05-Jun-2025

ବରୀ (ରଞ୍ଜିତ ମହାନ୍ତି): ଚାଷୀ ମାନଙ୍କୁ ପ୍ରାକ ଖରିଫ ଫସଲ ଚାଷ ପାଇଁ ସରକାରଙ୍କ ବିଭିନ୍ନ ଯୋଜନା, ପ୍ରୋତ୍ସାହନ ଓ ନୂତନ ଜ୍ଞାନକୌଶଳ ବିଷୟରେ ଅବଗତ କରାଇବା ନିମନ୍ତେ ଧାରପୁର ପଞ୍ଚାୟତର ନାଥପୁର ଶନି ପଡିଆଠାରେ ବିକଶିତ କୃଷି ସଂକଳ୍ପ ଅଭିଯାନ କାର୍ଯ୍ୟକ୍ରମ ହୋଇଯାଇଛି। ବ୍ଲକ କୃଷି ଅଧିକାରିଣୀ ଜ୍ୟୋତିର୍ମୟୀ ସଂଯୋଜନାରେ ଅଭିଯାନର କେନ୍ଦ୍ରୀୟ କୃଷିରତ ମହିଳା ଗବେଷଣା ସଂସ୍ଥାନର ପ୍ରମୁଖ ବୈଜ୍ଞାନିକ ବିଶ୍ବନାଥ ସାହୁ, କୃଷି ବିଜ୍ଞାନ କେନ୍ଦ୍ର ବୈଜ୍ଞାନିକ ଲଳିତ କୁମାର ମହାନ୍ତି, ବୈଜ୍ଞାନିକ ସୁବ୍ରତ କୁମାର ପାଣିଗ୍ରାହୀ, କେନ୍ଦ୍ରୀୟ ମତ୍ସ୍ୟ ଗବେଷଣା କେନ୍ଦ୍ର
ଭୁବନେଶ୍ବର ବୈଜ୍ଞାନିକ ପ୍ରିୟବ୍ରତ ସ୍ବାଇଁ କାର୍ଯ୍ୟକ୍ରମର ଆଭିମୁଖ୍ୟ ଓ ଉପାଦେୟତା ଉପରେ ଆଲୋକପାତ କରିଥିଲେ। ଅନ୍ୟମାନଙ୍କ ମଧ୍ୟରେ ଧାରପୁର ସରପଞ୍ଚ କୁନା ମଲିକ, ଏଟିଏମ ପ୍ରିୟ ରଞ୍ଜନ ରାଉତ, ସହକାରୀ କୃଷି ଅଧିକାରୀ ବିକାଶ ମହାପାତ୍ର, ଉଦ୍ୟାନ କୃଷି ଅଧିକାରିଣୀ ମୋନାଲିସା ଅଧିକାରୀ, ଧର୍ମଶାଳାର ସହକାରୀ ଉଦ୍ୟାନ କୃଷି ଅଧିକାରିଣୀ ଶୁଭଶ୍ରୀ ଶୁଭଦର୍ଶିନୀ, ଓଭରସିୟର ଶ୍ରୀକାନ୍ତ କୁମାର ନାୟକ, ଗ୍ରାମ୍ୟ କୃଷି କର୍ମଚାରୀ ରୂପାଲି ପଣ୍ଡା ପ୍ରମୁଖ ଉପସ୍ଥିତ ଥିଲେ। କୃଷି ରଥ ମାଧ୍ୟମରେ ଗ୍ରାମରେ ସରକାରଙ୍କ ଦ୍ବାରା ବିଭିନ୍ନ ସହାୟତା, ସୁବିଧା ବିଷୟରେ ଅବଗତ କରାଯାଇଥିଲା।