14-Feb-2025

ଆଗଲପୁର, (ବିନୋଦ ଦୀପ) ଆଜି ବଲାଙ୍ଗୀର ଜିଲ୍ଲା ଆଗଲପୁର କଲ୍ୟାଣ ମଣ୍ଡପ ଠାରେ ବ୍ଲକ୍ କାର୍ଯ୍ୟାଳୟ ସ୍ଥାପନ କରାଯିବା ନେଇ ଏକ ସର୍ବ ଦଳୀୟ ବୈଠକ ଅନୁଷ୍ଠିତ ହୋଇଥିଲା l ଏହି ସର୍ବ ଦଳୀୟ ବୈଠକ କୁ ବଲାଙ୍ଗୀର ଜିଲ୍ଲା ଜିଲ୍ଲା ପରିଷଦ ଅଧ୍ୟକ୍ଷା ଶ୍ରୀମତୀ ଦେବକୀ ସାହୁ, ଆଗଲପୁର ବ୍ଲକ୍ ଅଧ୍ୟକ୍ଷା ଶ୍ରୀମତୀ ଗୀତାଞ୍ଜଳି ଦାସ, ବ୍ଲକ୍ ଉପାଧ୍ୟାକ୍ଷା ଶ୍ରୀମତୀ ନିରୁପମା ପଧାନ୍, ଆଗଲପୁର ଅଙ୍ଗ ଜଳସେଚନ ପ୍ରକଳ୍ପ ର ଅଧ୍ୟକ୍ଷ ଶ୍ରୀ ଆକାଶ ମିଶ୍ର, ଆଗଲପୁର ନାଗରିକ କମିଟି ର ସଦସ୍ୟ ଶ୍ରୀ ରାଧାକାନ୍ତ ନାୟକ ଓ ମାନ୍ୟବର ସାଂସଦ ଶ୍ରୀମତୀ ସଙ୍ଗୀତା ସିଂଦେଓ ଙ୍କ ପ୍ରତିନିଧି ଶ୍ରୀ ଉମେଶ ପଟେଲ୍ ଯୋଗ ଦେଇଥିଲେ l ଆଜିର ଏହି ସର୍ବ ଦଳୀୟ ବୈଠକ କୁ ପରିଚାଳନା କରିଥିଲେ ସମାଜସେବୀ ଶ୍ରୀ ପ୍ରଶାନ୍ତ ଭୋଇ। ସରକାରଙ୍କ ଘୋଷଣା ମୁତାବକ  ଆଗାମୀ ଦିନରେ ହେବାକୁ ଥିବା ବ୍ଲକ୍, ପଞ୍ଚାୟତ, ଏନ ଏ ସି, ଜିଲ୍ଲା ଗଠନ ପ୍ରକ୍ରିୟା କୁ ଦୃଷ୍ଟିରେ ରଖି ଆଗଲପୁର ଠାରେ ବ୍ଲକ୍ କାର୍ଯ୍ୟାଳୟ ସ୍ଥାପନ କରାଯିବା ପାଇଁ ଏକ ସର୍ବଦଳୀୟ ବୈଠକ ଅନୁଷ୍ଠିତ ହୋଇଥିଲା l ଆଗଲପୁର ନାମରେ ବ୍ଲକ୍ ର ନାମ ଥିବା ବେଳେ ଏହାର କାର୍ଯ୍ୟାଳୟ ଅନ୍ୟତ୍ର ଥିବାନେଇ ବୁଦ୍ଧିଯିବି ମାନେ କ୍ଷୋଭ ପ୍ରକାଶ କରିଥିଲେ l କେମିତି ଆଗକୁ ଆଗଲପୁର ଠାରେ ବ୍ଲକ୍ କାର୍ଯ୍ୟାଳୟ କରାଯାଇ ପାରିବ ସେ ବିଷୟରେ ବିସ୍ତୃତ ଭାବରେ ଆଲୋଚନା ହୋଇଥିଲା। ଏ ବିଷୟରେ ଆଗକୁ ଆହୁରି ଆଲୋଚନା, ପର୍ୟାଲୋଚନା, କରାଯାଇ ସରକାରଙ୍କୁ ପ୍ରସ୍ତାବ ଦିଆଯିବ ବୋଲି ଅତିଥି ମାନେ ନିଜ ନିଜ ମତାମତ ଦେଇଥିଲେ। ସର୍ବଦଳ ନିର୍ବିଶେଷରେ ସମସ୍ତେ ଏକତ୍ରିତ ହୋଇ ବ୍ଲକ୍ କାର୍ଯ୍ୟାଳୟ କେମିତି ଆଗଲପୁର ଠାରେ ହୋଇ ପାରିବ ସେ ନେଇ ସମସ୍ତେ ଏକତ୍ରିତ ହେବାକୁ ସମସ୍ତ ଅତିଥି ମାନେ, ତଥା ବୁଦ୍ଧି ଯିବି, ବରିଷ୍ଠ ନାଗରିକ ମଞ୍ଚ, ସମାଜ ସେବୀ ମାନେ ନିବେଦନ କରିଥିଲେ। ଏହି ସର୍ବ ଦଳୀୟ ବୈଠକ କୁ ନଅ ଟି ପଞ୍ଚାୟତ ର ସରପଞ୍ଚ, ସମିତି ସଭ୍ୟ ମାନେ ଉପସ୍ଥିତ ରହି ଆଲୋଚନା ରେ ଭାଗ ନେଇଥିଲେ। ଏ ଦିଗରେ ଆଗକୁ ଆହୁରି ଆଲୋଚନା କରା ଯାଇ ବ୍ଲକ୍ କାର୍ଯ୍ୟାଳୟ ସ୍ଥାପନ ସକାଶେ ସମସ୍ତେ ଏକତ୍ରିତ ହୋଇ ଆଗକୁ ବଢିବା ପାଇଁ ସ୍ଥିରୀକୃତ ହେଇଥିଲା l