15-Feb-2025

ଅତାବିରା(ଆକାଶ ମିଶ୍ର): ବରଗଡ ଜିଲ୍ଲା ଅତାବିରା ଏନ ଏ ସି ସ୍ଥିତ ଲାଦର ପାଲି ସେବାଶ୍ରମ ସ୍କୁଲର ୭୭ ତମ ବାର୍ଷିକ ଉତ୍ସବ ଅନୁଷ୍ଠିତ  ହୋଇଯାଇଛି ।ସ୍କୁଲର ପ୍ରଧାନ ଶିକ୍ଷୟତ୍ରୀ ନମିତା ତ୍ରିପାଠୀଙ୍କ ଅଧ୍ୟକ୍ଷତା  ରେ ଅନୁଷ୍ଠିତ କାର୍ଯ୍ୟକ୍ରମରେ  ଅତିରିକ୍ତ ଜିଲ୍ଲା ମଙ୍ଗଳ ଅଧିକାରୀ ଇପ୍ସିତା ନନ୍ଦ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ଅତାବିରା ବ୍ଲକ ସମ୍ପ୍ରସାରଣ ମଙ୍ଗଳ ଅଧିକାରୀ ଶୁଭମ୍ ମହାପାତ୍ର,ଲାଦର ପାଲି ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ହିମାଂଶୁ ଶେଖର ସାହୁ ପ୍ରମୁଖ ସମ୍ମାନିତ ଅତିଥି ଭାବରେ  ମାଞ୍ଚାସିନ ଥିଲେ। ଅତିଥି ମାନଙ୍କ ଦ୍ଵାରା ଗଜାନନ,

ବାଗ ଦେବୀ ସରସ୍ଵତୀଙ୍କ ତୈଳ ଫଟୋ ଚିତ୍ରରେ ଧୂପ, ଦୀପ ପୁଷ୍ପମାଲ୍ୟ ଅର୍ପଣ ପରେ ଛାତ୍ରୀ ମାନଙ୍କ ଦ୍ଵାରା ସ୍ବାଗତ ସଙ୍ଗୀତ ଗାନ କରାଯାଇ ଥିଲା ।ଶିକ୍ଷକ ଗଣେଶ ମିରିଗ ଅତିଥି ପରିଚୟ ସହ ମଞ୍ଚ ପରିଚାଳନା କରିଥିଲେ । ଅତିଥି ମାନେ ନିଜ ନିଜ ଅଭିଭାଷଣରେ କଠିନ ପରିଶ୍ରମ,ଶୃଙ୍ଖଳିତ ଆଚରଣ ଛାତ୍ରୀ ଜୀବନରେ ସଫଳତା ଆଣିବା ପାଇଁ ଦିଗ ଦର୍ଶନ ଦେଇ ଥିଲେ ।ବିଭିନ୍ନ କ୍ଷେତ୍ରରେ କୃତିତ୍ୱ ହୋଇଥିବା ୭୦ରୁ ଉର୍ଦ୍ଧ୍ବ

ଛାତ୍ରୀ ମାନଙ୍କୁ ଟ୍ରଫି, ମାନପତ୍ର ରେ ପୁରସ୍କୃତ କରାଯାଇଥିଲା ।ଶିକ୍ଷୟତ୍ରୀ ତୁଳସୀ ପ୍ରଧାନଙ୍କ ନିର୍ଦ୍ଦେଶନାରେ ସଙ୍ଗୀତ ,ନୃତ୍ୟ ପରିବେଷଣ ହୋଇଥିଲା ।କାର୍ଯ୍ୟକ୍ରମକୁ ଶିକ୍ଷୟତ୍ରୀ ପିନୋ ଲିୟୋନା ଦାଶ,ଭୂମି ସୂତା ସାହୁ, ଆଶା ପ୍ରଧାନ,ସମସ୍ତ କର୍ମଚାରୀ,ପରିଚାଳନା କମିଟିର ସମସ୍ତ କର୍ମକର୍ତ୍ତା, ଅଭିଭାବକ/ଆଭିଭାବିକ। ଗ୍ରାମବାସୀ ସକ୍ରିୟ ସହଯୋଗ କରିଥିବା ବେଳେ ପ୍ରଧାନ  ଶିକ୍ଷୟତ୍ରୀ ଶ୍ରୀମତୀ ତ୍ରିପାଠୀ ଧନ୍ୟବାଦ୍ ଅର୍ପଣ କରିଥିଲେ ।