03-Jun-2025

 ତରଭା(କପିଳାସ ସେଠ): ତରଭା ଏନ ଏ ସି ର ପୂର୍ଵ ଦିଗରେ ଥିବା ଦେ ସରନାଳରୁ ବର୍ଷାଜଳ ନିଷ୍କାସିତ ହେବା ସନ୍ଦେହ ଦେଖାଦେଇଥିବା ନେଇ ଅଞ୍ଚଳବାସୀ ଚିନ୍ତାରେ ରହିଛନ୍ତି I ତରଭା ସହରରୁ ବର୍ଷା ଜଳ ନିଷ୍କାସିତ ହେବାପାଇଁ ଦୁଇଟି ପ୍ରାକୃତିକ ଉର୍ତ୍ସ ରହିଛି। ସହର ର ପଶ୍ଚିମ ଦିଗରେ ନିବୃତ୍ତି ଜୋର ଓ ଅନ୍ୟଟି ପୂର୍ଵ ଦିଗରେ ଦେସରନାଳ ରହିଛି। ଏନ ଏ. ସି ପ୍ରଶାସନ ପକ୍ଷରୁ ସହରର ୱାର୍ଡ ନମ୍ବର ୧, ୨ ,୩, ୪, ୫ ଓ ୧୦ ରୁ ବାହାରୁଥିବା ବର୍ଷାଜଳ ଓ ଦୈନିକ ଦିନ ବାହାରୁ ଥିବା ମଇଳା ପାଣି ଭୂତଳ ନାଳରେ ନିବୃତ୍ତି ଯୋରରେ ସିଧାସଳଖ  ନିଷ୍କାସିତ ହେଉଥିବାବେଳେ ୱାର୍ଡ ନମ୍ବର ୬,୭,୮ ଓ ୯ ରୁ ବାହାରୁଥିବା ବର୍ଷା ଜଳ ପ୍ରଥମେ ଦେ ସରନାଳ ଦେଇ ଗର୍ଜା ନିକଟରେ ନିବୃତ୍ତିରେ ମିଶୁଛି। ଦେ ସର ନାଳରୁ ବର୍ଷା ଜଳ ନିବୃତ୍ତିକୁ ଯିବାପାଇଁ ଅନେକ ସ୍ଥାନରେ କଂକ୍ରିଟ ହ୍ୟୁମ ପାଇପ ବିଛା ଯାଇଛି।ତେଲ ଜଳସେଚନ ବିଭାଗ ତରଫରୁ ବନ୍ୟା ପ୍ରତିରୋଧକ ବନ୍ଧ (ମାଟି ବନ୍ଧ) ନିର୍ମାଣ ସମୟରେ କେତୋଟି ହ୍ୟୁମ ପାଇପ ମାଟିରେ ପୋତି ହୋଇଯାଇଥିବା ଲୋକଙ୍କ ଦ୍ରୁଷ୍ଟିକୁ ଆସିଥିଲା।ଏସମ୍ବନ୍ଧେ ଜନସାଧାରଣଙ୍କ ତରଫରୁ ତେଲ ଜଳ ସେଚନ ବିଭାଗ ଓ ତରଭା ଏନଏସି ନିର୍ବାହୀ ଅଧିକାରୀଙ୍କ ନିକଟରେ ଅଭିଯୋଗ କରାଯାଇଥିଲେ।ଅଭିଯୋଗ ଅନୁଯାୟୀ ଦେ ସର ନାଳ ରୁ ବର୍ଷା ଜଳ ନିଷ୍କାସିତ ହେବା ନେଇ ସନ୍ଦେହ ଦେଖା ଦେଉଛି  I ଦେ ସରନାଳ ଅନେକ ସ୍ଥାନରେ ମାଟି ପୋତି ଦିଆଯାଇଛି I ଯାହା ଫଳରେ ବର୍ଷା ଜଳ ନିଷ୍କାସିତ ସମସ୍ୟା ଦେଖା ଦେଇ ପରେ ବୋଲି ବିଭିନ୍ନ ମହଳରେ ଆଲୋଚନା ହେଉଛି I ଦେ ସରନାଳରେ ବର୍ଷା ଜଳ ନିଷ୍କାସିତ ହୋଇ ନପାରିଲେ ତରଭା କୁମ୍ଭାରପଡ଼ା ବାସିନ୍ଦା ବହୁ ଅସୁବିଧାର ସମୁଖୀନ ହେବେ  ବୋଲି ଉଲ୍ଲେଖ ରହିଛି। ରବିବାର ତେଲ ଜଳ ସେଚନ ବିଭାଗର ସହକାରୀ ଯନ୍ତ୍ରୀ ସଚ୍ଚିଦାନନ୍ଦ ପ୍ରଧାନ ଅଭିଯୋଗ ହୋଇ ଥିବା ଅଞ୍ଚଳକୁ ଆସି ପରିସ୍ଥିତି ଅନୁଧ୍ୟାନ କରିଯାଇଛନ୍ତି। ଗର୍ଜା ନିକଟରେ ଗୋଟିଏ ହ୍ୟୁମ ପାଇପ ମାଟିରେ ପୋତି ହୋଇଥିବା ଦେଖା ଯାଇଥିଲା।ଶ୍ରୀ ପ୍ରଧାନ ହ୍ୟୁମ ପାଇପ ସମ୍ମୁଖରୁ ମାଟି ଉଠାଇବାକୁ ସମ୍ପୃକ୍ତ ଠିକାଦାରଙ୍କୁ ନିର୍ଦ୍ଦେଶ ଦେଇଥିଲେ।ଏହା ବ୍ୟତୀତ ଦେସରନାଳରୁ ବର୍ଷା ଜଳ ନିଷ୍କାସନରେ କୌଣସି ସମସ୍ୟା ଦେଖାଦେଲେ ସଙ୍ଗେ ସଙ୍ଗେ ପଦକ୍ଷେପ ଗ୍ରହଣ କରାଯିବ ବୋଲି ସୂଚନା ଦେଇ ଛନ୍ତି  I