09-Feb-2025

ଅତାବିରା(ଆକାଶ ମିଶ୍ର): ଆଜି ସୁଦୂର ବାଲେଶ୍ଵର ଜିଲ୍ଲା ବେତନଟୀ ବ୍ଲକର ବାଲେଶ୍ଵର ସୀମାନ୍ତରେ ଥିବା ଭଗବାନପୁର ଗ୍ରାମର  ମହାପାତ୍ର ବୈଠକ ବଙ୍ଗଳାରେ ବଣମଲ୍ଲୀ ସାହିତ୍ଯ ପରିଷଦର ସପ୍ତମ ବାର୍ଷିକ ଉତ୍ସବ ଓ ସାରସ୍ଵତ ସମାରୋହ ତଥା କବିତା ପାଠୋତ୍ସବ ଅନୁଷ୍ଠିତ ହୋଇ ଯାଇଛି। ଏହି ଅବସରରେ ବରଗଡ ଜିଲ୍ଲା ଅତାବିରା ବ୍ଲକ୍ ଅନ୍ତର୍ଗତ ପଞ୍ଚାୟତ ଉଚ୍ଚ ବିଦ୍ୟାଳୟ ,ଟୋପ ର ବିଜ୍ଞାନ  ଶିକ୍ଷୟିତ୍ରୀ , ପ୍ରକୃତ ବନ୍ଧୁ , ସମାଜସେବୀ ତଥା କବୟିତ୍ରୀ ଅନୁସୂୟା ଦେବତାଙ୍କୁ ବଣମଲ୍ଲୀ  ଶିକ୍ଷା ଗୌରବ ସମ୍ମାନ ରେ ସମ୍ବର୍ଦ୍ଧିତ  କରା ଯାଇଥିଲା । ନିଜର କାର୍ଯ୍ୟଦକ୍ଷତା, ସାମାଜିକ ପ୍ରତିବଦ୍ଧତା,ଛାତ୍ର ଛାତ୍ରୀଙ୍କ ପ୍ରତି ସ୍ନେହ ପ୍ରବଣତା, ପ୍ରକୃତି ପ୍ରେମୀ ତଥା ସମାଜ

ସେବା ମୂଳକ ବିଭିନ୍ନ କ୍ଷେତ୍ରରେ  ପାରଦର୍ଶିତା  ଯୋଗୁଁ ସେ ବିଭିନ୍ନ  ସରକାରୀ ତଥା ବେସରକାରୀ  ଅନୁଷ୍ଠାନ ରୁ ପୁରସ୍କୃତ  ହୋଇଛନ୍ତି।ତାଙ୍କର ଏହି ସମସ୍ତ ପ୍ରତିଭାକୁ ସମ୍ମାନ ଜଣାଇ ବାଲେଶ୍ଵର ଜିଲ୍ଲାର ଦ୍ଵିତୀୟ ସର୍ବ ପୁରାତନ ସାହିତ୍ୟ ଅନୁଷ୍ଠାନ ବଣମଲ୍ଲୀ ସାହିତ୍ୟ ସଂସଦ ପକ୍ଷରୁ ତାଙ୍କୁ ଶିକ୍ଷା ଗୌରବ ସମ୍ମାନ ପ୍ରଦାନ କରାଯାଇଛି। ଏହି  କାର୍ଯ୍ୟକ୍ରମରେ  ନୀଳମଣି ମହାବିଦ୍ୟାଳୟର ଅଧ୍ୟକ୍ଷ ଡ଼ଃ ତପନ କୁମାର ବେହେରା ଙ୍କ ସଭାପତିତ୍ବରେ ଉଦ୍ଘାଟକ ସମାଜସେବୀ ଭଗବାନ ମହାପାତ୍ର,ମୁଖ୍ଯ ଅତିଥି କଥାକାର ସରୋଜିନୀ ରଥ, ମୁଖ୍ୟବକ୍ତା ଡ଼ଃ କାଳୀପଦ ପଣ୍ଡା, ସମ୍ମାନିତ ଅତିଥି ଉଦଳା ଏନ୍ଏ ସିର ଅଧ୍ଯକ୍ଷା ଶ୍ରୀମତୀ ପ୍ରମିଳା ପଣ୍ଡା, ସମୀକ୍ଷକ ଡ଼ଃ ପ୍ରଦୀପ୍ତ କୁମାର ମିଶ୍ର,ସମ୍ମାନିତ ଅତିଥି ସମୟଚକ୍ର ର ସମ୍ପାଦକ ସର୍ବେଶ୍ଵର ଜେନା, ସଭାପତି ପ୍ରଭାତ କୁମାର ଆଚାର୍ଯ୍ୟ ପ୍ରମୁଖ  ମଞ୍ଚାସିନ ରହିଥିଲେ। ସାହିତ୍ୟ ଜାତୀୟ ଜୀବନର ପ୍ରତିଚ୍ଛବି,ଏକ ସମୟଖଣ୍ଡର ସତ୍ଯଶୀଳ ଇତିହାସକୁ ଚିତ୍ରଣ କରି ଅତୀତ, ବର୍ତ୍ତମାନ ଓ ଭବିଷ୍ୟତ ସହ ସଂଯୋଗୀକରଣ କାର୍ଯ୍ଯ କରିଥାଏ ବୋଲି ମଞ୍ଚାସିନ ଅତିଥି ମାନେ ମତବ୍ୟକ୍ତ କରିଥିଲେ। ଏହି ଅବସରରେ ବାର୍ଷିକ ମୁଖପତ୍ର "ବଣମଲ୍ଲୀର ମହକ"ଲୋକାର୍ପଣ କରାଯିବା ସହ ଅନୁଷ୍ଠାନର ସଭାପତି ପ୍ରଭାତ କୁମାର ଆଚାର୍ଯ୍ୟଙ୍କ ଲିଖିତ ସୁବର୍ଣ୍ଣଶ୍ରୀ ପ୍ରକାଶିନୀ ଦ୍ଵାରା ପ୍ରକାଶିତ "ଆସ ଥରେ ବୁଲିଯିବା"କବିତା ଗ୍ରନ୍ଥ ଉନ୍ମୋଚନ ହୋଇଥିଲା।କବି ମଧୁସୂଦନ ମିଶ୍ର, ଡ଼ଃ ତାନଶ୍ରୀ ପାଣିଗ୍ରାହୀଙ୍କ କବିତା ସଂଯୋଜନାରେ ୭୦ ରୁ ଅଧିକ କବି କବିତା ପାଠ କରିଥିଲେ। ସମ୍ପାଦକୀୟ ବିବରଣୀ ହିମାଂଶୁ ଶେଖର ଜେନା ପାଠ କରିଥିଲେ। ସ୍ଵାଗତ ନୃତ୍ୟ ସୁହାନୀ ସାଇ ଜେନା ଓ ସ୍ଵାଗତ ସଙ୍ଗୀତ ଦିବ୍ଯାଙ୍ଶୀ ଜେନା ଗାନ କରିଥିଲେ।ବିଭିନ୍ନ କ୍ଷେତ୍ରରେ ପ୍ରତିଭା ଧାରୀ ମାନଙ୍କୁ ସମ୍ବର୍ଦ୍ଧନା କରାଯାଇଥିଲା। ଏହି ସାରସ୍ଵତ ଉତ୍ସବରେ ଓଡିଶାର ବିଭିନ୍ନ ଜିଲ୍ଲା   ତଥା ପଶ୍ଚିମ ବଙ୍ଗ ରୁ କବି ଓ ଲେଖକ ଗଣ ଯୋଗଦେଇ ସମ୍ପୂର୍ଣ୍ଣ ଗ୍ରାମ୍ୟ ପରିବେଶରେ,ବନ୍ଧୁମିଳନ  ସହ ସାହିତ୍ୟ ଆଲୋଚନାର ଖୁବ୍ ଆନନ୍ଦ ଅନୁଭବ କରିଥିଲେ।ଶେଷରେ ସହ ସମ୍ପାଦିକା କବିତା ଦାସ ଧନ୍ୟବାଦ ଅର୍ପଣ କରିଥିଲେ।ଏହି ଖବର ପାଇ ଜିଲ୍ଲା ତଥା ବିଭିନ୍ନ ଜିଲ୍ଲାର ର  ଶିକ୍ଷକ ଶିକ୍ଷୟିତ୍ରୀ ତଥା ସାରସ୍ବତ ସ୍ରଷ୍ଟା ମାନେ ଶ୍ରୀମତୀ ଦେବତାଙ୍କୁ ଅଭିନନ୍ଦନ ଓ ଶୁଭେଚ୍ଛା ଜଣାଇଛନ୍ତି ।