02-May-2024

ଖଡ଼ିଆଳ(ଚିନ୍ତାମଣି ନେତାମ) ଗତକାଲି ମଇ 1 ତାରିଖ ଥିଲା ବିଶ୍ଵ ଶ୍ରମିକ ଦିବସ l ନୂଆପଡା ଜିଲ୍ଲା ଖଡ଼ିଆଳରେ ଦିନ ୧୦ ଘଣ୍ଟା ସମୟରେ ଶ୍ରମିକ ଦିବସ ପାଳିତ ହୋଇଯାଇଛି l ଜିଲ୍ଲା ନିର୍ମାଣ ଶ୍ରମିକ ସଂଘ ମୁଖ୍ୟ କାର୍ଯ୍ୟାଳୟ ଇଦନଗର ଠାରୁ ବିଭିନ୍ନ ବ୍ଳକରୁ ଆସିଥିବା ଶତାଧିକ ଶ୍ରମିକ ହାତରେ ଲାଲ୍ ଝଣ୍ଡା ଧରି ଟୁଲୁ ବାବୁ ଙ୍କ ନେତୃତ୍ବରେ ଏକଜୁଟ ହୋଇ ଖଡ଼ିଆଳ ପୋଲିସ ର ସହାୟତାରେ ଇନ୍ଦ୍ର ନଗର ଠାରୁ ଖଡ଼ିଆଳ ଥାନା ଚୋକ ପ୍ରର୍ଯ୍ୟନ୍ତ ନାରାବାଜି କରି ପଦଯାତ୍ରା କରିଥିଲେ l ପରେ ଅଗ୍ରେସନ ଭବନରେ ବୈଠକ କରିଥିଲେ l ନିର୍ମାଣ ଶ୍ରମିକ ସଂଘ ମୁଖ୍ୟ ବାବୁ ଶ୍ରମିକ ମାନଙ୍କର ହକ ଅଧିକାର ଓ ଦୈନିକ ମଜୁରୀ, ସାମାଜିକ ସୁରକ୍ଷା, ଶ୍ରମିକମାନଙ୍କୁ ଜିଲ୍ଲା ରେ ସଚେତନ କରାଯିବା, ଶ୍ରମିକ ଶୋଷଣ ବିରୁଦ୍ଧରେ ଆନ୍ଦୋଳନ କରାଇବା ଓ ଶ୍ରମିକମାନଙ୍କର ଇତିହାସ ବିଷୟରେ ସମସ୍ତଙ୍କୁ ଅବଗତ କରାଇଥିଲେ l ସଂଘର ସଂପାଦକ ପିତାମ୍ବର କୁମାର ଓ ଦୁର୍ବଳ ମାଝୀ, ଧନୁର୍ଧର ହାତି ମୁଖ୍ୟ ଭୁମିକା ନେଇ ଥିଲେ l ଅତିଥି ଭାବେ ଲିଟିଗୁଡା ନାଏବ ସରପଞ୍ଚ ଲଳିତ ମୋହନ ମାଝି, ସରଧାପୁର ସମିତି ସଭ୍ୟ - ଶ୍ରିବସ୍ତ ଶଗରିଆ ଶ୍ରମିକ ମାନଙ୍କର ହେଉଥିବା ଅସୁବିଧା ବିଷୟରେ ଓ ସଚେତନ କିପରି ଭାବରେ ଜିଲ୍ଲା ସମସ୍ତ ଶ୍ରମିକମାନଙ୍କୁ କରାଇବା ପାଇଁ ଆଲୋଚନା କରାଇଥିଲେ l ଜିଲ୍ଲା ଛାତ୍ର ସଂଘ ର ସଭାପତି - ବିପିନ ଯାଦବ ବୈଠକ ରେ ଯୋଗ ଦେଇ ଶ୍ରମିକମାନଙ୍କ ଓ ଛାତ୍ରଛାତ୍ରୀ ମାନଙ୍କୁ ଶିକ୍ଷିତ ହେବା ପାଇଁ ସମସ୍ତଙ୍କ ଅବଗତ କରାଇଥିଲେ l ସମାଜସେବୀ ରାମ ବଛା ଶ୍ରମିକମାନଙ୍କର ପ୍ରତି ହେଉଥିବା ଶୋଷଣ ଓ ଜିଲ୍ଲା ପ୍ରଶାସନ ଓ ରାଜ୍ୟ ତଥା କେନ୍ଦ୍ର ସରକାରଙ୍କ ବିରୋଧରେ ଯୋରଦାର ବର୍ଷିଥିଲେ l ସଂଘର ଅଜିତ , ଦୁର୍ବଳ ମାଝୀ, ଧନୁର୍ଧର ହାତି, ମୋହନ୍ ବାରିକ ପ୍ରମୂଖ ପୂର୍ଣ୍ଣ ସହଯୋଗ କରିଥିଲେ। ପିତାମ୍ବର କୁମାର ଧନ୍ୟବାଦ ଅର୍ପଣ କରିଥିଲେ l