ପାଇଁ ପାଇଁ ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓଙ୍କୁ ଗୁରୁଦାୟିତ୍ୱ ଦିଆଯାଇଛି ବୋଲି ମୁଖ୍ୟମନ୍ତ୍ରୀ ଶ୍ରୀ ମାଝୀ କହିଛନ୍ତି । ଏହି ଅବସରରେ ବଲାଙ୍ଗୀର, ସୋନପୁର,ବରଗଡ଼ ଓ ନୂଆପଡା ଜିଲ୍ଲାର କିଛି ଚାଷୀଙ୍କ ମୁଖ୍ୟମନ୍ତ୍ରୀ ମାନପତ୍ର ଓ ଉପାୟନ ଦେଇ ସମ୍ମାନିତ କରିଥିଲେ । 
ଉପମୁଖ୍ୟମନ୍ତ୍ରୀ ତଥା କୃଷି ଓ କୃଷକ ସଶକ୍ତିକରଣ ମନ୍ତ୍ରୀ କନକବର୍ଦ୍ଧନ ସିଂହଦେଓ ଯୋଗ ଦେଇ ଆତ୍ମନିର୍ଭରଶୀଳ ଭାରତ ଓ ଆତ୍ମନିର୍ଭରଶୀଳ ଓଡ଼ିଶା ଗଠନ ଦିଗରେ ଆମ ସରକାର କାମ କରୁଛି । ଖୁବଶୀଘ୍ର ବଲାଙ୍ଗୀରରେ ଗୋଟିଏ କୃଷି ବିଦ୍ୟାଳୟ ଓ ସୋନପୁରରେ ଫିସରୀ କଲେଜ ସ୍ଥାପନ କରାଯିବାର ଯୋଜନା ରହିଛି ବୋଲି ଉପମୁଖ୍ୟମନ୍ତ୍ରୀ ଶ୍ରୀ ସିଂଦେଓ ଦୃଢ଼ୋକ୍ତି ପ୍ରକାଶ କରିଛନ୍ତି । ଅନ୍ୟ ମାନଙ୍କ ମଧ୍ୟରେ ବଲାଙ୍ଗୀର ସାଂସଦ ସଙ୍ଗୀତା କୁମାରୀ ସିଂଦେଓ, ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଡ. ମୁକେଶ ମହାଲିଙ୍ଗ, କଂଟାବାଞ୍ଜି ବିଧାୟକ ଲକ୍ଷ୍ମଣ ମାଝୀ, ଟିଟିଲାଗଡ଼ ବିଧାୟକ ନବୀନ ଜୈନ, ବରଗଡ଼ ସାଂସଦ ପ୍ରଦୀୂପ ପୁରୋହିତ, ବୀରମହାରାଜପୁର ବିଧାୟକ ରଘୁନାଥ ଜଗଦଲା,ଉତ୍ତରାଞ୍ଚଳ ରାଜସ୍ବ କମିଶନର ସଚିନ ରାମଚନ୍ଦ୍ର ଯାଦବ ପ୍ରମୁଖ ମଂଚାସୀନ ରହି ରାଜ୍ୟରେ ବିଜେପିର ଗୋଟିଏ ବର୍ଷର ଶାସନ ଓ ଦେଶରେ ବିଜେପିର ୧୧ ବର୍ଷ ଶାସାନ ଦେଶକୁ ଆଗେଇ ନେଇଛି । ଯଶସ୍ୱୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଯୁଗାନ୍ତକାରୀ ଯୋଜନାର ସୁଫଳ ସମାଜର ସମାଜର ସବୁ ବର୍ଗର ଲୋକେ ପାଇ ପାରିଛନ୍ତି ବୋଲି କହିଥିଲେ । ଆଜି ଶାନ୍ତିଶୃଙ୍ଖଳା ରକ୍ଷା ପାଇଁ ପଥରଚେପାରେ ଉତ୍ତରାଞ୍ଚଳ ଡିଆଇଜି ହିମାଂଶୁ ଲାଲ୍ବ ଓ ବଲାଙ୍ଗୀର ଏସ୍ ପି ଅଭିଳାଷ  ଜୀ ଙ୍କ ତତ୍ତ୍ଵାବଧାନରେ ବ୍ୟାପକ ପୋଲିସ ମୃତୟନ ହୋଇଥିଲେ । ଶେଷ ରେ ବଲାଙ୍ଗୀର ଜିଲ୍ଲାପାଳ ଗୌରବ ଶିବାଜୀ ଇଶଲୱାର୍ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ l