18-May-2025

ହରଭଙ୍ଗା(ସାଶ୍ୱତ ଦାସ): ପ୍ରଥମଥର ପାଇଁ  ଗାଁ ଦାଣ୍ଡରେ ପାୟ ଦୁଇ କିଲୋମିଟର ବାଟ ଲୋକଙ୍କ ମଧ୍ୟରେ ଚାଲି ଚାଲି ଗଲେ ମୁଖ୍ୟମନ୍ତ୍ରୀ । ଆତଙ୍କବାଦ ବିରୁଦ୍ଧରେ ଭାରତୀୟ ଯବାନଙ୍କ ଅପରେସନ ସିନ୍ଦୂର ର ସଫଳତା ପରେ ଯବାନମାନଙ୍କୁଙ୍କୁ ଉତ୍ସାହିତ କରିବା ପାଇଁ ରାଜ୍ୟବ୍ୟାପୀ ଚାଲିଛି ପରାକ୍ରମ ଶୋଭାଯାତ୍ରା । ଏହି କ୍ରମରେ ଆଜି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ବୌଦ୍ଧ ଜିଲ୍ଲା ଗ୍ରସ୍ତରେ ଆସି ହରଭଙ୍ଗା ବ୍ଲକର ସରସରା ଗାଁ ରେ ଅନୁଷ୍ଠିତ ପରାକ୍ରମ ଶୋଭାଯାତ୍ରାରେ ସାମିଲ ହୋଇ

ଥିଲେ । ପ୍ରଥମେ ଜିଲ୍ଲାପାଳ କାର୍ଯ୍ୟାଳୟ ରେ ଅନୁଷ୍ଠିତ ସମୀକ୍ଷା ବୈଠକ ରେ ଯୋଗ ଦେଇଥିଲେ ମୁଖ୍ୟମନ୍ତ୍ରୀ । ବୈଠକ ସରିବା ପରେ ଅପରାହ୍ନ ୪ଟା ସମୟରେ ହରଭଙ୍ଗା ବ୍ଲକ ସରସରା ଖେଳ ପଡିଆରେ ଆୟୋଜିତ ପରାକ୍ରମ ଶୋଭାଯାତ୍ରା ସଭାରେ ଯୋଗ ଦେଇ ଅପରେସନ ସିନ୍ଦୁର ସଫଳତା କୁ ନେଇ ଜନସାଧାରଣଙ୍କୁ ସମ୍ବୋଧନ କରିଥିଲେ ମୁଖ୍ୟମନ୍ତ୍ରୀ । ପରେ ସରସରା ଗାଁରେ ଆୟୋଜିତ ତ୍ରିରଙ୍ଗା ଶୋଭାଯାତ୍ରାରେ ଶହ ଶହ ଜନସାଧାରଣ , ମହିଳା, ବୁଦ୍ଧିଜୀବୀ ସ୍କୁଲ ଛାତ୍ରଛାତ୍ରୀଙ୍କ ଗହଣ ରେ ମୁଖ୍ୟମନ୍ତ୍ରୀ ଯୋଗ ଦେଇ ଗାଁ ଦାଣ୍ଡ ରେ ଚାଲି ଚାଲି ଆସିଥିଲେ । ମୁଖ୍ୟମନ୍ତ୍ରୀ ସହ ବୌଦ୍ଧ ବିଧାୟକ ସରୋଜ ପ୍ରଧାନ ଓ କନ୍ଧମାଳ ସାଂସଦ ସୁକାନ୍ତ ପାଣିଗ୍ରାହୀ ମଧ୍ୟ ତ୍ରିରଙ୍ଗା ଶୋଭାଯାତ୍ରାରେ ସାମିଲ ହୋଇଥିଲେ 
ପରେ ତ୍ରିରଙ୍ଗା ଶୋଭାଯାତ୍ରା ସରିବା ପରେ ମୁଖ୍ୟମନ୍ତ୍ରୀ ଭୁବନେଶ୍ୱର ଫେରି ଯାଇଛନ୍ତି ।