06-Jan-2025

ବଲାଙ୍ଗୀର (ପ୍ରେରଣା ଖବର): ଆଜି ବଲାଙ୍ଗୀର ଜିଲ୍ଲାର ବେଲପଡା ବ୍ଲକର ଶତାଧିକ ତେଲି ଜାତିର ଶତାଧିକ ପୁରୁଷ ଓ ମହିଳାଙ୍କ ନୂତନ ବର୍ଷ ଉପଲକ୍ଷେ ବନ୍ଧୁମିଳନ ଉତ୍ସବ ବଡ଼ ଆଡମ୍ବରରେ ପାଳନ କରାଯାଇଛି l ଉକ୍ତ ଉତ୍ସବଟି ଜିଲ୍ଳା ଉପ ସଭାପତି ମହେଶ୍ୱର ସାହୁଙ୍କ ଅଧିକ୍ଷତରେ ପାଳିତ ହୋଇଥିଲା ଏବଂ ଜିଲ୍ଳା କମିଟିର ସଭାପତି ଉମାକାନ୍ତ ସାହୁ, ସମ୍ପାଦକ ପ୍ରଦୀପ ସାହୁ, ଉପ ସମ୍ପାଦକ ଫିରୋଜ ସାହୁ, କୋଷାଧକ୍ଷ ତ୍ରିନାଥ ସାହୁ, ବ୍ଲକ ସଭାପତି ଚୈତନ୍ୟ ସାହୁଙ୍କ ସହିତ ପାଟଣାଗଡ଼, ବେଲପଡା, ଖପ୍ରାଖୋଲ, ବଙ୍ଗୋମୁଣ୍ଡା, ସିନ୍ଧେକେଲା, ମୁରିବାହାଲ ବ୍ଲକର ସଭାପତି ଓ ସମ୍ପାଦକ ଏବଂ ବେଲପଡା ବ୍ଲକର ଶତାଧିକ ତୈଲିକ ବୈଶ୍ୟ ସମାଜର ଜନସାଧାରଣ ଯୋଗଦାନ କରିଥିଲେ l
ଏହି ଉତ୍ସବରେ ଜିଲ୍ଲାର ପ୍ରତ୍ୟେକ ଗ୍ରାମାଞ୍ଚଳରେ ବସବାସ କରୁଥିବା ତେଲି ଜାତିର ପରିବାରଙ୍କୁ ପଞ୍ଚାୟତ ସ୍ତରରେ ଯୋଗାଯୋଗ କରାଯିବା ଏବଂ ପ୍ରତ୍ୟେକ ବ୍ଲକରେ ତେଲି ସମାଜର କଲ୍ୟାଣ ମଣ୍ଡପ ନିର୍ମାଣ କରାଯିବ l ଜିଲ୍ଲାର ଶାନ୍ତିପଡ଼ା ଠାରେ କଲ୍ୟାଣ ମଣ୍ଡପ ତିଆରିରେ ଜିଲ୍ଲାର ସମସ୍ତ ତେଲି ଜାତିର ସଦସ୍ୟ ନିର୍ମାଣ କାର୍ଯ୍ୟରେ ସହଯୋଗୀ ହେବେ ଏବଂ ଆଗାମୀ ଦିନରେ ଜାତିର ଗର୍ଵ ଓ ଗୌରବ ବୃଦ୍ଧି କରାଯିବ ବୋଲି ବିଭିନ୍ନ ପଦାଧିକାରୀ ମତାମତ ଦେଇଥିଲେ ଏବଂ ଉପସ୍ଥିତ ସଦସ୍ୟ ସହମତ ହୋଇ କରତାଳି ଓ ହୁଳହୁଳି ଦେଇ ସ୍ୱାଗତ ଜଣାଇଥିଲେ l ଶେଷରେ ବ୍ଲକ ସମ୍ପାଦକ ପର୍ଶୁରାମ ସାହୁ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ l