18-Apr-2025

ବରଗଡ଼:(ନିରଞ୍ଜନ ତ୍ରିପାଠୀ)- ବରଗଡ଼ ଜିଲ୍ଲା ଅତାବିରା ବ୍ଲକ୍ ଅନ୍ତର୍ଗତ ବୁଗବୁଗା ପଞ୍ଚାୟତ ଭୂତଟିକ୍ରା ରେ ଅଖଣ୍ଡ ଚବିଶ ପ୍ରହରୀ ନାମଯଜ୍ଞ ପାଇଁ ଗ୍ରାମର ନିକଟରେ ରହିଥିବା କେନାଲ ତୁଠରେ ପଣ୍ଡିତ ମାନଙ୍କ ଦ୍ଵାରା ସୁସ୍ଵରେ ମନ୍ତ୍ର ପଠନ ପୂର୍ବକ ଏକ ବର୍ଣ୍ଣାଢ଼୍ୟ କଳସ ଯାତ୍ରା ଶୋଭାଯାତ୍ରା ଆସି ନାମଯଜ୍ଞ ମଣ୍ଡପ ସମୀପରେ ସ୍ଥାପନ କରି ୧୭ ଠାରୁ ଆରମ୍ଭ ହୋଇ ଆସନ୍ତା ୨୦ତାରିଖ ରେ ପୂର୍ଣ୍ଣାହୁତି ହେବ।ଦୀର୍ଘ ଚାରି ଦିନଧରି ହେବାକୁ ଥିବା ନାମଯଜ୍ଞ ରେ ପୂଜା କାର୍ଯ୍ୟ ପାଇଁ ସୁବିଜ୍ଞ ପଣ୍ଡିତ ଅଜିତ ଦାଶ,ବୁଲୁ ଦାଶ ଓ ତାଙ୍କ ସାଥୀ ମାନେ ବ୍ରହ୍ମା ବରଣ ହୋଇଥିବା ବେଳେ କର୍ତ୍ତା ଦାୟୀତ୍ୱ ରେ ସପତ୍ନିକ ଗ୍ରାମର ସୁରେନ୍ଦ୍ର କର୍ଣ୍ଣ ଓ ଯାମିନି କର୍ଣ୍ଣ ରହିଛନ୍ତି।ନାମଯଜ୍ଞ ମଣ୍ଡଳୀ ରେ ଘଣ୍ଟ,ଶଙ୍ଖ,ହୁଳହୁଳି ସହ ପୂଜାର୍ଚ୍ଚନା ପୂର୍ବକ ନାମ ଧରା ହୋଇ "ହରେକୃଷ୍ଣ ହରେକୃଷ୍ଣ କୃଷ୍ଣକୃଷ୍ଣ ହରେହରେ ହରେରାମ ହରେ ରାମ ରାମରାମ ହରେହରେ"ନାମ ସଙ୍କୀର୍ତ୍ତନ,ଝାଞ୍ଜ ମୃଦଙ୍ଗ ଧ୍ଵନୀରେ ଗଗନ ପବନ ଉଚ୍ଛୁଳି ଉଠୁଛି।ପ୍ରତ୍ୟହ ଶ୍ରଦ୍ଧାଳୁ ଭକ୍ତ ମାନଙ୍କ ପାଇଁ ଅନ୍ନ ପ୍ରସାଦ ର ବ୍ୟବସ୍ଥା ରହିଥିବା ବେଳେ ଆଖାପାଖ ପୁରପଲ୍ଲୀ ର ସଙ୍କୀର୍ତ୍ତନ ଦଳ ସହଯୋଗୀ ଭାବରେ ଯୋଗ ଦେଇଥିଲେ।୧୭ତାରିଖ ଦିନ ଝିଲିମିଣ୍ଡା ରଙ୍ଗାଟିକ୍ରା ଯୋଗ ଦେଇ ଥିବାବେଳେ ୨୦ତାରିଖ ପୂର୍ଣ୍ଣାହୁତି ଦିନ ଯୁଜୁମୁରା ପଣ୍ଡରୀ ର ସଙ୍କୀର୍ତ୍ତନ ଦଳ ଓ ଉଲୁଣ୍ଡା ର ଜଉଁରା ଭଉଁରା ମହିଲା ରଙ୍ଗୀନ ସଙ୍କୀର୍ତ୍ତନ ଦଳ ନିମନ୍ତ୍ରିତ ହୋଇ ଥିବା ଗ୍ରାମବାସୀ ଙ୍କ ପକ୍ଷରୁ ଜଣା ପଡ଼ିଛି।ନାମଯଜ୍ଞ ରେ ଭୂତଟିକ୍ରା ଗ୍ରାମର ଆବାଳ ବୃଦ୍ଧ ବନିତା ସମସ୍ତଙ୍କ ସକ୍ରିୟ ସହଯୋଗ ରହିଛି।