05-Jun-2025

ବଲାଙ୍ଗୀର(ପ୍ରେରଣା ଖବର): ବଲାଙ୍ଗୀର ଜିଲ୍ଲା ଓଷ୍ଟା ସଂଘର ୧୬ତମ ସାମ୍ବିଧାନିକ ସମ୍ମିଳନୀ ସଦର ବ୍ଲକ ଅର୍ନ୍ତଗତ ପଞ୍ଚାୟତ ହାଇସ୍କୁଲ ବରଗାଁ ଠାରେ ଅନୁଷ୍ଠିତ ହୋଇଯାଇଛି। ପ୍ରଥମ ଅଧିବେଶନର କାର୍ଯ୍ୟକ୍ରମରେ ନିମନ୍ତ୍ରୀତ ଅତିଥି ଭାବେ ରାଜ୍ଯ ଓଷ୍ଟା ସଭାପତି ଅକ୍ଷୟ ମିଶ୍ର,ରାଜ୍ୟ କାର୍ଯ୍ଯକାରୀ ସଭାପତି ନୀଳମଣି ପୁରୋହିତ,ରାଜ୍ଯ ଓଷ୍ଟା ସଂପାଦକ ରଂଜନ କୁମାର ଦାଶ, ଯୁଗ୍ମ ସଂପାଦକ ବ୍ରଜ ବିଶ୍ବାଳ, କୋଷାଧ୍ୟକ୍ଷ ଅଶୋକ କୁମାର ମହାପାତ୍ର, ରାଜ୍ଯ ଉପସଭାପତି ସୁଧିର ନାଏକ,ରାଜ୍ଯ ସଂପାଦକ ରଂଜିତା ମିଶ୍ର ଓ ଶିକ୍ଷାପ୍ରଦୀପ ର ସଂପାଦକ ଶଂକର ସୁବୁଦ୍ଧି ପ୍ରମୁଖ ମଂଚାସୀନ ଥିଲେ। ଓଷ୍ଟା ରାଜ୍ଯ ସଂପାଦିକା ରଂଜିତା ମିଶ୍ର ବାର୍ଷିକ ବିବରଣୀ ପଠନ କରିଥିଲେ। ଦ୍ବିତୀୟ ଅଧିବେଶନରେ ଅନୁଷ୍ଠିତ ନିର୍ବାଚନରେ ପର୍ଯ୍ଯବେକ୍ଷକ ଭାବେ ସାରଂଗଧର ଠାକୁର ଯୋଗ ଦେଇଥିଲେ। ସଂଘର ସଦସ୍ଯ ସଦସ୍ଯାଙ୍କୁ ନେଇ ନିର୍ବାଚନ ହୋଇଥିଲା। ଏହି ନିର୍ବାଚନରେ

ସଂଘ ସଭାପତି ଭାବେ ପ୍ରଦୀପ କୁମାର ପୁଟେଲ, ସଂପାଦକ ଭାବେ ଶଂକର ପ୍ରସାଦ ମିଶ୍ର, କାର୍ଯ୍ଯକାରୀ ସଭାପତି ଅନିଲ ସାହୁ, ଉପସଭାପତି ମଣିକର ମାଝୀ,ସନ୍ତୋଷ ମିଶ୍ର, ପ୍ରଣତି ପାଣିଗ୍ରାହୀ, ଯୁଗ୍ମ ସଂପାଦକ ପିତାମ୍ବର ଛତର, ଶୁଭେନ୍ଦୁ ମହାନ୍ତି (ଟୁକୁ), ପଦ୍ମାଳୟା ତ୍ରିପାଠୀ, କାର୍ଯ୍ଯକାରୀ କମିଟି ସଭ୍ୟ ଭାବେ କୁଳମଣୀ ଯୋଶୀ, ଭକ୍ତବନ୍ଧୁ ପୁରୋହିତ, ସୁଶାନ୍ତ କୁମାର ଦାଶ ଏବଂ ନବ କିଶୋର ନନ୍ଦଙ୍କ ନାମନିର୍ବାଚିତ ପ୍ରାର୍ଥୀ ହେଲେ ବୋଲି ଘୋଷଣା କରାଯାଇଥିଲା। ଶାନ୍ତିଶୃଙ୍ଖଳା ଓ ସୁବ୍ୟବସ୍ଥିତ ସହ ଅନୁଷ୍ଠିତ ଏହି କାର୍ଯ୍ଯକ୍ରମରେ ଜିଲ୍ଲା ଆରକ୍ଷୀ ଅଧୀକ୍ଷକଙ୍କ ନିର୍ଦ୍ଦେଶରେ ଅପ୍ରୀତିକର ପରିସ୍ଥିତିକୁ ଏଡାଇବା ପାଇଁ ଗୋଟିଏ ପ୍ଲାଟୁନ ପୋଲିସ ଫୋର୍ସ ମୃତୟନ କରାଯାଇଥିଲା।ପରିଚାଳନା କମିଟି ସଭାପତି ଲୋକନାଥ ବିଶିଙ୍କ ପ୍ରତକ୍ଷ୍ଯ ତତ୍ତ୍ବାବଧାନରେ କାର୍ଯ୍ଯକ୍ରମର ସଫଳ ରୂପାୟନ ହୋଇଥିଲା। କାର୍ଯ୍ଯକ୍ରମରେ ବିଦ୍ୟାଳୟର ସମସ୍ତ ଶିକ୍ଷକ,ପୁରାତନ ଛାତ୍ରଛାତ୍ରୀଙ୍କ ସମେତ ଗାଁର ସ୍ବେଚ୍ଛାସେବୀ ମାନେ ସହଯୋଗ କରିଥିଲେ।