22-Jan-2025

ବଲାଙ୍ଗୀର(ଦେବାଶିଷ ବହିଦାର): ପୁଇଁତଳା ବ୍ଲକ ଅନ୍ତର୍ଗତ ବିଲେଇସର୍ଡା ସ୍ଥିତ ଜବାହାରଲାଲ ହାଇସ୍କୁଲ ର 'ସବୁଜିମା' ଇକୋକ୍ଲବ ତରଫରୁ ଛୁଇବନ୍ଧ ଠାରେ ଆର୍ଦ୍ରଭୂମୀ ସଂପର୍କିତ କ୍ଷେତ୍ରଭୂମୀ ପରିଦର୍ଶନ କାର୍ଯ୍ଯକ୍ରମ ଅନୁଷ୍ଠିତ ହୋଇଯାଇଛି। ଏହି ଅବସରରେ ବିଦ୍ୟାଳୟର ପ୍ରଧାନଶିକ୍ଷକ ସ୍ବାଧିନ ସାହୁଙ୍କ ନେତୃତ୍ବରେ ବିଦ୍ୟାଳୟର ୫୦ଜଣ ଛାତ୍ରଛାତ୍ରୀ ଛୁଇବନ୍ଧ କୁ ଯାଇ  ଆର୍ଦ୍ରଭୂମୀ ମିତ୍ର ଭାବେ ଏହାର ଆବଶ୍ଯକତା ଓ  ସଂରକ୍ଷଣ ବିଷୟରେ ଜାଣିବା ସହ  ଆର୍ଦ୍ରଭୂମୀ ର ସଂରକ୍ଷଣ ପାଇଁ ଶପଥପାଠ କରିଥିଲେ। ବିଦ୍ୟାଳୟର ଇକୋକ୍ଲବ ଇନଚାର୍ଜ ରଞ୍ଜିତ ମିଶ୍ର ଆର୍ଦ୍ରଭୂମୀ ର ବ୍ଯବହାର ,ଉପଯୋଗିତା ,ଅବକ୍ଷୟ ତଥା ସଂରକ୍ଷଣ ବିଷୟରେ ଆଲୋକପାତ କରିଥିଲେ । ବିଦ୍ୟାଳୟର ସଂସ୍କୃତ ଶିକ୍ଷୟିତ୍ରୀ ସୁବାଷିନୀ ସେଠୀ ଧନ୍ୟବାଦ ଦେଇଥିଲେ।