07-Mar-2025

ବରୀ ଶିକ୍ଷା ମଣ୍ଡଳ ଅଧୀନ ରତ୍ନଗିରି ପଞ୍ଚାୟତରେ ଥୂବା ବିଦ୍ୟାଳୟମାନଙ୍କରେ ଚଳିତ ଥର ମଧ୍ୟାହ୍ନ ଭୋଜନ ପାଇଁ ଦିଆଯାଇଥିବା ଚାଉଳରେ ପୋକ ସାଲୁବାଲୁ ହେଉଛନ୍ତି। ଏକାଧିକ ବିଦ୍ୟାଳୟର ପ୍ରଧାନଶିକ୍ଷକ ଏ ବିଷୟରେ ଆମେ ଲୋଚନା କରି ସମ୍ପୃକ୍ତ ଠିକାଦାରଙ୍କୁ  ଅବଗତ କରିଥିଲେ ମଧ୍ୟ ଆଜିକାଲି କହି ସେ ଦିନ ଗଡ଼ାଇ ଚାଲୁଛନ୍ତି । ଶେଷରେ ରତ୍ନଗିରି ପଞ୍ଚାୟତ ପଟଣାସ୍ଥିତ ସିଦ୍ଧେଶ୍ଵର ଉଚ୍ଚ ବିଦ୍ୟାଳୟର ଭାରପ୍ରାପ୍ତ ପ୍ରଧାନଶିକ୍ଷକ ହେମନ୍ତ କୁମାର ବିଶ୍ବାଳ ମଣ୍ଡଳ ଶିକ୍ଷାଧିକାରୀଙ୍କୁ ଲିଖିତ ଅଭିଯୋଗ କରିବା ସହ ଗୁରୁବାର ରୋଷେଇ ବନ୍ଦ ରଖିବାକୁ ଚିଠିରେ ଉଲ୍ଲେଖ କରିଛନ୍ତି। ସୂଚନାଯୋଗ୍ୟ ଗତ ୨୫ ତାରିଖରେ ଠିକାଦାର ଚାଉଳ ବଣ୍ଟନ କରିଥିଲେ। ପୁରୁଣା ପୋକ ଲଗା ଚାଉଳ ବଣ୍ଟନ ହୋଇଥିବା ଦେଖିବାକୁ ମିଳିଛି । ଏଭଳି ପୋକ ଥିବା ଚାଉଳ ବଣ୍ଟନ କରିବା ଓ ପ୍ରଧାନ ଶିକ୍ଷକମାନଙ୍କୁ ଆଜି କାଲି କହି କହି ସମଯ ଗଡ଼ାଇ ଚାଲିବା ପଛରେ  ଠିକାଦାରଙ୍କୁ ସହଯୋଗକରୁଛନ୍ତି ତାହା ପ୍ରଶ୍ନବାଚୀ ସୃଷ୍ଟି ହୋଇଛି। ତୁରନ୍ତ ଏହା ଉପରେ କାର୍ଯ୍ୟାନୁଷ୍ଠାନ ପାଇଁ ସାଧାରଣରେ ଦାବି ହେଉଛି l

(ରଞ୍ଜିତ ମହାନ୍ତି)