03-Feb-2025

ଆଦିବାସୀ ଅଧ୍ଯୁଷିତ ମୟୂରଭଞ୍ଜ ଜିଲ୍ଲାର ବାମନଘାଟୀ ଉପଖଣ୍ଡର ରାଇରଙ୍ଗପୁର ସହରସ୍ତ ବାଇଦାପୋଷି ଇନ୍ଦିରାପଡିଆ ଠାରେ ବାଇଦାପୋଷି କ୍ରୀଡା ସଂସଦ ଆନୁକୂଲ୍ଯରେ ୨୭ତମ ବାର୍ଷିକ କ୍ରୀଡା ଓ ନୃତ୍ଯ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି I ଏଥିରେ କ୍ରୀଡା ମଧ୍ଯରେ ଶିଶୁ ବାଳକବାଳିକାମାନଙ୍କର ୧୦୦ ମିଟର ଦୌଡ, ଟମାଟୋ ରେସ୍, ପଟାଟୋ ରେସ୍, ବାଳକବାଳିକାମାନଙ୍କର ୧୦୦ମିଟର ଦୌଡ,

୪୦୦ ମିଟର ଦୌଡ, ୮୦୦ ମିଟର ଦୌଡ, ସ୍ଲୋ ସାଇକେଲ ରେସ୍, ଜୁନିୟର ଓ ସିନିୟର ସାଧାରଣ ଜ୍ଞାନ, ବୟସ୍କମାନଙ୍କର ୧୬୦୦ ମିଟର ଦୌଡ, ମହିଳାମାନଙ୍କର ଜଳପୂର୍ଣ୍ଣ କଳସ ଦୌଡ, ମୁରୁଜ ପ୍ରତିଯୋଗିତା ହୋଇଥିଲା ବେଳେ ଡାଣ୍ଠାନାଚ, ଡ୍ରାମାନାଚ ଓ ଆଦିସୁସୁନ ନାଚ ପ୍ରତିଯୋଗିତା ଆୟୋଜିତ ହୋଇଥିଲା I ଏଥିରେ ମୁଖ୍ଯଅତିଥି ଭାବେ ରାଇରଙ୍ଗପୁର ମ୍ଯୁନିସିପାଲିଟି ଅଧ୍ଯକ୍ଷ ଅଭିଷେକ ପଟ୍ଟନାୟକ, ସମ୍ମାନିତ ଅତିଥି ରୂପେ ଉପଖଣ୍ଡ ଥାନାଧିକାରୀ ଗୋକୁଳାନନ୍ଦ ସାହୁ, ଶିକ୍ଷକ ତଥା ସାହିତ୍ଯିକ ରଞ୍ଜନ କୁମାର ନନ୍ଦ ପ୍ରମୁଖ ଯୋଗ ଦେଇ କ୍ରୀଡା ଉପରେ ବହୁ ମୂଲ୍ଯବାନ ବକ୍ତବ୍ଯ ଦେବା ପରେ ଅତିଥିଗଣ କ୍ରୀଡା କୃତୀ ପ୍ରତିଯୋଗୀମାନଙ୍କୁ ଆକର୍ଷଣୀୟ ପୁରସ୍କାର ଦେଇ ପୁରସ୍କୃତ କରିଥିଲା ବେଳେ ନାଚରେ ସୁନ୍ଦର ପ୍ରଦର୍ଶନ କରିଥିବା ଦଳଙ୍କୁ ଅର୍ଥରାଶି ପ୍ରଦାନ କରିଥିଲେ I ଏଥିରେ କମିଟୀର ସଭାପତି ତଥା ପୂର୍ବତନ ବିଧାୟକ ଶ୍ଯାମଚରଣ ହାଁସଦା, ସମ୍ପାଦକ ଜଗନ୍ନାଥ ବେହେରା,

କାର୍ଯ୍ଯକାରୀ ସଭାପତି ଦୂ୍ର୍ଯ୍ଯୋଧନ ବେହେରା, ଉପସଭାପତି କିଶୋର କୁମାର ରଜକ, ଗୋବିନ୍ଦ ସୋରେନ, ଜଗନ୍ନାଥ ମଲିକ, ଯୁଗ୍ମ ସମ୍ପାଦକ ଗୋବିନ୍ଦ ହେମ୍ବ୍ରମ, କାର୍ତ୍ତିକ ମହାକୁଡ, ରବୀନ୍ଦ୍ର ବେହେରା, ଗୋବିନ୍ଦ ବେହେରା, କୋଷାଧ୍ଯକ୍ଷ ଖଗେନ୍ଦ୍ର ବେହେରା ତଥା କାର୍ଯ୍ଯକାରୀ ସଦସ୍ଯଗଣ କ୍ରୀଡା ଓ ନୃତ୍ଯ ପରିଚାଳନାରେ ସାହାଯ୍ଯ ଓ ସହଯୋଗ କରିଥିଲେ I ଉକ୍ତ ପାରମ୍ପରିକ କ୍ରୀଡା ଓ ନୃତ୍ଯ ପ୍ରତିଯୋଗିତାରେ ଭାଷ୍ଯକାର ଭାବେ ଦୁର୍ଗାଚରଣ ମହାନ୍ତ ଯୋଗ ଦେଇ କ୍ରୀଡାପ୍ରତିଯୋଗୀ ଓ ନୃତ୍ଯଦଳମାନଙ୍କୁ ଉତ୍ସାହିତ କରିଥିଲେ I ଏଥିରେ ସ୍ଥାନୀୟ ଓ ଦୁରଦୂରାନ୍ତରରୁ ଲୋକମାନଙ୍କର ଭିଡ ବହୁ ସଂଖ୍ଯାରେ ଦେଖିବାକୁ ମିଳିଥିଲା I 

(ମୟୂରଭଞ୍ଜ ରାଇରଙ୍ଗପୁରରୁ ଶ୍ଯାମଳେନ୍ଦୁ ପରିଡାଙ୍କ ରିପୋର୍ଟ)