22-Jan-2025

ବିନିକା(ହିମାଂଶୁ ଶେଖର ପୁଟେଲ): ବିନିକା ସିଦ୍ଧାର୍ଥ ଡିଗ୍ରୀ କଲେଜରେ ପଶ୍ଚିମଓଡିଶା ଇତିହାସ କଂଗ୍ରେସ ସେମିନାର ଅନୁଷ୍ଠିତ ହୋଇଯାଇଛି l କଲେଜ ଅଧ୍ୟକ୍ଷ ଡ଼ ଧୀରେନ୍ଦ୍ର କୁମାର ନାୟକଙ୍କ ସଭାପତିତ୍ତ୍ୱରେ ଅନୁଷ୍ଠିତ ଏହି ସେମିନାରରେ ସୁବର୍ଣ୍ଣପୁର ଉପ ଜିଲ୍ଲପାଳ ଡ଼ ସୌମ୍ୟ ରୂପା ରଥ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ମୁଖ୍ୟ ବକ୍ତା ସୋନପୁର କଲେଜ ପୂର୍ବତନ ଅଧ୍ୟକ୍ଷ ଡ଼ କେଦାରନାଥ ମିଶ୍ର, ସମ୍ମାନିତ ଅତିଥି ଭାବେ ସୁନ୍ଦରଗଡ ମହିଳା କଲେଜ ପୂର୍ବତନ ଅଧ୍ୟକ୍ଷ ତଥା ପଶ୍ଚିମ ଓଡିଶା ଉତିହାସ କଂଗ୍ରେସ ସଭାପତି ପ୍ରଫେସର ଗୌରୀ ଶଙ୍କର ପଟେଲ,ସୁନ୍ଦରଗଡ଼ ଇତିହାସ ମହିଳା କଲେଜ ତଥା ପଶ୍ଚିମ ଓଡିଶା ଇତିହାସ କଂଗ୍ରେସ ସମ୍ପାଦକ ଡ଼ ସାକୀର ହୁସେନ,ଶ୍ରୀ ରାମପୁର କଲେଜ ପୂର୍ବତନ ଅଧ୍ୟକ୍ଷ ରାମେଶ୍ୱର ନାଏକ, ଭୂତିଆପାଲି କଲେଜ ଅଧ୍ୟକ୍ଷ ସୁବାଶ ପଣ୍ଡା,ସୋନପୁର କଲେଜ ଇତିହାସ ଅଧ୍ୟାପକ ସୁଦାମ ଦୀପ, ବିନିକା ସେଣ୍ଟଭ୍ୟାଳି ହାଇସ୍କୁଲ ଶିକ୍ଷକ ତଥା ଗବେଷକ ସୁଦାମ ନାଏକ ପ୍ରମୁଖ ଯୋଗଦେଇ ପଶ୍ଚିମ ଓଡିଶାର ଧାର୍ମିକ ପରମ୍ପରା ଉପରେ ବିଷଦ ଭାବେ ଆଲୋଚନା କରିଥିଲେ l ସେହିପରି ବିଭିନ୍ନ ସ୍ଥାନର ପୁରାତନ ଐତିହ୍ୟ,ମନ୍ଦିର,ସ୍ତୁପ,ମୁଦ୍ରା ଓ ଐତିହାସିକ ସ୍ଥାନ ଯାହାକି ପ୍ରତ୍ତ୍ନତତ୍ତ୍ୱ ବିତ ମାନେ ଇତିହାସ ସକାଶେ ଲୋକ ଲୋଚନକୁ ଆଣିଛନ୍ତି ସେସବୁ ବର୍ତ୍ତମାନ ପି ପି ଟି ମଧ୍ୟମରେ କରାଯାଇଥିଲା l ଅନ୍ୟ ପକ୍ଷରେ ସୁବର୍ଣ୍ଣପୁର ଜିଲ୍ଲାର ବିଭିନ୍ନ ସ୍ଥାନରେ ରହିଥିବା ଏତିହାସିକ ପୃଷ୍ଠଭୁମି,ମନ୍ଦିର,ତୀର୍ଥସ୍ଥଳୀର ଇତିହାସ ଓ ତାର ଗବେଷଣା ଆଗାମୀ ଦିନରେ ଯେପରି ଟିକିନିକି ଭାବେ କରାଯିବ ଏବଂ ତାର ପ୍ରଚାର ପ୍ରସାର ହୋଇପାରିବ ସେ ଦିଗରେ ଅତିଥି ମାନେ ମତ ରଖିଥିଲେ l ଏହି ଅବସରରରେ ଯୁକ୍ତ 3 ଦ୍ଵିତୀୟ ବର୍ଷ ଛାତ୍ରୀ ଵିଧୁସ୍ମିତା ସାଣ୍ଢ ସୁନ୍ଦର ଭାବେ ସୁବର୍ଣ୍ଣପୁର ଇତିହାସ ଉପରେ ବକ୍ତବ୍ୟ ପ୍ରଦାନ କରିଥିଲେ l ସେମିନାର ପ୍ରାରମ୍ଭରେ

ଅଧ୍ୟାପକ ବିଶ୍ୱନାଥ ମିଶ୍ର,ଅଧ୍ୟାପିକା ଜାନକୀ ସାମନୀ,ଭାରତୀ ବାବୁ ଇତିହାସ ଉପରେ ସୁନ୍ଦର ସ୍ୱାଗତ ସଂଗୀତ ପରିବେଷଣ କରିଥିଲେ l ବିନିକା ସିଦ୍ଧାର୍ଥ ଡିଗ୍ରୀ କଲେଜ ଇତିହାସ  ବିଭାଗ ମୁଖ୍ୟ ଗୋପାଳ କୃଷ୍ଣ ଦାଶ ଅତିଥି ପରିଚୟ ଓ ସ୍ୱାଗତ ଭାଷଣ ପ୍ରଦାନ କରିଥିବା ବେଳେ ଇତିହାସ ବିଭାଗ ଅଧ୍ୟାପିକା ଦିପ୍ତୀରାଣୀ ସ୍ୱାଇଁ ଧନ୍ୟବାଦ ଅର୍ପଣ କରିଥିଲେ l ଅନୁଷ୍ଠିତ ଏହି କାର୍ଯ୍ୟକ୍ରମରେ ପଶ୍ଚିମ ଓଡ଼ିଶାର ବିଭିନ୍ନ କଲେଜର ଇତିହାସ ଅଧ୍ୟାପକ/ଅଧ୍ୟାପିକା, ଛାତ୍ରଛାତ୍ରୀ ଭାଗନେଇଥିଲେ l