20-Sep-2024

କଳାହାଣ୍ଡି(ଦୁଷ୍ମନ୍ତ କୁମାର ପଣ୍ଡା): କଳାହାଣ୍ଡି ଜିଲ୍ଲାର ଲୋକପ୍ରିୟ ସମ୍ବଲପୁରୀ ଗାୟିକା ରୁକସାନା ବାନୋ ଙ୍କ ଚିକିତ୍ସାଧୀନ ଅବସ୍ଥାରେ ମୃତ୍ଯୁ ହେବା ପରେ ପରିବାର ଲୋକେ ହତ୍ୟା ଅଭିଯୋଗ ଆଣିଛନ୍ତି । ରୁକସାନା ସମଗ୍ର ଓଡ଼ିଶାରେ ସମ୍ବଲପୁରୀ ଆଲବମ ଗାୟିକା ଭାବରେ ଏକପ୍ରକାର ପ୍ରସିଦ୍ଧି ଲାଭ କରିଥିଲେ । ସମ୍ବଲପୁରୀ ଗାୟକ ରୁକୁ ସୁନା ଙ୍କ ସହିତ ଆଗରୁ ଅନେକ ଆଲବମ ଗୀତ ରେକର୍ଡିଂ କରିଥିବା ବେଳେ ଗତ କିଛି ଦିନ ତଳେ ରେକର୍ଡିଂ ପାଇଁ ଡ଼ାକରା ପାଇ ରୁକସାନା ବଲାଙ୍ଗୀର ଯାଇଥିଲେ । ସେଠାରେ ତାଙ୍କ ଦେହ ଖରାଫ ହେବା ପରେ ସେଠାରୁ ପରିବାର ଲୋକେ ଭୀମଭୋଇ ମେଡ଼ିକାଲ ଓ ପରେ ଭବାନୀପାଟଣା ଡାକ୍ତରଖାନା ରେ ଚିକିତ୍ସା କରି ଭଲ ନ ହେବାରୁ ବରଗଡ଼ ଓ ସେଠାରୁ ଭୁବନେଶ୍ଵର ସ୍ଥିତ ଏକ ଘରୋଇ ନର୍ସିଂ ହୋମ ରେ ଚିକିତ୍ସା ପାଇଁ ଭର୍ତ୍ତି କରିଥିଲେ । ସେଠାରେ ରୁକସାନା ବାନୋ ଙ୍କ ଚିକିତ୍ସାଧୀନ ଅବସ୍ଥାରେ ମୃତ୍ଯୁ ହେବା ପରେ ତାଙ୍କର ମୃତ୍ଯୁ କ୍ରମଶଃ ରହସ୍ୟ ଜନକ ହେବାରେ ଲାଗିଛି । ପରିବାର ଲୋକେ ସିଧା ସଳଖ ରୁକୁ ସୁନା ଓ ତାଙ୍କର ସହଯୋଗୀଙ୍କୁ  ରୁକସାନା ବାନୋ ଙ୍କ ମୃତ୍ଯୁ ପାଇଁ ସମ୍ପୂର୍ଣ୍ଣ ଦାୟୀ ବୋଲି ଅଭିଯୋଗ କରୁଛନ୍ତି । 
ଏପରିକି ରୁକସାନା ବାନୋ ନିଜର ଭାଇ ଭଳି ରୁକୁ ସୁନା କୁ ସମ୍ମାନ ଦେଉଥିବା ସହିତ ରାକ୍ଷୀ ବାନ୍ଧୁଥିବା ବେଳେ ରୁକୁ ସୁନା କିନ୍ତୁ ଭିନ୍ନ ନଜର ରେ ଦେଖୁଥିଲେ ବୋଲି ଅଭିଯୋଗ ହେଉଛି ।  ରୁକସାନା ବାନୋ ରାକ୍ଷୀ ବାନ୍ଧିବା ପରେ ସେଥିରେ ରାଗିଯାଇ ରୁକୁ ସୁନା ଚକ୍ରାନ୍ତ କରି ଆଲବମ ସୁଟିଂ ଓ ରେକର୍ଡିଂ ବାହାନା  କରି ରୁକସାନାକୁ ବଲାଙ୍ଗୀର ଡାକି ସେଠାରେ ଜୁଷ ରେ ବିଶ ମିଶାଇ ପିଆଇ ଦେଇଥିବା ପରିବାର ଲୋକେ ଅଭିଯୋଗ କରୁଥିବା ଜଣାପଡିଛି । ପରିବାର ଲୋକେ ଏ ନେଇ ପୋଲିସ ରେ କେଶ ଦେଇ ଉଚିତ ତଦନ୍ତ କରିବାକୁ ଦାବୀ କରିବେ ବୋଲି କହିଛନ୍ତି । ବିଭିନ୍ନ ଘଟଣା  ରେ ରୁକୁ ସୁନା ଚର୍ଚିତ ରହୁଥିବା ବେଳେ ଏବେ ସୁପରିକଳ୍ପିତ ହତ୍ୟା କାଣ୍ଡ କରି ପୁନର୍ବାର ଚର୍ଚା ରେ ରହୁଥିବା ଆଲୋଚନା ହେଉଛି ।