30-Mar-2025

ଭୁବନେଶ୍ୱର : ଭାରତୀୟ ରେଡକ୍ରସ୍ ସୋସାଇଟି ଓଡ଼ିଶା ରାଜ୍ୟ ଶାଖାର ଅବୈତନିକ ସଚିବ ଶ୍ରୀ ଗଣେଶ ଚନ୍ଦ୍ର ପାତ୍ରଙ୍କ ତତ୍ତ୍ୱାବଧାନ ରେ ,  ଏକ ପାଞ୍ଚ ଦିନିଆ ଆନ୍ତଃରାଜ୍ୟ ଜୁନିୟର ରେଡକ୍ରସ ଶିକ୍ଷା ଓ ତାଲିମ ଶିବିର ନୀଳାଚଳ ପଲିଟେକ୍ନିକ୍ ଭୁବନେଶ୍ୱର ଠାରେ ଅନୁଷ୍ଠିତ ହୋଇଯାଇଅଛି।  ତାମିଲନାଡୁ, ଆନ୍ଧ୍ର ପ୍ରଦେଶ, ତେଲେଙ୍ଗାନା, ମଣିପୁର, ଉତ୍ତର ପ୍ରଦେଶ, ପଞ୍ଜାବ ଏବଂ ଓଡ଼ିଶା ଭଳି ବିଭିନ୍ନ ରାଜ୍ୟର ଜେଆରସି ପରାମର୍ଶଦାତା, ସ୍ୱେଚ୍ଛାସେବି ଏବଂ ରାଜ୍ୟ ଅଧିକାରୀମାନେ ଏହି କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ।  ଜାତୀୟ ସଂହତିକୁ ପ୍ରୋତ୍ସାହିତ କରିବା, ଭାରତର ସଂସ୍କୃତିକୁ ବୁଝିବା  ଏବଂ ସ୍ୱେଚ୍ଛାସେବକମାନଙ୍କ ମଧ୍ୟରେ ନେତୃତ୍ୱ ନେବାର ଦକ୍ଷତା ନିର୍ମାଣ କରିବା ଏହି ଶିବିରର ମୁଖ୍ୟ ଉଦ୍ୟେଶ୍ୟ ଥିଲା l ପାଞ୍ଚ ଦିନିଆ କାର୍ଯ୍ୟକ୍ରମରେ ଛାତ୍ରଛାତ୍ରୀମାନଙ୍କୁ ରେଡକ୍ରସର ଇତିହାସ, ବିପର୍ଯ୍ୟୟ ପରିଚାଳନା, ସନ୍ଧାନ ଏବଂ ଉଦ୍ଧାର, ପ୍ରାଥମିକ ଚିକିତ୍ସା, ବିଦ୍ୟାଳୟ ସୁରକ୍ଷା, ସଡ଼କ ସୁରକ୍ଷା, ସାଇବର ସୁରକ୍ଷା, ଏଚଆଇଭି ଏଡସ୍ ଇତ୍ୟାଦି ବିଭିନ୍ନ ବିଷୟ ଉପରେ  ପ୍ରଶିକ୍ଷଣ ଦିଆ ଯାଇଥିଲା। ଅଂଶଗ୍ରହଣକାରୀମାନେ ଓଡିଶା ରାଜ୍ୟର ସମୃଦ୍ଧ ଐତିହ୍ୟ ଜାଣିବା ପାଇଁ ଭଗବାନ ଜଗନ୍ନାଥ ମନ୍ଦିର, କୋଣାର୍କ ମନ୍ଦିର,  ଧଉଳି ସ୍ତୂପ ଇତ୍ୟାଦିର  ପରିଦର୍ଶନ ପାଇଁ ଯାଇଥିଲେ। ସେମାନେ  ନନ୍ଦନକାନନ ଯାଇ ବିଭିନ୍ନ ପ୍ରାଣୀ, ପକ୍ଷୀ, ସରୀସୃପ ଇତ୍ୟାଦି ବିଷରେ ବହୁ ତଥ୍ୟ ଗ୍ରହଣ କରିଥିଲେ । ବିଦାୟ ଦିବସରେ ପ୍ରବନ୍ଧ,  ଭାଷଣ, ରଙ୍ଗୋଲି, ଚିତ୍ରକଳା, ପ୍ରାଥମିକ ଚିକିତ୍ସା, ଗୋଷ୍ଠୀ ନୃତ୍ୟ, ଗୋଷ୍ଠୀ ଗୀତ, ପ୍ରଦର୍ଶନୀ ଭଳି ବିଭିନ୍ନ ପ୍ରତିଯୋଗିତା କରାଯାଇଥିଲା l ମେଜର ଡକ୍ଟର କଳ୍ପନା ଦାସ ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ ଏବଂ ଅଂଶଗ୍ରହଣକାରୀମାନଙ୍କୁ ନିସ୍ୱାର୍ଥପର ସେବାରେ ନିଜକୁ ହଜାଇ ଦେବାକୁ ପ୍ରେରଣା ଦେଇଥିଲେ। ମଣିପୁର ରାଜ୍ୟ ଶାଖାର ଅଧ୍ୟକ୍ଷ ଶ୍ରୀ ନରେନ୍ଦ୍ର ନିଙ୍ଗାମ୍ବା ମୁଖ୍ୟ ବକ୍ତା ଭାବରେ ଯୋଗ ଦେଇଥିଲେ ଏବଂ ଅଂଶଗ୍ରହଣକାରୀମାନଙ୍କୁ ପ୍ରେରଣା ଦେଇଥିଲେ। ନୈତିକ ମୂଲ୍ୟବୋଧକୁ ବୃଦ୍ଧି କରିବା ଏବଂ ଭଲ ମଣିଷ ସୃଷ୍ଟି କରିବା ପାଇଁ ରେଡକ୍ରସ୍ ହେଉଛି ସର୍ବୋତ୍ତମ ପ୍ଲାଟଫର୍ମ। ଶ୍ରେଷ୍ଠ ପ୍ରଦର୍ଶନକାରୀଙ୍କୁ ଟ୍ରଫି ପ୍ରଦାନ କରାଯାଇଥିଲା। ଶ୍ରେଷ୍ଠ ପରାମର୍ଶଦାତା, ସ୍ୱେଚ୍ଛାସେବକ ଏବଂ ରାଜ୍ୟମାନଙ୍କୁ ମଧ୍ୟ ସମ୍ମାନିତ କରାଯାଇଥିଲା। ଯୁବ ରେଡକ୍ରସ୍ ଅଧିକାରୀ ଡ଼ ରମେଶ ଚନ୍ଦ୍ର ବେହେରା ଅତିଥିମାନଙ୍କୁ ସ୍ୱାଗତ କରିଥିଲେl ନୀଳାଚଳ ପଲିଟେକ୍ନିକ୍ସ ସଚିବ ଶ୍ରୀ ସରୋଜ କୁମାର ସାହୁ ଅତିଥି ଭାବରେ ଯୋଗ ଦେଇଥିଲେ। ଜୁନିଅର ରେଡକ୍ରସ୍ ଅଧିକାରୀ ଶ୍ରୀ ଲକ୍ଷ୍ମଣ ସ୍ୱାଇଁ ପାଞ୍ଚ ଦିନିଆ ଶିବିର ରିପୋର୍ଟ ବର୍ଣ୍ଣନା କରିଥିଲେ। ଯୁବ ରେଡ଼କ୍ରସ ର ରାଜ୍ୟ ସଂଯୋଜକ ଡକ୍ଟର ଗୋପାଳ କୃଷ୍ଣ ମିଶ୍ର  କାର୍ଯ୍ୟକ୍ରମକୁ ସଂଯୋଜନା କରିଥିଲେ। ଡକ୍ଟର ସତ୍ୟ ନାରାୟଣ ହୋତା ଧନ୍ୟବାଦ ପ୍ରସ୍ତାବ ରଖିଥିଲେ। ଏହି କାର୍ଯ୍ୟକ୍ରମକୁ ସଫଳ କରିବାରେ ଶ୍ରୀ ଲିଲାପୁନିଆ ତିର୍ଥ ସ୍ୱାଇଁ , ଶ୍ରୀ ସୁରେନ୍ଦ୍ରନାଥ ସାମଲ, ରମା ରାଣୀ ସେନାପତି, ଶ୍ରୀ ବିନୟ ନାୟକ, ଶ୍ରୀ ପତିତପାବନ ନାୟକ ଏବଂ ରେଡ଼କ୍ରସର ଅନ୍ୟ କର୍ମଚାରୀ ମାନେ ଏହି କାର୍ଯ୍ୟକ୍ରମକୁ ସଫଳ କରିବାରେ ସାହାଯ୍ୟ କରିଥିଲେ।