04-Sep-2024

ବଲାଙ୍ଗୀର(ପ୍ରେରଣା ଖବର): ବଲାଙ୍ଗୀର ଜିଲ୍ଲାର ବିଭିନ୍ନ ଅଞ୍ଚଳରେ ବିନା କାଗଜପତ୍ର ଓ ରାଜ୍ୟ ସରକାରଙ୍କ ବିନା ଏନ୍.ଓ.ସି  ତଥା ସରକାରୀ ଗାଇଡ଼ଲାଇନକୁ ଉଲ୍ଲଙ୍ଘନ କରି ଏକାଧିକ ଶିକ୍ଷାନୁଷ୍ଠାନ ଗଢି ଉଠିଛି l ନର୍ସିଂ ସ୍କୁଲ ଠାରୁ ଆରମ୍ଭ କରି ହାୟର ସେକେଣ୍ଡାରି ଓ ଆଇଟିଆଇ କଲେଜ ପରି ଏପରି ଅନେକ ଅନୁଷ୍ଠାନ ଆଜି ବିନା ଏଫିଲିଏସନରେ ଜିଲ୍ଲାର କୋଣଅନୁକୋଣରେ ନିଜର ଶିକ୍ଷା ବ୍ୟବସାୟ ଚଳାଇଛନ୍ତି l ଦୁଃଖର ବିଷୟ ହେଲା,  ସରକାରଙ୍କ କୌଣସି ଗାଇଡ୍ ଲାଇନ କୁ ଏଠାରେ ପାଳନ କରାଯାଉ ନାହିଁ l ଏପରି ଅନେକ ଘରୋଇ ଶିକ୍ଷାନୁଷ୍ଠାନ ଅଛି ଯେଉଁଠାରେ ନା ଅଛନ୍ତି ତାଲିମପ୍ରାପ୍ତ ଅଭିଜ୍ଞ ଶିକ୍ଷକ ନା  ଅଛି ଶିକ୍ଷାନୁଷ୍ଠାନର ଭିତ୍ତିଭୂମି l  ଲୋକଙ୍କ ସଚେତନତାର ଅଭାବ ଯୋଗୁଁ ଅନେକ ଅଭିଭାବକ ମାନେ ନିଜର ପିଲାଛୁଆଙ୍କୁ ଏଠାରେ ନାମ ଲେଖାଇ ପିଲାଙ୍କ ଭବିଷ୍ୟତକୁ ନଷ୍ଟ କରୁଛନ୍ତି l ଓଡ଼ିଶା ନର୍ସ  ଆଣ୍ଡ ମିଡ ୱାଇଭସ ରେଜିଷ୍ଟ୍ରେସନ୍ କାଉନସିଲ୍ ର ବିନା ଅନୁମୋଦନ ରେ ଏବେ ବଲାଙ୍ଗୀର ଜିଲ୍ଲାର ବିଭିନ୍ନ ଅଞ୍ଚଳରେ ଏପରି ଘରୋଇ ଶିକ୍ଷାନୁଷ୍ଠାନ ଗୁଡିକ ମୁଣ୍ଡ ଟେକିଛନ୍ତି l

   ତବେ ବଲାଙ୍ଗୀର ଜିଲ୍ଲା ପୁଇଁତଳା ବ୍ଲକ ଅନ୍ତର୍ଗତ ଗଇଁତଳl ଠାରେ ସ୍ଥାପିତ ଉତ୍କଳ କଲେଜ ଅଫ୍ ନର୍ସିଂ ଆଣ୍ଡ ମେଡିକାଲ ସାଇନ୍ସ 

ଓଡ଼ିଶା ସରକାରଙ୍କ ଏନ୍.ଓ.ସି ପାଇବା ପରେ ଏବେ ସଫଳତାର ସହ ନିଜର ଜୟଯାତ୍ରା ଜାରି ରଖିଛି l  ଗତ ଜୁଲାଇ ମାସରେ ଆମ ଖବରକାଗଜ ରେ ଏହି ଶିକ୍ଷାନୁଷ୍ଠାନ ସମ୍ପର୍କିତ ଏକ ଭୁଲ ଖବର ପ୍ରକାଶିତ ହୋଇଥିଲା l ଏବେ କଲେଜର ର ଏନ୍ ଓ ସି ମିଳିସାରିଛି l କଲେଜର ନିର୍ଦ୍ଦେଶକ ବିଶ୍ଵଭୂଷଣ ସାମନ୍ତରାୟଙ୍କ ଦିଗଦର୍ଶନର କଲେଜ ଟି ପରିଚାଳିତ ହେଉଥିବା ବେଳେ ଏ ଏନ୍ ଏମ୍ ପାଠ୍ଯକ୍ରମ ପାଇଁ ମୋଟ ୪୦ ଜଣ ଓ ଜି.ଏନ୍.ଏମ୍ କୋର୍ସ ପାଇଁ ୬୦ଜଣ ଛାତ୍ରୀ ଏଠାରେ ନିଜର ବୃତ୍ତିଗତ ଜୀବନ ଆରମ୍ଭ କରିଥିବା କଲେଜର ଅଧ୍ୟକ୍ଷା ଜ୍ୟୋତି ମେହେର ଓ ପରିଚାଳିକା ମୁଖ୍ୟ ଗୀତାଞ୍ଜଳି ମେହେର ସୂଚନା ଦେଇଛନ୍ତି l ଶିକ୍ଷାର୍ଥୀ ମାନଙ୍କୁ ଗୁଣାତ୍ମକ ଶିକ୍ଷା ପ୍ରଦାନ ତଥା ଆତ୍ମନିର୍ଭରଶୀଳ କରିବା ଦିଗରେ ଏହି ଅନୁଷ୍ଠାନଟି ଆଜି ନିଜର ଏକ ସ୍ଵତନ୍ତ୍ର ପରିଚୟ ସୃଷ୍ଟି କରିପାରିଛି l  ହସ୍ପିଟାଲ ଟ୍ରେନିଂ ଠାରୁ ଆରମ୍ଭ କରି ହଷ୍ଟେଲ୍ ସୁବିଧା ଓ ଅନ୍ୟାନ୍ୟ ସୁବିଧାସୁଯୋଗ ଏଠାରେ ଉପଲବ୍ଧ l ସଫଳତା ଓ ବିଫଳତା ଗୋଟିଏ ମୁଦ୍ରାର ଦୁଇଟି ପାର୍ଶ୍ଵ ସଦୃଶ ଅଟେ l ଜୀବନରେ ତମାମ ବିଫଳତା ଓ ଉତ୍ଥାନପତନର ଅନ୍ଧାର ଭିତରେ ବି  ପିଲାମାନଙ୍କୁ ସଫଳତାର ବାଟ ଦେଖାଉଥିବା ଏକ ଅନୁଷ୍ଠାନ ହେଉଛି ଉତ୍କଳ କଲେଜ ଅଫ୍ ନର୍ସିଂ ଆଣ୍ଡ ମେଡିକାଲ ସାଇନ୍ସ l  ନର୍ସିଂ କ୍ଷେତ୍ରରେ କୋରିଅର ସ୍ରୁଷ୍ଟି କରିବାକୁ ଚାହୁଁଥିବା ଛାତ୍ରୀ ମାନଙ୍କ ପାଇଁ ଏହି ଅନୁଷ୍ଠାନ ହେଉଛି ୱାନ ଷ୍ଟପ୍ ସଲ୍ୟୁସନ୍ l ଓଡ଼ିଶାର ବିଭିନ୍ନ ଜିଲ୍ଲାରେ ନର୍ସିଂ କଲେଜ ମାନ ସ୍ଥାପନ କରି ନର୍ସିଂ ଶିକ୍ଷା କ୍ଷେତ୍ରରେ ଏକ ବୈପ୍ଲବିକ ପରିବର୍ତ୍ତନ ଆଣିବାରେ ସ୍ଵପ୍ନ ଦେଖିଥିବା କଲେଜର ନିର୍ଦ୍ଦେଶକ ବିଶ୍ଵଭୂଷଣ ସାମନ୍ତରାୟଙ୍କ ଆଗାମୀ ଦିନରେ ନିଜର ଏହି ମହତ  ଲକ୍ଷ୍ୟ ପୂରଣ ହେଉ,  ଏତିକି କାମନା l