25-Sep-2020

ଆଦର୍ଶ ମଣିଷ ସ୍ୱର୍ଗତ ରାଧେଶ୍ୟାମ ପୁରୋହିତ ଙ୍କ ଦ୍ୱାଦଶାହ କାର୍ଯ୍ୟ ରେ ସୁମନ ଅର୍ପଣ
ପଦ୍ମପୁର - 
ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ପାଇକମାଲ ଠାରେ ସ୍ୱର୍ଗତ ରାଧେଶ୍ୟାମ ପୁରୋହିତ ପବିତ୍ର ତିର୍ଥସ୍ଥଳୀ ନୃସିଂହନାଥ ମନ୍ଦିର ରାସ୍ତା ରେ ଦିର୍ଘ ଦିନରୁ ପୁରୋହିତ ହୋଟେଲ ଟିଏ ସର୍ବ ପ୍ରଥମେ ପ୍ରତିଷ୍ଠା କରିଥିଲେ l ଖାଦ୍ୟ ର ଋଚି ସତେ ଯେମିତି ମନ୍ଦିର ର ଭୋଗ ଭଳିଆ ଲାଗୁଥିଲା  । ସମସ୍ତ ଙ୍କୁ ଖଲି ଓ ଦନା ରେ ଖାଇବାକୁ ଦେଉଥିଲେ ତାହା ସବୁଦିନ ଚାଲି ଆସୁଥିଲା ।  ବ୍ୟଂଜନ ରେ ଆମ୍ବିଳ (ଲେଥା) ସବୁ ଦିନ ରହିଆସୁଥିଲାା ଯାହା ନିଜେ ପ୍ରସ୍ତୁତ କରୁଥିଲେ l ଖୁବ ଋଚିକର ଲାଗେ ପୁରୋହିତ ହୋଟେଲ ର ଆମ୍ବିଳ (ଲଥା) ତୁନ୍ ବୋଲି ଏଠି କି ଆସିଥିବା ଲୋକେ କହନ୍ତି l ୧୯୩୨ ମସିହାରେ ରାଧେଶ୍ୟାମ ବାବୁ ଜନ୍ମଗ୍ରହଣ କରିଥିଲେ l ମହାମାରୀ କରୋନା କୁ ଆଖି ଆଗରେ ରଖି କମ ଲୋକ ଙ୍କ ସମାଗମ ରେ ପଦ୍ମପୁର ପୂର୍ବତନ ବିଧାୟକ ତଥା ରାଜ୍ୟ ଭାରତୀୟ ଜନତା ଦଳ କୃଷକ ମୋର୍ଚ୍ଚା ର ସଭାପତି ଶ୍ରୀଯୁକ୍ତ ପ୍ରଦୀପ ପୁରୋହିତ ଙ୍କ ପିତା ସ୍ୱର୍ଗତ ରାଧେଶ୍ୟାମ ଙ୍କ ଦ୍ୱାଦଶାହ ଅବସର ରେ ବରଗଡ,ବିଜେପୁର,ସୋହେଲା,ପଦ୍ମପୁର,ଝାରବନ୍ଧ ତଥା ପାଇକମାଲ ଅଂଚଳ ରୁ ଅନେକ ମାନ୍ୟଗଣ୍ୟ ବ୍ୟକ୍ତି ସ୍ୱର୍ଗତ ରାଧେଶ୍ୟାମ ବାବୁ ଙ୍କ ଅମରଆତ୍ମା ର ସଦଗତି ପାଇଁ ପ୍ରାର୍ଥନା ସମେତ ଶ୍ରଦ୍ଧା ସୁମନ ଜ୍ଞାପନ ପୂର୍ବକ ସ୍ମତିଚାରଣ କରିଥିଲେ l ସ୍ୱର୍ଗତ ପୁରୋହିତ ଙ୍କ ନିର୍ମଳ ଭାବମୂର୍ତ୍ତି ସମଗ୍ର ବରଗଡ ଜିଲ୍ଲା ର ସମସ୍ତ ଙ୍କ ହୃଦୟ କୋଣ ରେ ଚିର ସ୍ମରଣୀୟ ଛବି ଭାବେ ସବୁଦିନ ପାଇଁ ରହିବା ସଙ୍ଗେସଙ୍ଗେ ତାଙ୍କର ଆତ୍ମିୟ ମନୋଭାବ ଓ ଲୋକ ଙ୍କ ପ୍ରତି ସ୍ନେହ ଶ୍ରଦ୍ଧାର ଡୋରି କୁ ମନେ ପକାଇ ବିଭିନ୍ନ ଅନୁଷ୍ଠାନ ଅନେକ ବୁଦ୍ଧିଜିବୀ ଏବଂ ଜନସାଧାରଣ ଙ୍କ ତରଫରୁ ଶ୍ରଦ୍ଧାଂଜଳୀ ଜ୍ଞାପନ କରାଯାଇଥିଲା  ।

ରିପୋର୍ଟ  - ନିରୋଜ କୁମାର ପାଣୀ