30-Sep-2024

ରେଙ୍ଗାଲିକ୍ୟାମ୍ପ,(ଆକାଶ ମିଶ୍ର)
ସ୍ବଚ୍ଛତା ପକ୍ଷ ପାଳନ ଅବସରରେ ଆଜି ଅତାବିରା ଏନ୍ ଏ ସି  ପକ୍ଷରୁ ଦୁଇଟି ପର୍ଯ୍ୟାୟରେ ନିଆରା ଢଙ୍ଗରେ ପାଳିତ ହୋଇ ଯାଇଛି । ପ୍ରଥମ ପର୍ଯ୍ୟାୟରେ  ୱାର୍ଡ ନଂ ୮   ଵୈମାନ ଟିକରା ସ୍ଥିତ କଲ୍ୟାଣ ମଣ୍ଡପ ରେ  ଏକ ସ୍ବାସ୍ଥ୍ୟ ପରୀକ୍ଷା  କରାଯାଇଥିଲା   ସାନିଟେଶନ କର୍ମୀ ମାନଙ୍କର ।  ଏଥିରେ   ୮୦  ଜଣଙ୍କର ରକ୍ତ ପରୀକ୍ଷା, ଶୁଗର୍  ଓ ରକ୍ତଚାପ ଆଦି ପରୀକ୍ଷା କରାଯାଇଥିଲା ।ଅତାବିରା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ର ଇନ୍  ଚାର୍ଜ  ଡଃ ରବିନାରାୟଣ ମିଶ୍ର ଓ ତାଙ୍କ ପରୀକ୍ଷା ଦଳ ର କର୍ମଚାରୀ ମାନେ ଏହି ସ୍ବାସ୍ଥ୍ୟ ପରୀକ୍ଷା କରିବା ସହ ଉନ୍ନତ ମାବର୍ ଔଷଧ ମାଗଣାରେ ଦେଇଥିଲେ । ସ୍ବଚ୍ଛତା ପକ୍ଷ ପାଳନ ର ଦ୍ଵିତୀୟ ପର୍ଯ୍ୟାୟ ରେ ସନ୍ଧ୍ୟା ୩ ଟା ରୁ ୪ ଟା ପର୍ଯ୍ୟନ୍ତ  ୱାର୍ଡ ନଂ ୯ ସ୍ଥିତ ହନୁମାନ ମନ୍ଦିର ସମ୍ମୁଖରେ ଓ ସନ୍ଧ୍ୟା ୬ ଟା ରୁ ୭ ଟା ପର୍ଯ୍ୟନ୍ତ  ୱାର୍ଡ ନଂ ୬ ଜଗନ୍ନାଥ ମନ୍ଦିର ପ୍ରାଙ୍ଗଣରେ  ନଟରାଜ କଳା ପରିଷଦ ର କଳାକାର ମାନଙ୍କ ଦ୍ବାରା ପଥପ୍ରାନ୍ତ ନାଟକ ମାଧ୍ୟମରେ ଜନ ସାଧାରଣଙ୍କୁ ସ୍ବଚ୍ଛତା ଉପରେ ସଚେତନ କରିଥିଲେ । ଏନ୍ ଏ ସି ଅଧ୍ୟକ୍ଷ ବନମାଳୀ ବରିହା ,  ଉପାଧ୍ୟକ୍ଷା  ଓ ସମସ୍ତ କାଉନସିଲର ତଥା ସମସ୍ତ ଏନ୍ ଏ ସି କର୍ମଚାରୀ ଏହି ସମସ୍ତ କାର୍ଯ୍ୟକ୍ରମରେ  ଉପସ୍ଥିତ ରହି ସକ୍ରିୟ ସହଯୋଗ କରିଥିଲେ ।