30-Apr-2024

ପୁରୀ /ଗୁଡ଼ିଆପୋଖରୀ(ମଧୁସ୍ମିତା ତ୍ରିପାଠୀ ):  ଗ୍ରୀଷ୍ମ ପ୍ରବାହ ର ଦ୍ଵିତୀୟ ପ୍ରଯ୍ୟାୟ ରେ ତାତି ର ପରିମାଣ ୪୫° ଟପିଲାଣି | ରାସ୍ତା ଘାଟ ରେ ଛାଇ ଟିକେ ପାଇଁ ଲୋକେ କଲବଲ | ଘରୁ ବାହାରିବା ଜୀବନପ୍ରତି ବିପଦ | ପରନ୍ତୁ ଦିନ ମଜୁରିଆ ମାନେ ଯଦି କାମ ନକରିବେ ତେବେ ସେମାନଙ୍କ ପରିବାର ପ୍ରତିପୋଷଣ କରିବା ମୁସ୍କିଲ ହୋଇଯିବ ଏଣୁ ଅନେକ ଦିନ ମଜୁରିଆ ଏହି ଢୁ ଢୁ ଖରାରେ ଅକ୍ଲାନ୍ତ ପରିଶ୍ରମ କରୁଛନ୍ତି | ପାଣି ଟୋପେ ସେମାନଙ୍କୁ ଦେବ କିଏ ? ଏପରି ଏକ ମହତ ଉଦ୍ଦେଶ୍ୟ ନେଇ ପିପିଲି ଲକ୍ଷ୍ମୀନାରାୟଣପୁର ଗ୍ରାମର ଜଣେ ଯୁବକ ଗ୍ରାମ ଆଖ ପାଖରେ ଥିବା ଇଟାଭାଟି, ବିଲ, ତଥା ରାସ୍ତା ର କୌଣସି ଏକ ଗଛ ମୂଳରେ ବସି ଜଳଛତ୍ର ଦେଉଛନ୍ତି | ମୁଖ୍ୟ ଉଦେଶ୍ୟ ପରିଶ୍ରମୀ ଶ୍ରମିକ ମାନଙ୍କୁ ଜଳ ଯୋଗାଇବା | ଖାଲି ଗୋଟିଏ ସ୍ଥାନରେ ନୁହେଁ ପ୍ରତ୍ୟେକ ଦିନ ଏପରି ଦିନ ମଜୁରିଆ ଭାବରେ କାମ କରୁଥିବା ସ୍ଥାନରେ ଜଳଛତ୍ର ନେଇ ପହଂଚିଯାଉଛନ୍ତି ଯୁବକ |ତାଙ୍କୁ ଏଥିରେ ଅନ୍ୟ ଯୁବକ ମାନେ ମଧ୍ୟ ସହଯୋଗ କରୁଛନ୍ତି |ତା ସହ ରାସ୍ତାରେ ଯାତାୟାତ କରୁଥିବା ଲୋକମାନେ ମଧ୍ୟ ଉପକୃତ ହେଉଛନ୍ତି |ଯେଉଁ ସ୍ଥାନରେ ଦିନମଜୁରିଆ ଭାବରେ ଶ୍ରମିକ କାମ କରୁଛନ୍ତି ତାହା ଗ୍ରାମ ଠୁ ଅନେକ ଦୂରରେ ଏବଂ ସେଠି ପାଣି ପାଇବା ଅସମ୍ଭବ ସେଥିପାଇଁ ପାଣି ନିମନ୍ତେ ଶ୍ରମିକ ମାନେ ଚାଲି ଚାଲି କିଛି ଦୂର ଯାନ୍ତି ପାଣି ଆଣିବାକୁ ତେଣୁ ଏହି ସବୁ ସ୍ଥାନରେ ଜଳ ଯୋଗାଇବାକୁ ଆସୁଛି ବୋଲି କହିଛନ୍ତି ଯୁବକ ଜଣକ |