17-Mar-2025

ବରଗଡ଼:(ନିରଞ୍ଜନ ତ୍ରିପାଠୀ)-ଆୟୁଷ୍ମାନ ଆରୋଗ୍ୟ ମନ୍ଦିର ପୁରେନା ଠାରେ ଜନ ଆରୋଗ୍ୟ ସମିତି ପୁରେନା ଆନୁକୁଲ୍ୟରେ ଏବଂ ଗୋଷ୍ଠୀ ସ୍ଵାସ୍ଥ୍ୟ ଅଧିକାରୀ ପୁରେନା ଶ୍ରୀଯୁକ୍ତ ଦୀପକ କୁମାର ସାହୁଙ୍କର ପ୍ରତ୍ୟକ୍ଷ ତତ୍ବାବଧାନରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଏହି ଶିବିର କୁ ପଦ୍ମପୁର ରକ୍ତ ଭଣ୍ଡାରରୁ କର୍ମଚାରୀ ଆସି ସର୍ବମୋଟ ୨୩ ୟୁନିଟ ରକ୍ତ ସଂଗ୍ରହ କରିଛନ୍ତି । ଏହି ଶିବିରକୁ ପୁରେନା ଗ୍ରାମ ପଞ୍ଚାୟତ ର ସରପଞ୍ଚ ତଥା ଜନ ଆରୋଗ୍ୟ ସମିତି ପୁରେନା ର ଅଧ୍ୟକ୍ଷା ଶ୍ରୀମତୀ ଡଲି ବେହେରା ମୁଖ୍ୟ ଅତିଥି ଭାବରେ ଯୋଗଦାନ କରି ଉଦ୍ଘାଟନ କରିବା ସହିତ ରକ୍ତଦାତା ମାନଙ୍କୁ ପ୍ରଶଂସା ପତ୍ର ପ୍ରଦାନ କରିଥିଲେ । ଶ୍ରୀମତୀ ଡଲି ବେହେରାଙ୍କ  କରକମଳରେ ଆୟୁଷ୍ମାନ ଆରୋଗ୍ୟ ମନ୍ଦିର ପୁରେନା କୁ ଆସୁଥିବା ରୋଗୀଙ୍କୁ ସଚେତନ କରିବା ପାଇଁକି ଏକ ନୂତନ ସ୍ମାର୍ଟ ଟିଭି ର ଶୁଭାରମ୍ଭ କରିଥିଲେ ।‌ ରକ୍ତଦାନ ଶିବିରରେ ଗୋଷ୍ଠୀ ସ୍ଵାସ୍ଥ୍ୟ ଅଧିକାରୀ ପୁରେନା ଦୀପକ କୁମାର ସାହୁ ଏବଂ ତାଙ୍କର ଧର୍ମପତ୍ନୀ ଶ୍ରୀମତୀ ଫରିତା ସା ପ୍ରଥମେ ରକ୍ତଦାନ କରିଥିଲେ ତା ସହିତ ଶ୍ରୀମତୀ ପିଙ୍କି ସାହୁ (MPHW ପୁରେନା), ଜିତେନ୍ଦ୍ର ପଟେଲ ( ଗୋଷ୍ଠୀ ସ୍ଵାସ୍ଥ୍ୟ ଅଧିକାରୀ ଲୋହାରପାଲି) ହେମଚନ୍ଦ୍ର ମହାନନ୍ଦ ( ଗୋଷ୍ଠୀ ସ୍ବାସ୍ଥ୍ୟ ଅଧିକାରୀ ଲଖମରା), ଚୂଡାମଣି ଭୁଏ ( ଗୋଷ୍ଠୀ ସ୍ବାସ୍ଥ୍ୟ ଅଧିକାରୀ ବାଦିକଟା), ଶ୍ରୀମତୀ କଲ୍ୟାଣୀ ସାହୁ( ଅଙ୍ଗନୱାଡ଼ି କର୍ମୀ ବୁଧାପାଲି) ଏବଂ ତାଙ୍କର ସ୍ଵାମୀ ଶ୍ରୀଯୁକ୍ତ ଧୀରେନ୍ଦ୍ର ନାୟକ,ପୁରେନା ଗ୍ରାମର ସଞ୍ଜୀବ ବେହେରା ( ସରପଞ୍ଚ ପ୍ରତିନିଧି), ଗୋବିନ୍ଦ ଭୋଇ, ରେବନ୍ତ ସାହୁ,ସୁଜିତ୍ କୁମାର ସାହୁ,ନବୀନ କାଲୁ , ବଗାଇଯୁରି ଗ୍ରାମର ଛନ୍ଦା ଚରଣ ବିଶ୍ଵାଳ, ତେଜବନ୍ତ ଭୋଇ, ଆନନ୍ଦ ସାହା, ଯୁଗେଶ୍ୱର ବାରଲେଣ୍ଡିଆ, ମୋତିଲାଲ ପ୍ରଧାନ, ଅନିଲ ସାହା, ବିନାୟକ ବିଶ୍ଵାଳ, ରବୀନ୍ଦ୍ର ପୋଢ଼, ରୂପକ ସାହୁ, କ୍ଷିରୋଦ୍ର ସାହୁ ମଧ୍ୟ ରକ୍ତଦାନ କରିଥିଲେ ଏବଂ  ଅନ୍ୟମାନଙ୍କୁ ପ୍ରେରଣା ଯୋଗାଇ ସ୍ୱଇଛା ରେ ରକ୍ତଦାନ କରିବାକୁ ବାର୍ତ୍ତା ଦେଇଥିଲେ । ଶିବିରରେ ସମ୍ମାନିତ ଅତିଥି ଭାବରେ ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ର ଜମଲା ର ଡା. ଆଦିତ୍ୟ ଭୋଇ, ଡ଼ା. ଲୋକପାଳ ଭୋଇ, ଶ୍ରୀଯୁକ୍ତ ଶିବପ୍ରସାଦ ବେହେରା (PHEO), ଶ୍ରୀଯୁକ୍ତ ମନୋରଞ୍ଜନ ସାହୁ ( MPHS), ଶ୍ରୀଯୁକ୍ତ ସଞ୍ଜୟ ବଢେଇ ଯୋଗଦାନ କରି ଜନ ଆରୋଗ୍ୟ ସମିତି ପୁରେନା ର ଏହି ପ୍ରୟାସ କୁ ପ୍ରଶଂସା କରିଥିଲେ ।