09-Feb-2025

ଲୋଇସିଂହା (ପ୍ରେରଣା ଖବର): ଗତ ୬ତାରିଖରେ ବଲାଙ୍ଗୀର ଜିଲ୍ଲା ଲୋଇସିଂହା ବ୍ଲକ ଅନ୍ତର୍ଗତ ରତାଖଣ୍ଡି ଉନ୍ନୀତ ହାଇସ୍କୁଲରେ ବବଜା କ୍ଲଷ୍ଟରର କ୍ଲଷ୍ଟରସ୍ତରୀୟ ନିପୁଣ ମେଳା ଅନୁଷ୍ଠିତ ହୋଇଯାଇଛି । ମୁଖ୍ୟ ଅତିଥି ରୂପେ ଗୋଷ୍ଠୀ ଶିକ୍ଷା ଅଧିକାରିଣୀ ସୁଶ୍ରୀ ରୀନା କୁମାରୀ ବେହେରା ଯୋଗ ଦେଇ ଥିବା ବେଳେ ସମ୍ମାନିତ ଅତିଥି ରୂପେ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ଟଙ୍କଧର ଭୋଇ, ମୁଖ୍ୟବକ୍ତା ବବଜା ସ୍କୁଲ୍ ପ୍ରଧାନ ଶିକ୍ଷକ ରାହାସ ବିହାରୀ ପଟେଲ, ରତାଖଣ୍ଡି ସରପଞ୍ଚ ହିମାଞ୍ଚଳ ମେହେର,ସମସ୍ତ ସି. ଆର୍.ସି.ସି, ଏସ.ଏମ.ସି ସଭାପତି ତଥା କମିଟି ମେମ୍ବର ଯୋଗ ଦେଇ କାର୍ଯ୍ୟକ୍ରମକୁ ସଫଳ କରିଥିଲେ l

ସମ୍ଭୁପ୍ରସାଦ ସାଇ ପଟେଲ ମଞ୍ଚ ପରିଚାଳନା କରି ଥିଲେ । ସଭାପତିତ୍ବ ଶିକ୍ଷୟିତ୍ରୀ ସୁଭଦ୍ରା କୁମ୍ଭାର ତୁଲାଇଥିବା ବେଳେ ସି.ଆର୍.ସି.ସି. ଶରତ କୁମାର ପଧାନଙ୍କ ପ୍ରତ୍ୟକ୍ଷ ତତ୍ତ୍ଵାବଧାନ ରେ କାର୍ଯ୍ୟକ୍ରମ ପରିଚାଳିତ ହୋଇଥିଲା । ସାକ୍ଷରତା ଓ ସଂଖ୍ୟାଜ୍ଞାନ ଉପରେ ୧୦ଟି ସ୍କୁଲର ଛାତ୍ରଛାତ୍ରୀ ମାନେ ଶିକ୍ଷଣ ସମଗ୍ରୀମାନ ପ୍ରସ୍ତୁତ କରି ଆଣିଥିଲେ । ଶେଷରେ ସଭାପତି ଧନ୍ୟବାଦ୍ ଅର୍ପଣ କରି କାର୍ଯ୍ୟକ୍ରମ ସମାପ୍ତି ଘୋଷଣା କରିଥିଲେ ।