15-Apr-2025

ବଲାଙ୍ଗୀର, ତା. ୧୫/୦୪ (ପ୍ରେରଣା ଖବର):  ବଲାଙ୍ଗୀର ଜିଲ୍ଲା  ତୁରେକେଲା ବ୍ଲକ ଅନ୍ତର୍ଗତ  ପିଏମ୍ ଶ୍ରୀ ସରକାରୀ ବାଳିକା ଉଚ୍ଚ ବିଦ୍ୟାଳୟ, କଣ୍ଟାବାଞ୍ଜି ତରଫରୁ  ପ୍ରାଥମିକ ଚିକିତ୍ସା ତାଲିମ ଶିବିର ଅନୁଷ୍ଠିତ ହୋଇଯାଇଛି। ପ୍ରଧାନ ଶିକ୍ଷୟିତ୍ରୀ ଶ୍ରୀଯୁକ୍ତ ଅଶୋକ କୁମାର ତରିଆ କାର୍ଯ୍ୟକ୍ରରେ  ସଭାପତିତ୍ବ କରିଥିଲେ। କାର୍ଯ୍ୟକ୍ରମରେ  ଫାଷ୍ଟ ଏଡ଼ର ରାମ ନାରାୟଣ ଦାଶ,  ପ୍ରଭାକର ଛନ୍ଦ, ଦୁର୍ଯୋଧନ ପଶାୟତ ସାଧନ କର୍ମୀ ଭାବେ ଯୋଗଦେଇ ଶିକ୍ଷାର୍ଥୀ, ଶିକ୍ଷକ, ଶିକ୍ଷୟିତ୍ରୀ ମାନଙ୍କୁ ତାଲିମ ପ୍ରଦାନ କରିଥିଲେ। ହଠାତ୍ ମୂର୍ଚ୍ଛା ହେବା, ରୋକୋଭରି ପୋଜିସନ, ସାପ କାମୁଡା,ଏବଂ ନିଆଁରୁ ରକ୍ଷା ପାଇବା ପାଇଁ ପ୍ରତିରକ୍ଷାତ୍ମକ ବ୍ୟବସ୍ଥା ତଥା ହାଡ଼ ଭଙ୍ଗା,ମୁଣ୍ଡ ଫଟା,ରକ୍ତସ୍ରାବର ତତ୍କାଳ ଚିକିତ୍ସା ଓ ବ୍ୟବସ୍ଥା ସମ୍ପର୍କରେ ଡେମଷ୍ଟେସନ ମାଧ୍ୟମରେ ଜୀବନ କୌଶଳ ଶିକ୍ଷା ପ୍ରଦାନ କରିଥିଲେ । କାର୍ଯ୍ୟକ୍ରମକୁ ଶିକ୍ଷକ ଉପେନ୍ଦ୍ର ଚନ୍ଦନ  ସଂଯୋଜନା କରିଥିଲେ। ଶିକ୍ଷକ ମଧୁସୂଦନ ପଟେଲ ,ମନୋଜ ମଲ୍ଲିକ,ଦ୍ଵିତୀୟା ମଲ୍ଲିକ, ସୁଧୀର କୁମାର ଶଗ୍ରିଆ, ସୁରେନ୍ଦ୍ର ମାଝୀ, ବିଦୁର ସିକା, ,ଶିକ୍ଷୟତ୍ରୀ ରାଜଶ୍ରୀ ପୂଜାରୀ, ତବସୁମ ଯାହାନ ବେଗମ୍, ସଂଗୀତା ଶେଠ୍, ଶେଫାଳୀ ପ୍ରଧାନ, କସ୍ତୁରୀ ମାଝୀ , ହେମିନ ଧରୁଆ, ନମିତା ପାଣିଗ୍ରାହୀ, ତରନେଶ୍ୱରି ଶବର,  ସମେତ ସମସ୍ତ କର୍ମଚାରୀ ଓ ଛାତ୍ରୀମାନେ ଉକ୍ତ କାର୍ଯ୍ୟକ୍ରମରେ ପୂର୍ଣ୍ଣ ସହଯୋଗ କରିଥିଲେ । ପରିଶେଷରେ  ବିଦ୍ୟାଳୟର ଜୁନିଅର ରେଡକ୍ରସ୍ ପରାମର୍ଶଦାତା ଶିକ୍ଷକ ଉପେନ୍ଦ୍ର ଚନ୍ଦନ ଧନ୍ୟବାଦ ଅର୍ପଣ କରିଥିଲେ।