17-Mar-2025

ବଲାଙ୍ଗୀର(ପ୍ରେରଣା ଖବର): ଆସନ୍ତା ଏପ୍ରିଲ ୦୬ ତାରିଖ ପବିତ୍ର ରାମ ନବମୀରେ 'ପ୍ରେରଣା' ର ୨୦ତମ  ସ୍ୱନକ୍ଷତ୍ର ଦିବସ ପାଳନ ହେବାକୁ ଯାଉଛି l ଏହା ପୂର୍ବରୁ ସାପ୍ତାହିକ 'ପ୍ରେରଣା' ପକ୍ଷରୁ ସ୍ଥାନୀୟ ଟାଉନ୍ ଗାର୍ଲସ୍ ହାଇସ୍କୁଲ ଠାରେ ମହିଳା ଓ ଛାତ୍ରୀ ମାନଙ୍କୁ ନେଇ ଏକ ରଙ୍ଗୋଲି ପ୍ରତିଯୋଗିତା ଅନୁଷ୍ଠିତ ହୋଇଯାଇଛି l ଏଥିରେ ବହୁ ଛାତ୍ରୀ ଓ ମହିଳା ଭାଗ ନେଇଥିଲେ l ପ୍ରେରଣା ର ସମ୍ପାଦକ ରଘୁ ନନ୍ଦନ ସିଂହଙ୍କ ପରିଚାଳନାରେ ଆୟୋଜିତ ଏହି ପ୍ରତିଯୋଗିତାରେ ବିଚାରକ ଭାବେ ଚିତ୍ରଶିଳ୍ପୀ ସତ୍ୟ ସିଂହଦେଓ, ଆଶାଲତା ସେଠୀ, ରଶ୍ମିତା ଡାକୁଆ, ମଦନ ଜୁଏଡ, ରଶ୍ମି ପାତ୍ର ପ୍ରମୂଖ ବିଚାରକ ଭାବେ ଯୋଗ ଦେଇ କୃତୀ ପ୍ରତିଯୋଗୀମାନଙ୍କ ନାମ ଘୋଷଣା କରିଥିଲେ l ସ୍କୁଲର ପ୍ରଧାନଶିକ୍ଷକ ନରେନ୍ଦ୍ର ମିଶ୍ର, ସନ୍ଦୀପ କୁମାର କୁଆଁର ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ l ଆଜିର ସମସ୍ତ କୃତୀ ପ୍ରତିଯୋଗୀ ମାନେ ଆସନ୍ତା ଏପ୍ରିଲ ୦୬ ତାରିଖ ସନ୍ଧ୍ୟାରେ ସ୍ଥାନୀୟ ସାମ୍ବାଦିକ ଭବନ ଠାରେ ଅନୁଷ୍ଠିତ 'ପ୍ରେରଣା' ୨୦ତମ ସ୍ଵନକ୍ଷତ୍ର ଦିବସରେ ପୁରସ୍କୃତ ହେବେ l ଠିକ୍ ସେହିପରି ଆସନ୍ତା ମାର୍ଚ୍ଚ ୨୨ତାରିଖ ଶନିବାର ଦିନ ସ୍ଥାନୀୟ ପତିତପାବନ ଏକାଡେମୀ ଠାରେ ପ୍ରଥମ ଶ୍ରେଣୀ ଠାରୁ ଦଶମ ଶ୍ରେଣୀର ଛାତ୍ରଛାତ୍ରୀ ମାନଙ୍କୁ ନେଇ ବକ୍ତୃତା ପ୍ରତିଯୋଗୀତା ଅନୁଷ୍ଠିତ ହେବ l ଏହି ପ୍ରତିଯୋଗିତାରେ ବହୁ ସଂଖ୍ୟାରେ ଛାତ୍ରଛାତ୍ରୀ ଅଂଶଗ୍ରହଣ କାରିବାକୁ ପ୍ରେରଣର ସମ୍ପାଦକ ରଘୁ ନନ୍ଦନ ସିଂହ ଅନୁରୋଧ କରିଛନ୍ତି l