10-Feb-2025

ବଲାଙ୍ଗୀର(ପ୍ରେରଣା ଖବର): ଆଜି ସ୍ଥାନୀୟ ପତିତପାବନ ଏକାଡେମୀ ଠାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ 'ପରୀକ୍ଷା ପେ ଚର୍ଚ୍ଚା'  କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଏଥିରେ ସ୍କୁଲର ସମସ୍ତ ଛାତ୍ର ଏଲ୍.ଇ.ଡି ଟିଭି ରେ ଲାଇଭ ଷ୍ଟ୍ରିମିଂ ମାଧ୍ୟମରେ ପ୍ରଧାନମନ୍ତ୍ରୀଙ୍କ ସାରଗର୍ଭକ ପରାମର୍ଶ ଶୁଣିଥିଲେ l ପରୀକ୍ଷାକୁ ସାମନା କରିବା ପୂର୍ବରୁ ଛାତ୍ରଛାତ୍ରୀ ମାନେ ଚାପମୁକ୍ତ ହୋଇ ପରୀକ୍ଷା କେନ୍ଦ୍ରକୁ ଯିବା ଉଚିତ୍ l ଜଣେ ଶିକ୍ଷାର୍ଥୀଙ୍କ ପାଇଁ ପରୀକ୍ଷାରେ କେବଳ ନମ୍ଵର୍ ହିଁ ସବୁକିଛି ନୂହେଁ ନିଜର ଅନ୍ତର୍ନିହିତ ପ୍ରତିଭାର ବିକାଶ ପାଇଁ ଛାତ୍ରଛାତ୍ରୀ ମାନେ ଚେଷ୍ଟା କରିବା ଉଚିତ୍ ବୋଲି ପ୍ରଧାନମନ୍ତ୍ରୀ ଶ୍ରୀ ମୋଦୀ ପରାମର୍ଶ ଦେଇଥିଲେ l ଆସନ୍ତା ଦିନରେ ସାମନା କରିବାକୁ ଯାଉଥିବା ବିଭିନ୍ନ ପରୀକ୍ଷାରେ ଛାତ୍ରଛାତ୍ରୀ ମାନଙ୍କ ପାଇଁ ଏହି  'ପରୀକ୍ଷା ପେ ଚର୍ଚ୍ଚା'  କାର୍ଯ୍ୟକ୍ରମ ବିଶେଷ ସହାୟକ ହୋଇପାରିବ ବୋଲି  ସ୍କୁଲର ପ୍ରଧାନ ଶିକ୍ଷୟିତ୍ରୀ ଅଂଶୁପା ଭୋଇ ନିଜ ପ୍ରତିକ୍ରିୟାରେ କହିଛନ୍ତି  l  ଆଜିର ପରୀକ୍ଷା ପେ ଚର୍ଚ୍ଚା  କାର୍ଯ୍ୟକ୍ରମ ରେ ସ୍କୁଲରଶିକ୍ଷୟିତ୍ରୀ ମଧୁମିତା ମିଶ୍ର, କେତକୀ ଭୋଇ,ସତ୍ୟଜିତ ବୁଡେକ, ମୁକେଶ ବନଛୋର, ସୁନୀତା ବିଶ୍ଵାଳ, ଟ୍ୱିଙ୍କଲ ସାହୁ, କମଳିନୀ ନାଥ, ଅନାନ୍ୟl ମିଶ୍ର,ସସ୍ମିତା ମିଶ୍ର, ଖୁସବୁ ବେଗମ୍, ସୌମ୍ୟl ତେଣ୍ଡାକର, ସୁଜ୍ଞାନୀ ସବର୍,ଅନୀଲ ସରଭଙ୍ଗ ପ୍ରମୁଖ ଉପସ୍ଥିତ ଥିଲେ l