06-Aug-2024

ହରଭଙ୍ଗା(ଦେବବ୍ରତ ଦାଶଙ୍କ ରିପୋର୍ଟ): ଅନ୍ଧବିଶ୍ୱାସ ନେଲା ଜୀବନ । ସାପ କାମୁଡ଼ା ରେ ଜଣେ ମୃତ । ସାପ କାମୁଡିବାର ଦୀର୍ଘ ସମୟ ଘରେ ଝଡ଼ାଫୁଙ୍କା କରିବା ପରେ ଗଲା ଜୀବନ।  ମୃତକ ହେଲେ ପୁରୁଣାକଟକ ଥାନା ପାଟଦୋହଲି ଗ୍ରାମର ହେମାନନ୍ଦ ପ୍ରଧାନ । ସୂଚନାମୁତାବକ ଗତକାଲି ବିଳମ୍ବିତ ରାତି ରେ ପୁରୁଣାକଟକ ଥାନା ଅନ୍ତର୍ଗତ ପାଟଦୋହଲି ଗ୍ରାମର ହେମାନନ୍ଦ ପ୍ରଧାନ ଙ୍କୁ ଘରେ ସୋଇଥିବା ସମୟରେ ଏକ ବିଷଧର ଚିତି ସାପ କାମୁଡି ଦେଇଥିଲା । ପରେ ହେମାନନ୍ଦ ସାପ କାମୁଡି ଦେଲା ବୋଲି ଚିତ୍କାର କରିବାରୁ ଗାଁ ପଡୋଶୀ ଘରକୁ ଦୌଡ଼ି ଆସି ହେମାନନ୍ଦକୁ ଘରୁ ବାହାରକୁ ଆଣିବା ସହ ସାପ କୁ ଏକ ହାଣ୍ଡି ରେ କାବୁ କରି ରଖିଥିଲେ । ହମାନନ୍ଦ ଙ୍କୁ ସଙ୍ଗେ ସଙ୍ଗେ ବୌଦ୍ଧ ମୁଖ୍ୟଚିକିତ୍ସାଳୟକୁ ନେଇଥିଲେ ଗ୍ରାମବାସୀ । ବୌଦ୍ଧ ଚିକିତ୍ସାଳୟ ରେ ହେମାନନ୍ଦ ଗୁରୁତର ହେବାରୁ ତାଙ୍କୁ ଡାକ୍ତର ବୁର୍ଲା ବଡ ମେଡ଼ିକାଲକୁ ସ୍ଥାନାନ୍ତର

କରିବା କହିଥିଲେ । କିନ୍ତୁ ପରିବାର ଲୋକେ ବୁର୍ଲା ଚିକିତ୍ସାକେନ୍ଦ୍ର କୁ ନେବା ପରିବର୍ତ୍ତେ ଘରକୁ ଫେରାଇ ଆଣିଥିଲେ । ଘରେ ଦୀର୍ଘ ୨ଘଣ୍ଟା ପକେଇ ରଖିବା ପରେ ଜଣେ ଗୁଣିଆ ସାହାଯ୍ୟ ରେ ଗୁଣି ଗରେଡି କରାଇଥିଲେ । ଗ୍ରାମବାସୀ ଓ କିଛି ସଚେତନ ଯୁବକ ହେମାନନ୍ଦ ଙ୍କୁ ଚିକିତ୍ସାକେନ୍ଦ୍ର ନେବା ପାଇଁ କହିଥିଲେ କିନ୍ତୁ ପରିବାର ଲୋକ ତାହା ନ ଶୁଣି ଗୁଣିଗରେଡି ରେ ଭରଷା କରିଥିଲେ । ଶେଷରେ ହେମାନନ୍ଦ ଙ୍କ ଜୀବନ ଚାଲିଯାଇଥିଲା ପରେ ତାଙ୍କ ର ଅନ୍ତିମ ସଂସ୍କାର କରାଯାଇଛି ବୋଲି ଗ୍ରାମବାସୀ ସୂଚନା ଦେଇଛନ୍ତି । ଅନ୍ୟପଟେ ଅନ୍ଧବିଶ୍ୱାସ ର ବଶବର୍ତ୍ତୀ ହୋଇ ପରିବାର ଲୋକେ ହେମାନନ୍ଦଙ୍କ ଶବ ବ୍ୟବଚ୍ଛେଦ କରିନଥିଲେ ଫଳ ସେମାନେ ସରକାରୀ ସହାୟତାରୁ ମଧ୍ୟ ବଞ୍ଚିତ ରହିଲେ ।