06-Nov-2024

ଫୁଲବାଣୀ(କ୍ଷୀରୋଦ କୁମାର ସାହାଣୀଙ୍କ ରିପୋର୍ଟ ) ବିଶ୍ୱରତ୍ନ ବାବାସାହେବ ଡ଼ ଆମ୍ବେଦକରଙ୍କ ଆଗାମୀ ଡିସେମ୍ବର ୬ ରେ ମହାପ୍ରୟାଣ ବା ତିରୋଧାନ ଦିବସ ପାଳନ ନିମନ୍ତେ କନ୍ଧମାଳ ଜିଲ୍ଲାର ଅଗ୍ରଣୀ ସାମାଜିକ ସଂଗଠନ ଜାଗ୍ରତ କନ୍ଧମାଳ ଆଜି ଫୁଲବାଣୀ କୋର୍ଟ ଛକ ସ୍ଥିତ  ପ୍ରେସ କ୍ଲବ ରେ ସଂଗଠନ ସଭାପତି ଅରୁଣ ନାୟକଙ୍କ ସଭାପତିତ୍ବରେ  ଏକ ପ୍ରସ୍ତୁତି ବୈଠକ ଅନୁଷ୍ଠିତ ହେଇଯାଇଛି |

ଉକ୍ତ ବୈଠକରେ ସଂଗଠନର ସାଧାରଣ ସମ୍ପାଦକ ତଥା ବରିଷ୍ଠ ଆଇନଜୀବୀ ସମାଜସେବୀ ସତ୍ୟନାରାୟଣ ବେହେରା  ମହାପ୍ରୟାଣ ଦିବସ କାର୍ଯ୍ୟକ୍ରମ ଉପରେ ଆଲୋଚନା କରି ପ୍ରତେକ ବର୍ଷ ପରି ସରକାରଙ୍କ ନିକଟରେ କନ୍ଧମାଳ ଜିଲ୍ଲାର ଉର୍ନ୍ନତି ତଥା ଜିଲ୍ଲାବାସୀଙ୍କ ପାଇଁ ବିଭିନ୍ନ ଦାବି ସହିତ  ଓବିଶି  ସମ୍ପ୍ରଦାୟଙ୍କ ଉର୍ନ୍ନତି ନିମନ୍ତେ ଶିକ୍ଷା, ନିଯୁକ୍ତି, ରାଜନୀତିରେ ୫୨% ସ୍ଥାନ ସଂରକ୍ଷଣ, କିରାଣୀ, ଶିକ୍ଷକ, ଏଲ. ଆଇ, ଏ. ଏନ ଏମ, ପିଅନ ଡ୍ରାଇଭର, ପଂଚାୟତ ଅଫିସର ପ୍ରମୁଖ ପଦବୀରେ ନିଯୁକ୍ତିକୁ ଜିଲା ଭିତିକ କରାଯିବା, ଜ଼ିଲ୍ଲାରେଖାଲିଥିବା ପୋଲିସ ଅଫିସର, କନେଷ୍ଟବଳ, ପଦବୀ ପୂରଣ ବିଷୟରେ ଦାବି ଉପସ୍ଥାପନ କରାଯିବ, ଓ ଯେଉଁ ଅଂଚଳ ରେ ଯାହା ବି ସମସ୍ୟା ଅଛି ଆସନ୍ତା ୨୫ତାରିଖ ଭିତରେ ସଂଗଠନକୁ ଜଣେଇ ବାକୁ ଉପସ୍ଥିତ ସଦସ୍ୟ ମାନଙ୍କୁ ପରାମର୍ଶ ଦେଇଥିଲେ | ସଂଗଠନ ଉପଦେଷ୍ଟା କ୍ଷୀରୋଦ କୁମାର ସାହାଣୀ ଜାଗ୍ରତ କନ୍ଧମାଳ ର ନିଜସ୍ୱ ଜାଗା ଓ କାଯ୍ୟଳୟ ଉପରେ ଆଲୋଚନା କରିଥିଲେ ଓ ମାନ୍ୟବର ବିଧାୟକ ଓ ମାନ୍ୟବର ସାଂସଦଙ୍କ ଦୃଷ୍ଟି ଆକର୍ଷଣ କରିବାକୁ ପରାମର୍ଶ ଦେଇଥିଲେ, ସଂଗଠନର ଯୁଗ୍ମ ସମ୍ପାଦକ ସୋମନାଥ ନାୟକ ଅନୁସୂଚିତ ଜନଜାତି,  ସମ୍ପାଦକ ସୁବାସ ପଧାନ, ଅନୁସୂଚିତ ଜାତି, ସଭାପତି ହୃଷିକେଶ ବେହେରା, ଅନୁସୂଚିତ ଜାତି, ସମ୍ପାଦକ ମିଥୁନ ନାୟକ, କୋଷାଧକ୍ଷ ଶ୍ରୀମତୀ ମେନକା ଅର୍ଜଲୀ, ସଂଗଠନର ଟାଣୁଆ ମହିଳା ନେତ୍ରୀ କୁମୁଦିନୀ ବେହେରା,ଜି ଉଦୟଗିରି ସଭାପତି ଫିରୋଜ ଦିଗଲ. ଉପଦେଷ୍ଟା ତଥା ସିନେତାରକା ଜଳନ୍ଧର ବେହେରା, ଉପଦେଷ୍ଟା ତଥା ବରିଷ୍ଠ ଆଇନଜୀବୀ ଆଦିତ୍ୟ ତ୍ରିପାଠୀ, ସଦସ୍ୟ ଉମା ମୁଖି, ଅନ୍ତର୍ଯ୍ୟାମୀ ବେହେରା, ରୋହିତ ବେହେରା ଶିବ ଭୋଇ ଫୁଲବାଣୀ ମୁନିସିପାଲିଟି ସଭାପତି ଦିବାକର ଦିଗାଲ, ସରୋଜ ଡିଗାଲ , ସଂଗଠନ ଉପଦେଷ୍ଟା ତଥା ମିଡ଼ିଆ ଫୋରମ ର ସଭାପତି ଡ଼. ସୂର୍ଯ୍ୟ ନାରାୟଣ ବେହେରାଙ୍କ  ସମେତ ସମସ୍ତ ବରିଷ୍ଠ କାର୍ଯ୍ୟକର୍ତା ମାନେ ଉପସ୍ଥିତ ଥିଲେ | ଆଗାମୀ ମହାପ୍ରୟାଣ ଦିବସ ସୁଚାରୁରୂପେ ପାଳନ  ନିମନ୍ତେ ଏକ ଦଶଜଣିଆ କାର୍ଯ୍ୟକାରୀ କମିଟି ଗଠନ କରାଯାଇଥିଲା, ଉକ୍ତ କାର୍ଯ୍ୟକାରୀ କମିଟିର ସଦସ୍ୟ ମାନେ ହେଲେ ଜଳନ୍ଧର ବେହେରା, ସୁନୀଲ ବିଶ୍ୱାଳ, ରମେଶ ପଧାନ, କ୍ଷୀରୋଦ କୁମାର ସାହାଣୀ, ଫିରୋଜ ଦିଗଲ, ଡ଼. ସୂର୍ଯ୍ୟନାରାୟଣ ବେହେରା, ମୁରଲୀ ଡିଗାଲ ଙ୍କୁସର୍ବ ସଂମତି କ୍ରମେ ମନୋନୀତ କରାଯାଇଥିଲା | ଏହି କାର୍ଯ୍ୟକାରୀ କମିଟି ସଂଗଠନ ର ସଭାପତି, ସମ୍ପାଦକଙ୍କ

ସହିତ ସମନ୍ୱୟ ରଖି କାର୍ଯ୍ୟ କରିବ ବୋଲି ସଭାପତି ଅରୁଣ ଦେହୁରୀ ପରାମରଦେଇଥିଲେ ଆଗାମୀ ମହା ପ୍ରୟାଣ ଦିବସ କୁ ଅତି ଯାକ ଯକମ ରେ ପାଳନ କରିବା ପାଇଁ ଉପସ୍ଥିତ କର୍ମକର୍ତ୍ତା ମାନେ ସହଯୋଗ କରିବାକୁ ସହମତି ପ୍ରଦାନ କରିଥିଲେ | ବହୁ ଆଲୋଚନା ପରେ ଉପସ୍ଥିତ ସମସ୍ତ କର୍ମକର୍ତ୍ତା ମାନଙ୍କୁ ଯୁଗ୍ମ ସମ୍ପାଦକ ରମେଶ ପ୍ରଧାନ ଧନ୍ୟବାଦ ଅର୍ପଣକରିଥିଲେ |