08-Aug-2024

ତୁଷୁରା (ପଞ୍ଚାନନ ନାଏକ) ପୂର୍ବତନ ଛାତ୍ର ସଂଘ ପକ୍ଷରୁ ବଲାଙ୍ଗିର ଜିଲ୍ଲା ଗୁଡଭେଲା ବ୍ଳକ ଅନ୍ତର୍ଗତ ଜାମୁଟ ସରକାରୀ ହାଇସ୍କୁଲରେ ଯୁକ୍ତ ଦୁଇ ଖୋଳିବାକୁ  ରାଜ୍ୟ ଗଣଶିକ୍ଷା ମନ୍ତ୍ରୀଙ୍କୁ ଗୁଡଭେଲାବ୍ଲକ ଗୋଷ୍ଠୀ ଶିକ୍ଷା ଅଧିକାରୀ ରୁଷିଆ ମେହେରଙ୍କ  ଜରିଆରେ ଏକ ଦାବି ପତ୍ର ପ୍ରଦାନ । ଦାବିପତ୍ରରେ ଉଲ୍ଲେଖ କରିଛନ୍ତି ଯେ, ବଲାଙ୍ଗିର ଜିଲ୍ଲା ସଦର ମହକୁମାରୁ ପ୍ରାୟ ୬୦ କି.ମି. ଦୂରତାରେ ବୌଦ୍ଧ,କଳାହାଣ୍ଡି,କନ୍ଧମାଳ ଜିଲ୍ଲା ସୀମାନ୍ତ ଆଦିବାସୀ ଅଧୁଷିତ ଅଞ୍ଚଳରେ ଗୁଡଭେଲା ବ୍ଳକ ଅନ୍ତର୍ଗତ ଜାମୁଟ ଗ୍ରାମରେ ହାଇସ୍କୁଲର ରହିଛି ।  । ଏହି ହାଇସ୍କୁଲ (ସରକାରୀ ଉଚ୍ଚ ବିଦ୍ୟାଳୟ)ଟିକୁ ଦୀର୍ଘ ୩୦ ବର୍ଷ ହେଲ ରାଜ୍ୟ ସରକାରଙ୍କ ଦ୍ବାରା ସ୍ଥାପିତ ହୋଇଅଛି । ଯେଉଁଠାରେ ଜାମୁଟ,ବିରାମୁଣ୍ଡା, ଗମ୍ଭାରିଗୁଡା ପଞ୍ଚାୟତ ସମେତ ବୌଦ୍ଧ,କଳାହାଣ୍ଡି,କନ୍ଧମାଳ ସୀମାନ୍ତ ଜିଲ୍ଲାର ନିକଟତମ ଗ୍ରାମଗୁଡିକର ଆଦିବାସୀ ଛାତ୍ରଛାତ୍ରୀ ନିର୍ଭର କରୁଛନ୍ତି । ଏହି ବିଦ୍ୟାଳୟରେ ପ୍ରତିବର୍ଷ ୧୦୦ ରୁ ଉର୍ଦ୍ଧ୍ବ ଛାତ୍ରଛାତ୍ରୀ କେବଳ ଦଶମ ଶ୍ରେଣୀରେ ଅଧ୍ୟୟନ କରୁଛନ୍ତି । ଦଶମ ଶ୍ରେଣୀ ବୋର୍ଡ ପରୀକ୍ଷାରେ ଉତ୍ତୀର୍ଣ୍ଣ ହେବାପରେ ସରକାରୀ ତଥା ବେସରକାରୀ କଲେଜ ଗୁଡିକ ପ୍ରାୟ ୨୦ କି.ମି  ଦୂରତାରେ ଥିବା ଯୋଗୁଁ ଯାତାୟାତରେ ସମସ୍ୟା ସହ ଅନେକ ଛାତ୍ରଛାତ୍ରୀ ଅର୍ଥାଭାବରୁ ମଧ୍ୟ ଉଚ୍ଚ ଶିକ୍ଷାରୁ ବଞ୍ଚିତ ହେଉଛନ୍ତି । ଏ ଅଞ୍ଚଳର ଛାତ୍ରଛାତ୍ରୀଙ୍କ ବୃହତ୍ତର ସ୍ବାର୍ଥ ଦୃଷ୍ଟିରୁ ଉକ୍ତ ବିଦ୍ୟାଳୟଟିକୁ ଉଚ୍ଚ ମାଧ୍ୟମିକ ବିଦ୍ୟାଳୟ(ଯୁକ୍ତଦୁଇ କଲେଜ୍)ରେ ଉନ୍ନିତକରଣ ନିତାନ୍ତ ଆବଶ୍ୟକ ବୋଲି ପୁରାତନ ଛାତ୍ର ସଂଘ ଦାବି କରିଛନ୍ତି ।