09-Feb-2025

ଆଗଲପୁର, (ବିନୋଦ ଦୀପ) ଆଞ୍ଚଳିକ ସାଧନା କେନ୍ଦ୍ର ସ୍ତରୀୟ ନିପୁଣ ଓଡିଶା ମେଳା 2024-25 ଝରଣିପାଲି ଠାରେ ଅନୁଷ୍ଠିତ ହୋଇଯାଇଛି l ଝରଣିପାଲି ସରକାରୀ ପ୍ରାଥମିକ ବିଦ୍ୟାଳୟ ଠାରେ ଅନୁଷ୍ଠିତ ଏହି କ୍ଲଷ୍ଟର ସ୍ତରୀୟ ମେଳାରେ ଝାରଣିପାଲି କ୍ଲଷ୍ଟର ଅନ୍ତର୍ଗତ ସମସ୍ତ ବିଦ୍ୟାଳୟ ରୁ 10 ଜଣ ଲେଖାଏଁ ପ୍ରଥମ, ଦ୍ଵିତୀୟ ଓ ତୃତୀୟ ଶ୍ରେଣୀର ଛାତ୍ରଛାତ୍ରୀ 10 ଜଣ ଲେଖାଏଁ ଅଭିଭାବକ, ଅଭିଭାବିକା ଜଣେ ଲେଖାଏଁ ଏଫଏଲଏନ ଶିକ୍ଷକ, ଶିକ୍ଷୟିତ୍ରୀ, ପଂଚାୟତ ପ୍ରତିନିଧି ଓ ବରିଷ୍ଠ ଶିକ୍ଷକଗଣ ଯୋଗ ଦେଇଥିଲେ l ଏହି ନିପୁଣ ଓଡିଶା ମେଳରେ ମୁଖ୍ୟଅତିଥି ଭାବେ ଝରଣିପାଲି ସରପଞ୍ଚ ଶ୍ରୀମତୀ ସୁନିତା ସାହୁ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ସମିତିସଭ୍ୟ ଶ୍ରୀ ନରେଶ ସାହୁ ଯୋଗ ଦେଇଥିଲେ l ପ୍ରଧାନ ଶିକ୍ଷକ ଶ୍ରୀ ବିକ୍ରମ ପୁଟା ପ୍ରାରମ୍ଭିକ ସଭାରେ ସଭାପତିତ୍ୱ କରିଥିବା ବେଳେ ସ୍ଥାନୀୟ ସିଆରସିସି ଶ୍ରୀ ଅନିରୁଦ୍ଧ ଭୋଇ ଆୟୋଜନ କରିଥିଲେ ଏବଂ ସମଗ୍ର କାର୍ଯ୍ୟକ୍ରମ ର ପରିଚାଳନା, ନିପୁଣ ଭାରତ, ନିପୁଣ ଓଡିଶା ମିଶନ ର ଲକ୍ଷ୍ୟ ଜ୍ଞାପନ ଉଦ୍ଦେଶ୍ୟ କରି ଉପସ୍ଥିତ ଗୋଷ୍ଠୀ ଙ୍କୁ ସଚେତନ ବାର୍ତା ଜଣାଇଥିଲେ l ଏହି ଅବସରରେ ପ୍ରଥମେ ନିପୁଣ ଓଡିଶା ଥିବା ଗୀତ ଓ ନିପୁଣ ଭାରତ ମିଶନ ଶପଥ ପାଠ, ଅଭିଭାବକ, ଶିକ୍ଷକ, ଶିକ୍ଷୟିତ୍ରୀ ମାନେ କରିଥିଲେ l ଗୋଷ୍ଠୀ ର ପ୍ରତିନିଧି ମାନେ ନିପୁଣ ଓଡିଶା କାର୍ଯ୍ୟକ୍ରମ ର ଗୁରୁତ୍ୱ ସମ୍ପର୍କରେ ଅଭିଭାଷଣ ପ୍ରଦାନ କରିଥିଲେ l ପରେ ସମସ୍ତ ବିଦ୍ୟାଳୟ ଦ୍ୱାରା କରାଯାଇଥିବା ବେଷ୍ଟ ପ୍ରାକ୍ଟିସ ସାକ୍ଷରତା ଷ୍ଟଲ, ସଂଖ୍ୟା ଜ୍ଞାନ ଷ୍ଟଲ, ସୃଜନାତ୍ମକ କାର୍ଯ୍ୟକଳାପ ଷ୍ଟଲ ମତାମତ ଷ୍ଟଲ କୁ ପରିଦର୍ଶନ କରାଯାଇଥିଲା l ପଂଚାୟତ ପ୍ରତିନିଧି ଓ ଅଭିଭାବକ ଗୋଷ୍ଠୀ ନିଜ ନିଜର ମତାମତ ମଧ୍ୟ ଦେଇଥିଲେ l ଏହି ସମଗ୍ର କାର୍ଯ୍ୟକ୍ରମ ର ସଫଳ ଆୟୋଜନ ପାଇଁ କ୍ଲଷ୍ଟର ର ସମସ୍ତ ପ୍ରଧାନ ଶିକ୍ଷକ ଏବଂ ଶିକ୍ଷକ ଶ୍ରୀ ପ୍ରମୋଦ କୁମାର ସାହୁ, ଶ୍ରୀ ଦୟାନନ୍ଦ ସାହୁ, ଶ୍ରୀ ପ୍ରଶାନ୍ତ କୁମାର ପଧାନ, ଶ୍ରୀ ରାଘବ ଚନ୍ଦ୍ର ସାହୁ, ଶ୍ରୀମତୀ ଭାଗ୍ୟବତୀ ସାହୁ, ସୁଶ୍ରୀ ସୁଷମା ସାହୁ, ଶ୍ରୀମତୀ ରାଜକୁମାର ବରିହା, ଶ୍ରୀମତୀ ତନୁଜା କୁମୁରା ପ୍ରମୁଖ ସକ୍ରିୟ ସହଯୋଗ ଓ ଷ୍ଟଲ ପରିଚାଳନା କରିଥିଲେ l ଶ୍ରୀକୋଦଣ୍ଡ ବିଶ୍ୱାଳ ଧନ୍ୟବାଦ ଅର୍ପଣ କରିଥିବା ବେଳେ ଶେଷରେ ଅଂଶଗ୍ରହଣକାରି ସମସ୍ତ ଛାତ୍ରଛାତ୍ରୀ ଙ୍କୁ ଶିକ୍ଷଣ ସହାୟକ ସାମଗ୍ରୀ, ବର୍ଣ୍ଣବୋଧ ଓ ପ୍ରମାଣପତ୍ର ବଣ୍ଟନ କରାଯାଇଥିଲା l