05-Nov-2024

ବଲାଙ୍ଗୀର/ଦେଓଗାଁ(ପ୍ରେରଣା ଖବର)-ଭୀମଡୁଙ୍ଗୁରୀରେ ସ୍ୱାଧିନତାସଂଗ୍ରାମର ବୀରଗାଥା ରହିଛି । ଏହି ପାହାଡରେ କନ୍ଧମେଳିର ଧରମସିଂ ମାଝୀମାନଧାତା,ରେଣ୍ଡୋମାଝୀ,ଚକରା ବିଶୋଇ,ମଢକର ସାଏଙ୍କ ଭଳି ସଂଗ୍ରାମୀଙ୍କ ବୀରଗାଥା ରହିଛି । ଭୀମଡୁଙ୍ଗୁôରୀରେ ପରିବେଶ ସାଙ୍ଗକୁ ଐତିହ୍ୟ ଭରିରହିଛି ତେଣୁ ଏହାର ସଂରକ୍ଷଣ ଓ ସର୍ବେକ୍ଷଣର ଆବଶ୍ୟକତା ରହିଛି  ବୋଲି ଭୀମପାହାଡ ମହୋତ୍ସବର ଚତୁର୍ଥସଂଧ୍ୟାରେ ମୁଖ୍ୟଅତିଥି ଭାବରେ ଯୋଗଦେଇଥିବା ରାଜ୍ୟସଭା ସାଂସଦ ନିରଂଜନ ବିଶି କହିଛନ୍ତି । ସେ ଏହି ଅବସରରେ ଏଠାରେ ସର୍ବେକ୍ଷଣ ପାଇଁ କେନ୍ଦ୍ରପ୍ରତ୍ନତତ୍ୱବିଭାଗ, ଆଦିବାସୀ କଲ୍ୟାଣମନ୍ତ୍ରଣାଳୟ ଓ

ଜଙ୍ଗଲ ,ପରିବେଶ ବିଭାଗ ସହିତ ଆଲୋଚନା କରି ନୂତନ ପ୍ରକଲ୍ପ ଅଣାଯିବ ବୋଲି ମଧ୍ୟ କହିଥିଲେ । ଠିକ ସେହିପରି ମହୋତ୍ସବ ପେଣ୍ଡାଲ ପାଇଁ ୧୦ଲକ୍ଷ ଟଙ୍କା ମଧ୍ୟ ମଞ୍ଜୁର କରା ଯିବ ବୋଲି ପ୍ରତିଶୃତି ଦେଇଥିଲେ । କମିଟୀ ସଭାପତି ପ୍ରମୋଦ କୁମାର ବହିଦାରଙ୍କ  ସଭାପତିତ୍ୱରେ ଅନୁଷ୍ଠିତ ସଭା କାର୍ଯ୍ୟରେ ମହୋତ୍ସବ କମିଟୀର ଆବାହକ ଲକ୍ଷ୍ମଣ କୁମାର ମେହେର ଅତିଥି ପରିଚୟ ପ୍ରଦାନ ତଥା ସ୍ୱାଗତ ଭାଷଣ ପ୍ରଦାନ କରିଥିଲେ ।  ଡ. ସନ୍ଧ୍ୟାରାଣୀ ସାହୁ ଓ ମମତା ସିଂ ନିନାଙ୍କୁ ଭୀମପାହାଡ ସମ୍ମାନରେ ସମ୍ମାନୀତ କରାଯାଇଥିଲା । ସେହିପରି ପୂର୍ବତନ ବ୍ଲକଅଧ୍ୟକ୍ଷା ରୀନା ମେହେର, ପୂର୍ବତନ ସରପଞ୍ଚରବିନ୍ଦ୍ର ପଧାନ, ଭଗବତୀ କୁଅଁର , ପୂର୍ବତନ ସମିତି ସଭ୍ୟ ଶୁଶିଳ କୁମାର ଚାନ୍ଦ,ମେଣ୍ଡାର ବାରପାହାଢ ମହୋତ୍ସବ କମିଟିକୁ ସମ୍ବର୍ଦ୍ଧିତ କରାଯାଇଥିଲା । ପରେ  ବଲାଙ୍ଗିରର ଦୁଲଦୁଲି କଳାପରିଷଦ , ତୁଷୁରାର କୃଷ୍ଣପ୍ରୀୟା କଳାପରିଷଦ ସାନ ଓ ବଡ ଙ୍କ ଦ୍ୱାରା ଘୁଡୁକା ନୃତ୍ୟ, ସଇଁନ୍ତଲା

ବ୍ଲକ କୁମ୍ଭାରୀର ଡକା ନୃତ୍ୟ ପ୍ରଦର୍ଶିତ ହୋଇଥିଲା । ପ୍ରତ୍ୟହ ରବିନ୍ଦ୍ର ସାହୁ ଓ ସାଥିଙ୍କ ଦ୍ୱାରା କଂସ ଦରବାର , ୨୪ ପ୍ରହରୀ ନାମଯଜ୍ଞ ଓ ମିନାବଜାର ମୂଖ୍ୟ ଆକର୍ଷଣ ସାଜିଛି । କାର୍ଯ୍ୟକ୍ରମକୁ ମହୋତ୍ସବ କମିଟୀର ମୂଖ୍ୟଉପଦେଷ୍ଟା ଶୈଳେନ୍ଦ୍ର କୁମାର ସାହୁ, ସମ୍ପାଦକ ଗୋବର୍ଦ୍ଧନ ସାହୁ, କୋଷାଧ୍ୟକ୍ଷ ଅଭିମନ୍ୟୁ ମାଝୀ ତଥା ଗିରିଗୋବର୍ଦ୍ଧନ ପୂଜା ପରିଚାଳନା କମିଟୀ ତଥା ସ୍ଥାନୀୟ ଅଞ୍ଚଳବାସୀ ସହଯୋଗ କରୁଛନ୍ତି ।ମହୋତ୍ସବରେ ଜିଲ୍ଲା ତଥା ଜିଲ୍ଲା ବାହାରୁ ହଜାର ହଜାର ଲୋକଙ୍କ ସମାଗମ ହେଉଛି ।