18-Apr-2025

ଖଡ଼ିଆଳ(ପରମେଶ୍ଵର ମେହେର): ନୂଆପଡା ଜିଲ୍ଲା ସିନାପାଲି ବ୍ଲକ ସମନ୍ୱିତ ଶିଶୁଵିକାଶ ଅଧିନସ୍ଥ ସିଙ୍ଗଝର ସେକ୍ଟର କୁଳିଆରୀବାହାଲ ଅଙ୍ଗନୱାଡି କେନ୍ଦ୍ରରେ ପୋଷଣ ପାୱାଡା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲ | ଏହି ସେକ୍ଟରର ପ୍ରାୟ ୨୦ ଗୋଟି ଅଙ୍ଗନୱାଡି କେନ୍ଦ୍ରର ସମସ୍ତ ଅଙ୍ଗନୱାଡି କର୍ମୀ,  ଗର୍ଭବତୀ ମା, ପ୍ରସୂତି ଓ ଅଭଭାବକ, କିଶୋରୀ ଯୋଗ ଦେଇ ଥିଲେ | ଏହି ପୋଷଣ କାର୍ଯ୍ୟକ୍ରମରେ ଅନେକ ବ୍ୟଞ୍ଜନ ସୁଖାଦ୍ୟ କୁ କମଳା ରଙ୍ଗ, ଧଳା ରଙ୍ଗ ଓ ସବୁଜ ରଙ୍ଗ ପରି ଖାଦ୍ୟକୁ ସଜାଇ ପ୍ରଦର୍ଶିତ କରାଯାଇଥିଲା | ସର୍ବପ୍ରଥମେ ଆମ ଦେଶକୁ ସମୃଦ୍ଧ ଓ ବିକାଶ ଦିଗରେ ଆଗେଇବା, ଏକ ସୁସ୍ଥ ମଣିଷ ଗଠନ ହୋଇ ପାରିବା ଓ ଆମେ ସବୁବେଳେ ନିରାପଦ, ସୁସ୍ଥ ଜୀବନ ଯାପନ କରିବା ପ୍ରୟାସ କରିବା | କେନ୍ଦ୍ର ସରକାର ଙ୍କ ନୀତିନିୟମ ଦ୍ୱାରା ସାରା ଦେଶରେ ପୋଷଣ ପାୱାଡା ସଚେତନ କାର୍ଯ୍ୟକ୍ରମ ପାଳନ କରଯାଉଛି | ଆମେ ଶରୀରକୁ ସୁସ୍ଥ ସବଳ ରଖିବାକୁ ସମ୍ପୂର୍ଣ ମାତ୍ରା ରେ ପୋଷଣ ଯୁକ୍ତ ଖାଦ୍ୟ ବ୍ୟବହାର କଲେ ସୁସ୍ଥ ଶରୀର ଗଠନ ହୋଇପାରିବ ବୋଲି ଅଭିଭାବକ, ଗର୍ଭବତୀ ମା, କିଶୋରୀ ଓ ପ୍ରସୂତି ମା ମାନଙ୍କୁ ଖାଦ୍ୟ ମାଧ୍ୟମରେ ସଚେତନତା କରଯାଇଥିଲା | ପୁଷ୍ଟିକର ଖାଦ୍ୟ ଖାଇଲେ ଆମ ଶରୀରରେ କୌଣସି ରୋଗ ର ଶିକାର ହୋଇ ପାରିବା ନାହିଁ | ଭାରତୀୟ ଜାତୀୟ ପତାକା ତିନୋଟି ରଙ୍ଗ ଥାଏ, ସେମିତି ବିଭିନ୍ନ ପ୍ରକାର ଫଳ, କଞ୍ଚା ପନିପରିବା, ଖାଇବାକୁ ବିଭିନ୍ନ ଉଦାହରଣ ମାଧ୍ୟମରେ ଉପସ୍ଥିତ ଥିବା ସମସ୍ତ ଅଭିଭାବକ, ଗର୍ଭବତୀ ମା , ପ୍ରସୂତି, ଓ କିଶୋରୀ ମାନଙ୍କୁ ବୁଝାଇ ଥିଲେ | ଏହି କାର୍ଯ୍ୟକ୍ରମ ରେ ଲେଡି ସୁପରଭାଇଜର, ଦୁରମତୀ ଶବର, ଭାନୁମତି ଭୋଇ , କୈକେଇ ନିଆଲ, ସଜନୀ ବୈଠାରୁ  ରତ୍ନମାଳା ନିଆଲ, ଜୈମନୀ ନିଆଲ, ପଦ୍ମତୋଳା ସରାଫ, ହୃଦାସିନୀ ମାଝୀ, ହିରେ ବିଶି, ଧରିତ୍ରୀ ବାଗ, ଓଶାବତୀ ନିଆଲ, ତୁଳସେ ମାଝୀ, ଉର୍ମିଳା ବଞ୍ଜରା, ପଦ୍ମା ବଞ୍ଜରା, ହିମାଦ୍ରୀ ମାଝୀ, ଧନମତୀ ବାଗ, ରଶ୍ମିତା ମାଝୀ, ସତ୍ୟଭାମା ମାଝୀ, କୁମାରୀ ମାଝୀ, ଓ ଅଭିଭାବକ ,କିଶୋରୀ ପ୍ରମୁଖ ସହଯୋଗ କରିଥିଲେ | ଶେଷରେ ସିଙ୍ଗଝର ସେକ୍ଟର ର ସୁପର ଭାଇଜର ସମସ୍ତଙ୍କୁ ଧନ୍ୟବାଦ ଦେଇ ଥିଲେ l