18-Jan-2021

ବଲାଙ୍ଗୀର, (ସନ୍ତୋଷ କୁମାର ଠାକୁର)- ବଲାଙ୍ଗୀର ଘରୋଇ ସ୍କୁଲ କର୍ତ୍ତପକ୍ଷ ସଂଘର ଏକ ବୈଠକ ସଇଁତଳା ଶିକ୍ଷା ସଦନ ପରିସରରେ ସଭାପତି ରବିଚନ୍ଦ୍ର ଉଦ୍‌ଗାତାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା । ବୈଠକରେ ସଂଘର ଉପଦେଷ୍ଟା ମଣ୍ଡଳୀ ସଦସ୍ୟ ତଥା ଜେଆଇଟିଏମ୍ ର ଆଞ୍ଚଳିକ ନିର୍ଦ୍ଦେଶକ ପ୍ରଦୀପ ଷଡଙ୍ଗୀ, ଗୌତମ କ୍ଷେତୀ, ନିଖିଲ ଓଡ଼ିଶା ଘରୋଇ ସ୍କୁଲ କତ୍ତ୍‌ୃପକ୍ଷ ସଂଘର ଆବାହକ ଯୁଧିଷ୍ଟିର ଦାସ ଓ ସଂଘ ସଂପାଦକ ସୁରେନ୍ଦ୍ର ସାହୁ ପ୍ରମୁଖ ମଂଚାସୀନ ଥିଲେ । ଏହି ଅବସରରେ ଘରୋଇ ସ୍କୁଲ ଖୋଲିବା ସଂପର୍କିତ ବିଭିନ୍ନ ଆଲୋଚନା ହୋଇଥିଲା । ନିଷ୍ପତ୍ତି ଅନୁସାରେ ଆସନ୍ତା ଗଣତନ୍ତ୍ର ଦିବସ ପର୍ଯ୍ୟନ୍ତ କୌଣସି ଘରୋଇ ସ୍କୁଲ ଓ ହଷ୍ଟେଲ ଖୋଲାଯିବ ନାହିଁ, ସ୍କୁଲ ଖୋଲିବା ସମୟରେ କତ୍ତୃପକ୍ଷ ସ୍କୁଲ ଛାତ୍ରଛାତ୍ରୀଙ୍କ ଠାରୁ କୋଭିଡ ନେଗେଟିଭ ପ୍ରମାଣ ପତ୍ର ସଂଗ୍ରହ କରିବେ । ନିୟମ ଉଲ୍ଲଙ୍ଘନ କରୁଥିବା ସ୍କୁଲ ବିରୋଧରେ ସଂଘ କାର୍ଯ୍ୟାନୁଷ୍ଠାନ ଗ୍ରହଣ କରିବ । ସଂଘ ତରଫରୁ ଗଣିତ, ବିଜ୍ଞାନ ଓ ଇଂରାଜୀ ଅଲମ୍ପିୟାଦ ଆøାଜନ କରାଯିବ । ଷଷ୍ଠରୁ ଉର୍ଦ୍ଧ୍ୱ ଶ୍ରେଣୀ ଖୋଲାଯିବାକୁ ଅନୁମତି ଦେବା ପାଇଁ ଜିଲ୍ଲାପାଳଙ୍କୁ ଏକ ଦାବିପତ୍ର ପ୍ରଦାନ କରିବା ନେଇ ନିଷ୍ପତ୍ତି ହୋଇଥିଲା । ଶେଷରେ ସୁରେଶ ସାହୁ ଧନ୍ୟବାଦ ଦେଇଥିଲେ ।