09-Feb-2025

ବଲାଙ୍ଗୀର(ଦେବାଶିଷବହିଦାର): ଆଜି ବଲାଙ୍ଗୀର ଜିଲ୍ଲାରେ କାର୍ଯ୍ୟରତ ଓକିଲ ମାନଙ୍କ ମଧ୍ୟରେ ଏକ ବନ୍ଧୁତ୍ଵ ପୂର୍ଣ୍ଣ କ୍ରିକେଟ୍ ମ୍ୟାଚ୍ ସ୍ଥାନୀୟ ଗାନ୍ଧୀ ଷ୍ଟାଡିୟମ୍ ଠାରେ ଅନୁଷ୍ଠିତ ହୋଇଯାଇଛି l ଓକିଲ ମାନଙ୍କ ମଧ୍ୟରେ ତିନୋଟି ଟିମ  ଯଥା ଟିମ୍ 'ଏ', ଟିମ୍ 'ବି'  ଓ ଟିମ୍  'ସି' ଗଠନ କରାଯାଇ ଖେଳ ଆରମ୍ଭ ହୋଇଥିଲା l ପ୍ରଥମେ ଟିମ୍ 'ଏ'  ଓ ଟିମ୍ 'ବି' ମଧ୍ୟରେ ଖେଳ ଆରମ୍ଭ ହୋଇଥିଲା l ଏଥିରେ ଟିମ୍ 'ବି' ପରାସ୍ତ ହୋଇଥିଲା l ପରେ ଆଉ ଗୋଟିଏ ମ୍ୟାଚ  ଟିମ୍ 'ବି' ଓ ଟିମ୍ 'ସି' ମଧ୍ୟରେ ଅନୁଷ୍ଠିତ ହୋଇ ଟିମ୍ 'ବି'  ବିଜୟ ଲାଭ କରିଥିଲା  l ଫାଇନାଲ ମ୍ଯାଚ ଟିମ୍ ଏ  ଓ ଟିମ୍ ବି  ମଧ୍ୟରେ ଅନୁଷ୍ଠିତ ହୋଇଥିଲା l ନିର୍ଦ୍ଧାରିତ ୦୬ ଓଭରରେ ଟିମ୍ 'ଏ', ର ଖେଳାଳୀ ୫୨ରନ୍ କରିବାରେ ସଫଳ ହୋଇଥିଲେ l ଏହାର ଜବାବରେ ଗ୍ରୁପ୍ 'ବି' ଦଳ ୫୩ ରନ୍ କରି ଗୋଟିଏ ରନ୍ ରେ  ଟିମ୍ ଏ ଦଳକୁ ପରାସ୍ତ କରିଥିଲେ l ଟିମ୍ 'ଏ' ଦଳର କ୍ୟାପ୍ଟେନ ଦାୟିତ୍ଵ ସୁବାଷ ବେହେରା ତୁଲାଇ ଥିବା ବେଳେ ଟିମ୍ 'ବି'  ଦଳ ରେ ବିଜୟ ରଥ ଓ ଟିମ୍ 'ସି' ଦଳ ପାଇଁ ନିଳାଦ୍ରୀ ସିଂହ କ୍ୟାପ୍ଟେନ ଦାୟିତ୍ଵ ତୁଲାଇଥିଲେ l  ଟିମ୍ ଏ  ର ନାନୁ ୧୭ ରନ୍ କରି ସର୍ବୋଚ୍ଚ ସ୍କୋରର ଘୋଷିତ ହୋଇଥିବା ବେଳେ ଟିମ୍ 'ବି' ର ସମୀର ଦାସ ୩୦ ରନ୍ କରି  ସର୍ବୋଚ୍ଚ ସ୍କୋରର ଆଖ୍ୟା ପାଇଥିଲେ l ଆଜିର ଏହି କ୍ରିକେଟ୍ ମ୍ୟାଚ ରେ ଜିଲ୍ଲା ର ବହୁ ଓକିଲ ଓ କ୍ରିକେଟ୍ ପ୍ରେମୀ ଯୋଗ ଦେଇଥିଲେ l