13-May-2024

ବଲାଙ୍ଗିର(ଚିତ୍ରସେନ ବେହେରା): ଆସନ୍ତା ମେ ୧୫ତାରିଖ ଦିନ କଂଗ୍ରେସ ଯୁବନେତା ରାହୁଲ ଗାନ୍ଧୀ ବଲାଙ୍ଗିର ଆସୁଛନ୍ତି l  ରାହୁଲଙ୍କ ସମେତ ତେଲେଙ୍ଗାନାର ଉପମୁଖ୍ୟମନ୍ତ୍ରୀ ମଲ୍କୁ ଭାଟି ଓ କଂଗ୍ରେସର ଓଡିଶା ପ୍ରଦେଶ ମୁଖ୍ୟ ଅଜୟ କୁମାର  ଉପସ୍ଥିତ ରହି କଂଗ୍ରେସ କର୍ମୀଙ୍କ ମଧ୍ୟରେ ଉତ୍ସାହ ଭରି ବା ସହ କଂଗ୍ରେସ ପ୍ରାର୍ଥୀ ଙ୍କ ପାଇଁ ଭୋଟ ଭିକ୍ଷl କରିବେ lଦିନ ୧୧ ଟା ସମୟରେ ସ୍ଥାନୀୟ ମନୋହର ପୁର ହେଲିପ୍ଯାଡ଼୍ ରେ ପହଂଚିବା ପରେ ଆର. ଟି. ଓ ଅଫିସ ରୁ ଏକ ବାଇକ୍ ରେଲିରେ ସହର ପରିକ୍ରମା କରି ସାଢେ ୧୧ଟା ବେଳେ କୋଶଲ କଳା ମଣ୍ଡଳ ପଡିଆ ରେ ଅନୁଷ୍ଠିତ ଜନସଭା କୁ ସମ୍ବୋଧିତ କରିବେ ରାହୁଲ ଗାନ୍ଧୀ । ବଲାଙ୍ଗିର ସଂସଦୀୟ କ୍ଷେତ୍ରର ୭  ବିଧାନସଭା ପ୍ରାର୍ଥୀ ଓ ସାଂସଦ ପ୍ରାର୍ଥୀ ଙ୍କ ପାଇଁ ପ୍ରଚାର କରିବେ ରାହୁଲ l
  ରାହୁଲଙ୍କ ବଲାଙ୍ଗିର ଗସ୍ତକୁ ସଫଳ କରିବା ପାଇଁ ବଲାଙ୍ଗିର ଜିଲ୍ଲା କଂଗ୍ରେସ କମିଟି ତରଫରୁ ଜନସାଧାରଣଙ୍କୁ ନିବେଦନ କରାଯାଇଛି l ଏହି ଅବସରରେ ଆଜି ଜିଲ୍ଲା କଂଗ୍ରେସ କମିଟି ପକ୍ଷରୁ ସ୍ଥାନୀୟ ସାମ୍ବାଦିକ ଭବନ ଠାରେ ଅନୁଷ୍ଠିତ ଏକ ସାମ୍ବାଦିକ ସମ୍ମିଳନୀ ରେ ରାହୁଲଙ୍କ ଗସ୍ତ ସମ୍ପର୍କରେ ସବିଶେଷ ସୂଚନା ଦିଆଯାଇଛି । ଆଜିର ସାମ୍ବାଦିକ ସମ୍ମିଳନୀରେ କଂଗ୍ରେସ ଜିଲ୍ଲା ସଭାପତି ଅଶୋକ ନନ୍ଦ, କଂଗ୍ରେସ ନେତା ଅଜିତ ପାଲ,  ଅଜୟ ବାଲି , ସନ୍ତକ ବହିଦାର, ମନୀଷ ମିଶ୍ର, ଜତିଶ୍ ମୁଗ୍ରୀ ପ୍ରମୁଖ ଉପସ୍ଥିତ ଥିଲେ ।