15-May-2025

ବିନିକା(ହିମାଂଶୁ ଶେଖର ପୁଟେଲ)
ଅପରେସନ 'ସିନ୍ଦୁର' ର ବିଜୟ ପରେ ସାରା ଭାରତରେ ପାଳନ ହେଉଛି ତ୍ରିରଙ୍ଗା ଯାତ୍ରା l ଏହି ପରିପ୍ରେକ୍ଷୀରେ ଆଜି ସୁବର୍ଣ୍ଣପୁର ଜିଲ୍ଲା ବିନିକା ଏନଏସି ପକ୍ଷରୁ ତ୍ରିରଙ୍ଗା ଶୋଭାଯାତ୍ରା ଅନୁଷ୍ଠିତ ହୋଇଥିଲା l ଏହି ତ୍ରିରଙ୍ଗା ଶୋଭାଯାତ୍ରାକୁ ବିନିକା ଏନଏସି ଅଧ୍ୟକ୍ଷ ସୁବାସ ଚନ୍ଦ୍ର ଭୋଇ ମୁଖ୍ୟ ଅତିଥି ଭାବେ ଯୋଗଦେଇ ଉଦ୍ଘାଟନ କରିଥିଲେ। ତ୍ରିରଙ୍ଗା ଶୋଭାଯାତ୍ରାରେ ବିନିକା ଏନଏସିର କାର୍ଯ୍ୟ ନିର୍ବାହୀ ଅଧିକାରୀ, ଉପାଧ୍ୟକ୍ଷା,କାଉନସିଲର,ତହସିଲଦାର,ଅଙ୍ଗନୱାଡ଼ି କର୍ମୀ,ଆଶାକର୍ମୀ,ପୋଲିସ କର୍ମଚାରିଙ୍କ ସହ ଅଞ୍ଚଳର ଶତାଧିକ ବୁଦ୍ଧିଜୀବୀ,ସମାଜସେବୀ, ଶିକ୍ଷାବିତ,ବିଭିନ୍ନ ସାମାଜିକ ଅନୁଷ୍ଠାନର କର୍ମକର୍ତ୍ତା ସାମିଲ ହୋଇଥିଲେ l ଶୋଭାଯାତ୍ରା ବିନିକା ଏନଏସି କାର୍ଯ୍ୟାଳୟରୁ ବାହାରି ବାହାରି ସହରର ବସଷ୍ଟାଣ୍ଡ,ହାଇସ୍କୁଲ ଛକ,ତହସିଲ ଛକ ଦେଇ ସମ୍ପୂର୍ଣ୍ଣ ସହର ପରିକ୍ରମା କରିଥିଲା  ସମସ୍ତ ବ୍ୟକ୍ତି ବିଶେଷ ହାତରେ ତ୍ରିରଙ୍ଗା ପତାକା  ଧରି ଭାରତ ମାତା କି ଜୟ,ବନ୍ଦେ ମାତରଂ,ଜୟ ଯବାନ ଧ୍ଵନି ଦେଇ ସହର ପରିକ୍ରମା କରିଥିଲେ । ସହର ତ୍ରିରଙ୍ଗା ଧ୍ବନିରେ ପ୍ରକଂବିତ ହୋଇଥିଲା ।ସୂଚନା ଯୋଗ୍ୟ ପହେଲଗାଁଓଁ ଆତଙ୍କବାଦୀ ଆକ୍ରମଣର ବିରୋଧରେ ଭାରତ ସରକାର ଅପରେଶନ ସିଦୂର୍ ଅଭିଯାନ ଆରମ୍ଭ କରିଥିଲେ। ଯାହାର ପ୍ରଭାବରେ ଭାରତୀୟ ସଶସ୍ତ୍ର ସେନାବାହିନୀ ପାକିସ୍ତାନ ଦେଶ ଭିତରକୁ ପଶି ବିଭିନ୍ନ ଆତଙ୍କବାଦୀ ସଂଗଠନ ଗୁଡ଼ିକ ଧ୍ଵଂସ କରିଦେଲା । ପାକିସ୍ତାନ ସୈନ୍ୟ ବାହୀନି ବାରମ୍ବାର ଭାରତକୁ ଆକ୍ରମଣ କରିବାକୁ ଚେଷ୍ଟା କରିଥିଲେ ମଧ୍ୟ ଭାରତ ଆଗରେ ଫେଲ ମାରିଥିଲା । ଶେଷରେ ପାକିସ୍ଥାନ ସେନା ଭାରତର ପ୍ରତିରକ୍ଷା ଆଗରେ ହାର ମାନିଥିଲା ଏବଂ ଅସ୍ତ୍ରବିରତି ପାଇଁ ଭାରତ ଆଗରେ ପ୍ରାର୍ଥନା କରିଥିଲା । ସାରା ବିଶ୍ବ ଦେଖିଲା ଭାରତୀୟ ସଶସ୍ତ୍ର ସେନାବାହିନୀର ସ୍ୱର୍ଯ୍ୟ। ତେଣୁ ଆଜି ସାରା ଭାରତରେ ପାଳନ ଆଜି ବିଜୟୀ ତ୍ରିରଙ୍ଗା ଶୋଭାଯାତ୍ରା କରାଯିବା ସହିତ ଆମର ସୈନ୍ୟ ବାହୀନିର ସାହସିକତା ସଫଳତାକୁ ସମସ୍ତ ନାଗରିକ ସାଲ୍ୟୁଟ ଜଣାଇଛନ୍ତି ।