09-Feb-2025

ବଲାଙ୍ଗୀର(ପ୍ରେରଣା ଖବର): ଭାରତୀୟ ମଜଦୁର ସଂଘ, ରାଜ୍ୟ ବିଧି ପ୍ରକୋଷ୍ଠର ପ୍ରଥମ ରାଜ୍ୟସ୍ତରୀୟ ସମ୍ମିଳନୀ ଭୁବନେଶ୍ଵରର ସ୍ଥିତ କୁଲାନ ଭାଇ ଭବନ ଠାରେ ଅନୁଷ୍ଠିତ ହୋଇଯାଇଛି l ଏଥିରେ ରାଜ୍ଯ ଆଇନ,ପୂର୍ତ୍ତ ଓ ଅବକାରୀ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ ଯୋଗ ଦେଇ ପ୍ରଦୀପ ପ୍ରଜ୍ଜ୍ଵଳନ ପୂର୍ବକ ସମ୍ମିଳନୀକୁ ଉଦଘାଟନ କରିଥିଲେ l ଏହି ଅବସରରେ ଲିଗlଲ୍ ସେଲ୍ ର ଲୋଗୋ ଉନ୍ମୋଚିତ ହୋଇଥିଲା l ଅନ୍ୟତମ

ଅତିଥି ଭାବରେ ଓଡ଼ିଶା ରାଜ୍ଯ ଆଇନ କମିଶନର ସଦସ୍ୟ ସୌର ଚନ୍ଦ୍ର ମହାପାତ୍ର, ଓଡିଶା ହାଇକୋର୍ଟର ଡେପୁଟି ସଲିସିଟର ଜେନେରାଲ ପ୍ରସନ୍ନ କୁମାର, ଭାରତୀୟ ମଜଦୁର ସଂଘର ରାଜ୍ୟ ସାଧାରଣ ସମ୍ପାଦକ ପୃଥ୍ୱୀରାଜ ପଣ୍ଡା, ଭାରତୀୟ ମଜଦୁର ସଂଘ, ଲିଗାଲ ସେଲ୍ ର ରାଜ୍ୟ ସଂଯୋଜକ ରମାକାନ୍ତ ସାହୁ ପ୍ରମୁଖ ମଞ୍ଚାସୀନ ଥିଲେ l ଏହି ଅବସରରେ ବି. ଏମ୍. ଏସ୍  ଷ୍ଟେଟ୍ ଲିଗlଲ ସେଲ୍ ବଲାଙ୍ଗୀର ଶାଖାର ଅଧ୍ୟକ୍ଷ  ଆଇନଜୀବୀ ବାଳକୃଷ୍ଣ ଷଡଙ୍ଗୀଙ୍କୁ ରାଜ୍ଯ ସମ୍ପାଦକ ଭାବେ ମନୋନୀତ  କରାଯାଇଛି l ଠିକ୍ ସେହିପରି

ଅଶୋକ ରାଉତ  ଲିଗlଲ ସେଲ୍ ବଲାଙ୍ଗୀର ଶାଖାର ଉପସଭାପତି, କରୁଣାକର ଷଡଙ୍ଗୀ ସାଧାରଣ ସମ୍ପାଦକ, ନରେନ୍ଦ୍ର ବେହେରା କୋଷାଧକ୍ଷ ଭାବେ ମନୋନୀତ ହୋଇଛନ୍ତି l ଏହି ସମ୍ମିଳନୀରେ ବଲାଙ୍ଗୀରରୁ ହିମାଂଶୁ ନାଏକ, ମନୋରଞ୍ଜନ ପୃଷେଠ୍, ସଂଜୀବ ନାଏକ, ମଞ୍ଜୁଶ୍ରୀ ଭୋଇ ଓ ସ୍ମିତାଞ୍ଜଳି ମିଶ୍ର ପ୍ରମୁଖ ଯୋଗଦେଇ ଆଲୋଚନାରେ ଅଂଶଗ୍ରହଣ କରି ଥିଲେ l