17-May-2025

ବଲାଙ୍ଗିର(ଦେବାଶିଷ ବହିଦାର)- ବଲାଙ୍ଗିରର କୁନିଝିଅ ଆଦ୍‌ଭୀରା ମିଶ୍ର ନିଜ ବହୁମୁଖୀ ପ୍ରତିଭା ବଳରେ ପଞ୍ଜାବର ଅମୃତସର ଠାରେ ଇଣ୍ଟରନେସନାଲ ବୁକ୍ସ ଅଫ୍ ରେକର୍ଡ ସଂସ୍ଥା ଦ୍ୱାରା ପୁରସ୍କୃତ ହେବା ସହ ଇଣ୍ଟରନେସନାଲ ବୁକ୍ସ ଅଫ୍ ରେକର୍ଡରେ ନିଜ ନାମକୁ ସ୍ଥାନିତ କରିଛନ୍ତି। ତିନି ବର୍ଷ ୨ ମାସର କୁନି ଝିଅ ଅତି କମଳ ବୟସରୁ ଅନେକ ଗୁଡିଏ ପ୍ରତିଭା ର ଅଧିକାରୀ ହୋଇପାରିଛନ୍ତି। ସେ ଅନାୟାସରେ ଇଂରାଜୀ ମାଧ୍ୟମ ବର୍ଣ୍ଣମାଳା ଓ ତତ୍ ସଂଲଗ୍ନ ଶବ୍ଦ ସଂଖ୍ୟା ୧ ରୁ ୫୦ ପର୍ଯ୍ୟନ୍ତ ଫଳ, ସମସ୍ତ ପନିପରିବା, ସମସ୍ତ ବନ୍ୟଯନ୍ତୁ, ଗୃହପାଳିତ ପଶୁ,

ସାମୁଦ୍ରିକ ଜିବନ, କିଟ ପତଙ୍ଗ ତା ସହିତ ପରିବହନର ସମସ୍ତ ମାଧ୍ୟମ, ବୃତ୍ତି, ରଙ୍ଗ, ବିଭିନ୍ନ ଆକାର, ମଣିଷ ଶରୀର ଓ ତାର ଅଙ୍ଗ ପ୍ରତ୍ୟଙ୍ଗ, ଖାଦ୍ୟ ସାମଗ୍ରୀ, ସପ୍ତାହର ସମସ୍ତ ଦିନ, ବର୍ଷର ସମସ୍ତ ମାସ, ଟ୍ରାଫିକ ସଂକେତ, ଗାୟତ୍ରୀ ମନ୍ତ୍ରକୁ ନିଜ ମୁହଁରେ ନିର୍ଭୁଲ ଭାବରେ କହିପାରୁଛନ୍ତି । ତା ସହିତ ସମସ୍ତ ଇଂରାଜୀ ଅକ୍ଷର, ୧ ରୁ ୧୦ ପର୍ଯ୍ୟନ୍ତ ଇଂରାଜୀ ସଂଖ୍ୟା ମୁଖସ୍ତ କରି ଜୁରି ସାମ୍ନାରେ ନିର୍ଭୁଲ ଭାବରେ ଉତ୍ତର ରଖିପାରିଛନ୍ତି । ଏପରି କି ବିଭିନ୍ନ ପ୍ରକାର ପଜଲ୍ସ ଗେମ ସହ ବେଡମିଣ୍ଟନରେ କ୍ରମାଗତ ଭାବେ ୧୧୦ ଷ୍ଟୋକ କରିବା ବିରଳ ରେକର୍ଡ କରି ବେଷ୍ଟ ମଲ୍ଟି ଟେଲେଣ୍ଟେଟ କିଟ ଆଖ୍ୟା ଅର୍ଜନ କରିଛନ୍ତି । ତା ସହ ୬୬ ସେକେଣ୍ଡ ରେ ୧୧୦ ପାହାଚ ଚଢି ଇଣ୍ଟର ନେସନାଲ ବୁକ୍ସ

ଅଫ୍ ରେକର୍ଡ ରେ କୁନି ଝିଅ ଅଦ୍‌ଭୀରା ମିଶ୍ର ନିଜ ନାମକୁ ସ୍ଥାନିତ କରି ବଲାଙ୍ଗିର ପାଇଁ ଗୌରବ ଆଣିଛନ୍ତି । ଅଦ୍‌ଭୀରା ହେଉଛନ୍ତି ବଲାଙ୍ଗିର ସହରର ଅଦ୍ୟାଶା ମିଶ୍ର ଓ ଅଭିଜିତ ମିଶ୍ରଙ୍କ ଏକମାତ୍ର କନ୍ୟା ତଥା ପୂର୍ବତନ ଆଇନମନ୍ତ୍ରୀ ନରସିଂହ ମିଶ୍ରଙ୍କ ସାନ ଭାଇ ବୀରେନ୍ଦ୍ର କୁମାର ମିଶ୍ରଙ୍କ ପୌତ୍ରୀ । ଏହି କୁନି ଝିଅ ସଫଳତାରେ ବଲାଙ୍ଗିର ସହରର ଅନେକ ଲୋକ ଖୁସି ବ୍ୟକ୍ତି କରିବା ସହ ଝିଅର ଆଗାମୀ ଭବିଷ୍ୟତ ସଫଳତା ଲାଭ କରୁ ବୋଲି କାମନା କରିଛନ୍ତି ।